Ɨ̀fàʼì 9:16 - Meta’

¹⁶ Mə bɨrɨ chwi ŋgəʼ jìm ze nɨ wɨ̀ berɨ zə ɨmbə̀ʼ əmɨ ɨ bɔ.”

Ikan feg

¹⁶ Mə biri chwi icheg ne məd biri zə̰ ngəʼ imbə̀ʼ amə ibo.”

Ɨ̀fàʼì 9:16 Referans Kwoze

1 Tèsàlonikà 3:3

Tɨ̀ nyaʼa bə̀ tom əməd ɨmbə̀ʼ tɨ wə̀d mɔʼɔ bɔrɨ i ɨchî nɨ mbɨə nwèndɨ̀ tə rɨkyerɨ-ɨwu. Mbə fə kàŋ kyerɨ ə ni mbɨ berɨ nwèndɨ̀ ta rɨkyerɨ-ɨwu.

Ɨ̀fàʼì 21:11

Wɨ̀ nyaʼa yeʼe əsɨ na, pè nɨŋ ɨ̀kɔ̀bɨ̀ Pɔ̂l kod mbi ɨwu bə̀ kod mbi ɨbɔ ghà ni, “Əzwî ə Zeŋɨ ə ghà ni, 'À yɨ ɨchî nɨ mɨ̀Jû mbe rɨ ə Jèrusalèm bɨrɨ kod mbaŋə̀ ze nɨ berɨ ɨ̀kɔ̀bɨ̀ wɔ̂, əne zɨ̀ əməd ɨŋga tɨkyerɨ-ɨbɔ bə̂d nɨ kaʼi mɨ̀Jû.'”

2 Kɔrèn 6:4

Àyɨə ɨghabɨ ə bə̂d ə̀fàʼì Ŋwiə̀, tɨ wɨə chwiə ni tɨ yɨə bə̂d ə̀fàʼì chɔ̀m ənɨ tɨkwɨrɨ ɨnə̂njɨ̀ jìm. Tɨ̀ wɨə nyìʼ əton ə ŋgəʼ, tɨ wɨə zə tɨkwɨrɨ ŋgəʼ jìm, ɨnû mbɨə nyèm əwa, ɨnû rɨbɔ̀ŋ nɔnɔʼ mbɨə nyɨ ɨgwɨ na.

Jn 15:20

Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

1 Pità 4:14

Bə̂d mɨ yeʼə zɔ̀m əwən ɨmbə̀ʼ ɨchî nɨ mbə̀ ben ə Kristo, Ŋwìə̀ bɨrɨ zɨ əbɔrəbɔd ɨgwɨ nən. Əne yɨ ni Əzwî ə Zeŋɨ ze nɨ yeʼ Əzwî ə Ŋwiə̀ ə fə sɨ i ɨgwɨ nən.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

Matìyò 5:11

“Ŋwìə̀ zɨ əbɔrəbɔd ɨgwɨ nən əwù ze nɨ bə̂d ə chàb əwən, nwèndɨ̀ə̀ tə rɨkyerɨ-ɨwu bə̀ ghàə̀ tɨkwɨrɨ ɨnû rɨbɔ̀ŋ mɨghab jìm ɨgwɨ nən ɨmbə̀ʼ əmɨ.

Matìyò 24:9

“Nyùmə̀ we mɨ kùʼ, mbə bə̂d pə̀n bɨrɨ gywɨ əwən nàʼ ni mbɨ chə əwən bə̀ zwiirɨ əwən. Ɨsɨg jìm bɨrɨ ban əwən ɨmbə̀ʼ əmɨ.

2 Timotì 3:11

À fə kyerɨ e ɨchî nɨ mbɨ nyaʼə nwèndɨ̀ tum rɨkyerɨ-ɨwu bə̀ kyerɨ ɨchî nɨ mə̀ nyaʼə zəə ŋgəʼ. À fə kyerɨ e ənû ze nɨ nyaʼa ghɨ ənɨ ə num ə Antiɔ̀k, ə Ikoniùm fɔrɨ ə Listrà, ɨchî nɨ mə nyaʼa nyiʼ ənɨ mbɨ nyaʼə nwèndɨ̀ tum rɨkyerɨ-ɨwu kwàʼ rɨkǎ. À yɨ Ə̀nùŋɨ̀sɨg nyaʼa chɨ əmɨ rɨŋga ŋgəʼ tɔ̂ rɨ̀jìm.

Ɨ̀fàʼì 21:4

Tɨ̀ nyaʼa pè kə̀b bə̂d mbe nɨ nyaʼa ben ə Kristo chubɨ mbɨ mɨ̀mə̌d ɨni sambe. Əzwî ə Zeŋɨ ə nyaʼa ghɨ̀ ni bə̂d mbe ghà əmbɨ Pɔ̂l ni tɨ wɨ̀ wo əwi ə Jèrusalèm.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨ̀fàʼì 9:14

Wɨ̀ fə nɨŋ ɨka rɨ əmbɨ ə bə̂d kyeŋ mbe rɨ ə mbàn Ŋwìə̀, əne wɨ̀ fə yeʼe əgha ɨmbə̀ʼ gywɨ̀ bə̂d mɨjìm mbe nɨə wumnɨ əwe.”

Ɨ̀fàʼì 9:6

Àyɨə nɔʼ wò nyɨ ə Dàmaskɔ̀s. À mɨ pè əŋgu, wə̀d mɔʼɔ bɨrɨ gha ənû ze nɨ à berɨ ghɨ̀.”

Ɨ̀fàʼì 14:22

Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Ɨ̀fàʼì 21:13

Àyɨə Pɔ̂l nyaʼa wììrɨ̀ ni, “Mbə̀ kɨ əni ghɨ̀ə̀ ye ə? Mbə̀ kɨə chweŋə mɨsɨ bə̀ wɔ̀ʼrɨ̀ mbɨ ɨwu ə? Mə fə tekɨ mɨ ɨnyod nɨ nyɨ ə ndəŋ bə̀ fɔrɨ nɨ kwɨ ə Jèrusalèm ɨmbə̀ʼ Ə̀nùŋɨ̀sɨg Yeso.”