Ɨ̀fàʼì 7:56 - Meta’

⁵⁶ Wɨ̀ nyaʼa zə əne ghà ni, “Mbə̀ zə! Mə wɨə zə ɨkaŋ əfìʼə. Mə wɨə bə̀ zə ə Wan Wə̀d nɨ təm əbà əbɔ ə jɨgɨ ə Ŋwiə̀.”

Ikan feg

⁵⁶ Wì ya bàd ane si ghà gha, “Mbə̀ nḛ! Mə we bàrà icheg ne ikaŋ àbɔ̀ŋɔ fiʼe bə̀ bàrà icheg ne Ŋwan Wə̀d tə̀mi aba abo jəghi Ŋwiye.”

Ɨ̀fàʼì 7:56 Referans Kwoze

Ɨnû 19:11

Mə nyaʼa zə ɨkaŋ əfìʼə, bə̀ zə ngyǐ rɨ̀fɨ əŋgu. Ɨ mbɨə nyaʼə tɔŋə mbaŋə̀ ze nɨ nyaʼa kɔʼ ngyǐ ze ni Wə̀d nɨə ghà rəsìʼ bə̀ tɔŋə ni Wə̀d nɨə ghɨ̀ ɨnû mbe nɨ wɨ̀ ghǎ. Ɨ wɨə saʼə bə̂d bə̀ màʼə̀ bid ɨchî nɨ kuʼnɨ.

Ɨnû 11:19

Mbɨ nyaʼa fiʼ mbàn Ŋwìə̀ ze nɨ yeʼ ɨkaŋ, əne bə̂d nyaʼa zə tɨkub ə fɨso ze ɨŋga. Ɨbi mbə̀ŋ wɨə nyaʼə ŋwàŋə̀, gɨ̂ rɨ ghàmə̀, mbə̀ŋ kùmə̀, si wùd, əwəŋ ə feŋgɨ kwàʼ rɨ̀kǎ.

Ɨ̀fàʼì 10:11

Wɨ̀ nyaʼa zə ɨkaŋ əfìʼə, bə̀ zə əghɨ ə mɔʼɔ nɨ nyaʼə swiʼə rɨkaŋ ɨghabɨ əbapɨ ə ngywɨ̌ ə kyeŋ. Mbɨ nyaʼə swi ə si ənɨ rɨbu rɨkwè.

Matìyò 3:16

Ənɨ Yeso nyaʼa fə nɨŋ mɨnib, wɨ̀ nyaʼa jwɨ̀ rɨŋga ɨgyɨ̀ we. Àmei əwu əwən, ɨkaŋ nyaʼa fìʼə̀, əne wɨ̀ nyaʼa zə Əzwî ə Ŋwiə̀ nɨ nyaʼə swiʼə yeʼe ɨgwɨ ɨghabɨ tə̀bə̀ŋə pè naŋ ɨgwɨ məd.

Ɨnû 4:1

Ənɨ mə nyaʼa fə zə ɨnû mbɔ̂ jìm, mə nyaʼa neŋ ɨkaŋ, əne zə ɨchû nəb əfìʼə. Gɨ̂ ze nɨ mə̀ nyaʼa be zu nɨ nyaʼə ghàm ɨ num ɨghabɨ ə taŋ, nyaʼa ghà ni, “Kɔʼ yeʼe əgha. Ənɨ ɨnû mbɔ̂ fə che, mə bɨrɨ chwi ɨnû mbe nɨ berɨ ghɨ̀ ɨ ne.”

Ɨ̀fàʼì 10:16

Ənû zɔ̂ ə nyaʼa ghɨ̀ ɨghəm tad, əne mbɨ nyaʼa wɨrɨ saʼ sùŋ əbapɨ ə ngywɨ̌ ze ɨkaŋ.

Jn 1:51

Yeso nyaʼa ghàm əne ghà əmbɨ mɨ̀mə̌d ni, “Mə ghà rəsìʼ ɨ nən ni mbə bɨrɨ zə ɨkaŋ əfìʼə mbɨ mbɨ̀aŋgɨrə̀ nɨə kɔʼə bə̀ swiʼə ɨgun ə Wan Wə̀d.”

Lk 3:21

Ənɨ Jɔ̌n nyaʼa fə naʼ mɨnib əmbɨ ə bə̂d mbe mɨjìm, wɨ̀ nyaʼa bə̀ naʼ əmbɨ Yeso. Ənɨ Yeso nyaʼə kɔŋgɨ ə Ŋwiə̀, ɨkaŋ nyaʼa fìʼə̀,

Mk 1:10

Ənɨ Yeso nyaʼə jwɨ̀ rɨŋga ɨgyɨ̀ we, wɨ̀ nyaʼa zə ɨkaŋ nɨ nyaʼa əfìʼə, bə̀ zə Əzwî ə Ŋwìə̀ nɨ nyaʼə swiʼə yeʼe ɨgwɨ məd ɨghabɨ tə̀bə̀ŋə.

Matìyò 25:31

“Ənɨ Wan Wə̀d wɨrɨ yeʼe ɨghabɨ ɨfɔ̀n mbɨ mbɨ̀aŋgɨrə̀ mɨ̀jìm mbɨ məd, wɨ̀ bɨrɨ chub ɨgun e ətən ɨfɔ̀n.

Matìyò 8:20

Yeso nyaʼa ghà ɨ bɔ ni, “Kyerɨ ni mɨ̀seŋə ə berɨ tə rɨbɨgɨ, tɨnən bə̀ berɨ tə kàn, àyɨə chəi Wan Wə̀d berɨ əsɨ nɨ nuŋ e ətu əŋgu.”

Ɨ̀fàʼì 7:57

Mə̀saʼ əbeŋ mbe nyaʼa zu əne, kyeŋ rɨ̀kǎ, kubrɨ mbə ɨ̀tǒŋ ənɨ mbə ɨbɔ, fɔtɨ suə wò fetɨ ɨgwɨ məd,