Ɨ̀fàʼì 9:1 - Meta’

¹ À nyaʼa ənɨ ə nyùmə̀ we, Sɔ̂l nyaʼa wò ɨmbì kàʼə̀ ni tə bɨrɨ zwiirɨ mə̀mə̀ə̀nɨ̀-ɨnû Ə̀nùŋɨ̀sɨg. Əne wɨ̀ nyaʼa wò əsɨ ətu ɨgwɨ ə bə̂d mbàn Ŋwìə̀,

Ikan feg

¹ Anyumə̀ ne mbi yaya chɔ̀ʼɔ ibɔʼì ighog abə bəd Kristo, Sɔl ya chè imbìghè ni ya sìbè gha zìye biri zweti mə̀mə̀nənùg Anɔŋisəg. Ane, wì ya ghò abə atog wə̀d igun bəd mbàn Ŋwiye ni niŋ àŋwàʼrì.

Ɨ̀fàʼì 9:1 Referans Kwoze

Ɨ̀fàʼì 8:3

Sɔ̂l nyaʼa kə̀b ni njɨ tə nimnɨ bə̂d Kristo. Əne wɨ̀ nyaʼa kɔ ghanə nyɨrə nəb, yènə̀ sùŋə̀ bə̂d mbe nɨ nyaʼa ben ə Kristo, mbaŋə̀ mbɨ məyi, wò zɨ ə ndəŋ.

1 Timotì 1:13

Ka à bè yeʼi ni mə wɨə nyaʼə ghà ɨnû rɨbɔ̀ŋ ɨgwɨ məd, nwèndɨ̀ə̀ tɨkyerɨ-ɨwu bə̂d mbe nɨ nyaʼə beenɨ əbɔʼ məd bə̀ zɔ̀m əməd, àyɨə wɨ̀ nyaʼa dììrɨ̀ əmɨ ɨmbə̀ʼ ɨghəm nɨ chəi mə nyaʼa kyerɨ ənû ze nɨ mə nyaʼə ghɨ̀ə̀. Wɨ̀ nyaʼa bə̀ dììrɨ̀ əmɨ ɨmbə̀ʼ ɨchî nɨ chəi mə̀ nyaʼa bə kɨrɨ ben əməd.

Gàlesìyà 1:13

Mbə nyaʼa fə zu ɨchî nɨ mə nyaʼə ghɨ̀ ɨnû ənɨ mə nyaʼa kɨrɨ ɨŋga ənû ə Ŋwiə̀ mɨ̀Jû. Mbə nyaʼa zu ɨchî nɨ mə̀ nyaʼə nwèndɨ̀ rɨkyerɨ-ɨwu bə̂d mbe nɨ nyaʼa ɨŋga ɨfetɨ bə̂d Ŋwiə̀ kwàʼ ənɨ ɨkǎ. Mbə nyaʼa bə̀ zu ɨchî nɨ mə̀ nyaʼə bə̀ kə̀b nimnɨ ɨfetɨ we.

1 Kɔrèn 15:9

À yɨ əne ɨmbə̀ʼ ɨghəm nɨ rəbɔʼ bə̂d tom Kristo mɨ̀jìm, mɔ̌ yɨə we nɨ kə chè. Chəi mə̀ kuʼ nɨ tɨ̀ mbɨ tɔŋ əmɨ ənɨ ə wə̀d tom, ɨmbə̀ʼ ɨghəm nɨ mə wɨə nyaʼə nwèndɨ̀ rɨkyerɨ-ɨwu bə̂d mbe nɨ nyaʼa ɨŋga ɨfetɨ bə̂d Ŋwiə̀.

Ɨ̀fàʼì 7:58

nɨŋ əməd wò màʼ ənjìm əsɨ ze, tumbɨ ənɨ əti. Bə̂d mbe nɨ nyaʼə tumbɨ əməd nyaʼa nùŋ tə ngywɨ̌ ɨban ɨwu əjɔŋ ə mɔʼɔ nɨ ɨkum məd nyaʼə Sɔ̂l.

Fìlipì 3:6

Ɨ zɨ ətu ənɨ ənû ə mɔʼɔ, mə wɨə nyaʼə nwèndɨ̀ rɨkyerɨ-ɨwu bə̂d Kristo. Ɨ təm kùʼnɨ̀ ɨchî nɨ rɨkə chwiə, chəi bə̂d kweʼ ghà ənû rɨbɔ̀ŋ ɨmbə̀ʼ əmɨ.