Ɨnû 2:16 - Meta’

¹⁶ Əne beŋ e fîŋ! À mɨ ton beŋ e, mə bɨrɨ zambɨ yeʼe əsɨ ne pè màʼ bid mbɨ mɨ̀mə̌d mbɨ ɨbi bid we nɨ yeʼ ɨŋga mɨ ɨchû.

Ikan feg

¹⁶ Ane, bəŋi ìze fìŋ! Àghò mə ton awe ni bə̀ŋə̀, mə biri zàmbì yèʼe ine pè zɔ̀ŋ tì inɔb ane ibeg ibid we ne yaʼi inga ìmə ichug.

Ɨnû 2:16 Referans Kwoze

2 Tès 2:8

À yɨ ənɨ ə nyùmə̀ we nɨ wə̀d we nɨə ton ə Ŋwiə̀ bə̀ tonə tɨkə rɨ məd bɨrɨ jwɨ̀ mbɨ zə. Ə̀nùŋɨ̀sɨg Yeso bɨrɨ zwiirɨ əməd ənɨ ɨfə we nɨə jwɨ̀ rɨŋga ɨchû məd, əne nimnɨ əməd ənɨ ɨzeŋɨ zeŋɨ we nɨ bɨrɨ te ənɨ ə nyùmə̀ we nɨ wɨ̀ wɨrɨ yeʼe.

Ɨnû 1:16

Wɨ̀ nyaʼa yim rɨtəmɨ sambe ɨŋga e əbɔ ə jɨgɨ. Ɨbi bid ɨba jìm nɨ nyaʼə tɔə wɨə nyaʼə jwɨ̀ rɨŋga ɨchû məd. Ɨfě məd wɨə nyaʼə te ɨchî nɨ nyùmə̀ ə teə kwàʼ rɨkǎ.

Ɨnû 2:5

Əne kɔndɨ ɨchî nɨ à nyaʼa beə bɔŋ à nyaʼa sɨə gùə̀! Beŋ e fîŋ sɨə wɨrɨə ghɨ̀ ɨnû mbe nɨ à nyaʼə beə ghɨ̀ə̀. À mɨ ton ghɨ e əne, mə bɨrɨ yeʼe əsɨ ne, pè chɨ̀ əghɨ ze nɨ àwɔ̀ ə te ənam ɨgun rɨ əsɨ ze nɨ zɨə yeʼ əŋgu.

Efesùs 6:17

Mbə̀ nɨŋ ɨchî nɨ Ŋwiə̀ fə chɨ̀ əwən rəŋgəʼ ɨghabɨ ni à yɨ ɨdəm ətənɨ nɨ kən ətu. Mbə̀ bə̀ nɨŋ ɨŋgam Ŋwìə̀ ɨghabɨ ni à yɨ ɨbi bid nɨ Əzwî ə nàʼə̀.

Ɨnû 19:21

Ənɨ mbɨ nyaʼa ghɨ əne, wə̀d we nɨ kɔʼɔ ngyi ze nyaʼa zwiirɨ mɨfɔ̂n mɨ̀jìm ɨgwɨ ə si bə̀ zwiirɨ mɨ̀sɔgyɨ̀ mɨ̀mə̌d mɨjìm ənɨ ɨbi bid we nɨə jwɨ̀ rɨŋga ɨchû ɨməd. Tɨnən te rɨjìm nyaʼa kud nyamnyod te tɨbum swi.

Ɨnû 19:15

Ɨbi bid nɨə tɔə fɨə jwɨ̀ rɨŋga ɨchû ɨməd. Wɨ̀ bɨrɨ nɨŋ ɨbi we baŋ ɨbeŋ jìm əŋgu. Wɨ̀ bɨrɨ tumbɨ mɨ̀mə̌d ənɨ ɨka jìm. Wɨ̀ bɨrɨ min rɨtam vaìn ɨŋga əsɨ ze nɨ mbɨə mìnə̀ mɨ̀noʼ. Əzɔ̂ ə chwi ɨchî nɨ Ŋwìə̀kɔʼ ə kàŋə̀ sə ɨtəm.

Ɨnû 2:12

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Pegamùm ni, 'Ɨŋgam wɔ̂ yɨ rɨ əmbɨ wə̀d we nɨ berɨ ɨbi bid we nɨə tɔ ɨba jìm.

Ɨnû 3:19

Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.

Ɨnû 22:7

Yeso ə ghà ni, “Mbə̀ zə, mə bɨrɨ zambɨ yeʼe! Ŋwìə̀ zɨ əbɔrəbɔd ɨgun ə wə̀d we nɨə ghɨ̀ ɨnû mbe nɨ mbɨ ŋwaʼnɨ ɨŋga ə̀ŋwàʼnɨ̀ zɔ̂ ɨmbə̀ʼ ɨnû mbe nɨ bɨrɨ nɨ ghɨ̀.”

Ɨnû 16:9

Əzuʼ ə ka ka ze ə nyaʼa tɔ̀n bə̂d mbe, əne mbɨ nyaʼa zɔ̀m ɨkum Ŋwìə̀ we nɨ berɨ ɨka ɨgwɨ ə ŋgəʼ rɨ kǎ kǎ te, àyɨə chəi mbɨ nyaʼa beŋ tə fîŋ wumnɨ əməd.

Ɨnû 22:20

Wə̀d we nɨ gha ɨnû mbɔ̂ jìm ə ghà ni, “À yɨ rəsìʼ, mə bɨrɨ zambɨ yeʼe.” À yɨ əne, Ə̀nùŋɨ̀sɨg Yeso, yeʼe!