Ɨ̀fàʼì 6:1 - Meta’

¹ À nyaʼa ɨŋga ɨni mbe, ənɨ ɨnun bə̂d mbe nɨ nyaʼa ben ə Kristo nyaʼə sɨə nɔʼrɨə wò ɨmbì, mɨ̀Jû mbe nɨ nyaʼə ghàm ə Grik mbɨə nyaʼə ghàmbɨ̀ mbe nɨ nyaʼə ghàm ə Hibrù, ɨmbə̀ʼ ɨghəm nɨ ɨ mbɨə nyaʼə mèʼnɨ̀ mɨku əyi mɨ̀mə̌d ɨni jìm ənɨ mbɨ nyaʼə ghàpɨ̀ ɨghɨjɨg.

Ikan feg

¹ Inga ineg mbe, inɔ̰ mə̀mə̀nənùg Yeso yaya yètè ghò gho imbìghè. Mə̀Ju mbe ne yaya ghàmà Grig ya puti mə̀Ju mbe ne yaya ghàmà Hibrù. Mbi ya puti awɔb gha mbɔb mbe wàʼra ìmbɔb məku àyi anyumə̀ ne mbe ghàpà tijəg.

Ɨ̀fàʼì 6:1 Referans Kwoze

Ɨ̀fàʼì 4:35

wò nuŋ ɨfě bə̂d tom mbe. Mbɨ nyaʼa sɨ nɨŋ ɨghɨ mbe ghàpɨ̀ ɨchî nɨ wə̀d mɔʼ mɔʼ nyaʼa kəbɨ.

Ɨ̀fàʼì 2:41

Bə̂d mbe nɨ nyaʼa zu ɨŋgam məd benɨ, nyaʼa nɨŋ mɨnib. Bə̂d mbe nɨ nyaʼa yì əbɔʼ bə̂d Kristo əni ze yɨə nyaʼa ɨghabɨ ə chuʼ rɨtad.

Jems 5:9

Mbɨ bɔŋgɔb, tɨ mbə̀ ghambɨ ə mbə bɔŋgɔb ɨmbə̀ʼ tɨ Ŋwìə̀ saʼ i əwən. Mbə̀ zə, wə̀d we nɨ bɨrɨ saʼ ɨsɨg fə sɨ i ɨchû nəb!

Ɨ̀fàʼì 9:39

Pità nyaʼa nɔ̀ʼ wò mbɨ mɨ̀mə̌d. Ənɨ wɨ̀ nyaʼa pe əŋgu, mbɨ nyaʼa nɨŋ əməd kɔʼ wò ɨŋga ətu ə nəb ze rɨkaŋ. Mɨku əyi mɨjìm nyaʼa təmbɨ ɨban məd, chweŋə mɨsɨ, chwiə ngywɨ̌ rɨ maʼi bə̀ chwiə ngywɨ̌ rɨ cherə te nɨ Dokàs nyaʼa tekɨ ənɨ wɨ̀ nyaʼa kɨrɨ ɨkǎ.

Ɨ̀fàʼì 6:7

Ɨŋgam Ŋwiə̀ wɨə nyaʼə jàŋə̀ wò ɨmbì. Ɨnun bə̂d mbe nɨ nyaʼa ben ə Kristo ə Jèrusalèm wɨə nyaʼə bə̀ nɔʼrɨə wò ɨmbì ənɨ ə bid. Bə̂d mbàn Ŋwìə̀ nɔnɔʼ nyaʼa bə̀ ben ə Kristo.

Ɨ̀fàʼì 2:47

Ɨ mbɨə nyaʼə bə̀ yiirɨ ə Ŋwiə̀ ɨnɔ̂n. Bə̂d mɨjìm nyaʼa bə̀ ghaʼ mɨ̀mə̌d. Ə̀nùŋɨ̀sɨg wɨə nyaʼə yìə̀ bə̂d mbe nɨ nyaʼə jwɨ̀ rəŋgəʼ əbɔʼ ɨnun mɨ̀mə̌d ɨni jìm.

Fìlipì 3:5

Mbɨ nyaʼa nè əmɨ ənɨ mə̀ nyaʼa ɨni famɨ. Mɨ mbǎʼ mbɨ mɨ nɨŋ yɨə nyaʼə mɨ̀Izre rɨŋga ɨnəbɨ Benjamìn, əne mɔ̌ yɨə kàŋə̀ wə̀d Hibrù rəsìʼ. Ɨ beenɨ əbɔʼ rɨkə, mə yɨ rɨŋga ɨfɔtɨ mɨ̀Farisiî.

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 9:41

Pità nyaʼa yim əbɔ əməd, wèèrɨ̀ əməd ni wɨ̀ təm rətiə. Ənɨ wɨ̀ nyaʼa ghɨ əne, wɨ̀ nyaʼa tɔŋ bə̂d mbe nɨ nyaʼa ben ə Kristo mbɨ mɨku əyi mbe, chwiə Tabità nɨ yeʼ ɨkǎ əmbɨ mɨ̀mə̌d.

Ɨ̀fàʼì 9:29

Ɨ wɨə nyaʼə ghàmə̀ bə̀ tàŋə̀ mbɨ mɨ̀Jû mbe nɨ nyaʼə ghàm ɨŋgam Grik, àyɨə mbɨ nyaʼa kə̀b zwiirɨ əməd.

Ɨ̀fàʼì 5:14

Mɨnɔ̂n mbaŋə̀ mbɨ məyi mbɨə nyaʼə fɔtɨ əbɔʼ bə̂d mbe nɨ nyaʼa ben Ə̀nùŋɨ̀sɨg, əne ɨnɔ̂n mɨ̀mə̌d wɨə nyaʼə sɨə nɔʼrɨə wò ɨmbì.

Ɨ̀fàʼì 4:4

Àyɨə bə̂d mɨ̀nɔnɔʼ rəbɔʼ mbe nɨ nyaʼa zu ɨŋgam Ŋwiə̀ we, nyaʼa ben ə Kristo. Ɨnun mbaŋə̀ nyaʼa pè ɨghabɨ ə chuʼ rɨtân.

Mə̀Hibrù 13:1

Mbə̀ che ɨmbì ghaʼ əwən mbənə mbənə ɨchî nɨ bɔŋgɔb ə ghaʼ ə ɨnyod.

2 Kɔrèn 11:22

Mbɨ wa kɨ mɨ̀Hibrù ə? Mɔ̌ yɨə bə wɨ mɔʼɔ. Mbɨ wa kɨ mɨ̀Izre ə? Mɔ̌ yɨə bə wɨ mɔʼɔ. Mbɨ wa kɨə bɔn tɨ ənɨ əghaŋ ə Abràham ə? Mɔ̌ yɨə bə wɨ mɔʼɔ.

Ɨ̀fàʼì 2:45

Ɨ mbɨə nyaʼə fèndɨ̀ mbə ɨsɨ si bə̀ fèndɨ̀ ɨghɨ mbe nɨ mbɨ nyaʼa berɨ wò ghàpɨ̀ ɨkab we əmbɨ ə wə̀d jìm ɨchî nɨ wə̀d mɔʼ mɔʼ nyaʼa kəbɨ.

Matìyò 23:13

“Ŋgəʼ kyeŋ bɨrɨ nyɨ ɨgwɨ nən, mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə wùb ɨchû ɨkam ənû ɨfɔ̀n rɨkaŋ ni tɨ̀ bə̂d nyɨ ə ɨŋga, àyɨə chəi mbən ə bə̀ nyɨə, kɨ̀ bè sàŋ ni mbe nɨə kə̀b nyɨ mbɨ nyɨ.

Jems 4:5

Kɨ̀ mbə̀ wa kɔndɨ ni à yɨ ətu ə̀kǒ nɨ Ə̀ŋwàʼnɨ̀ ə Ŋwiə̀ ə ghà ni, “Ŋwìə̀ wɨə ghə̀ʼnɨ̀ Əzwî əməd ze nɨ wɨ̀ ghɨ ni zɨə yeʼ ɨŋga na.”

Jems 1:27

Ənû ə Ŋwìə̀ ze nɨ Ŋwiə̀ Mbǎʼ ben ni zɨə zeŋ, nɨ chəi ənû rɨbɔ̀ŋ ɨŋga, yɨ nɨ nəŋgɨ mɨchɨ bə̀ fɔrɨ nɨ nəŋgɨ mɨku əyi mbe nɨə zəə ŋgəʼ. À yɨə bə ni tɨ wə̀d ben i ɨnû rɨŋga ɨsɨg chəkɨ i əməd.

1 Timotì 5:9

Tɨrə̀ ŋwaʼnɨ e ɨkum ɨku əyi əbɔʼ rɨkum mɨku əyi mbe nɨ tɨ̀ mbɨ wèèrɨ̀, kɨrɨ ənɨ wɨ̀ fə pe ɨghəm ɨwu ɨwum rɨ̀fuə. Wɨ̀ berɨ yeʼ ɨku əyi nɨ nyaʼa nam àmei ɨnom mɔʼ.

1 Kɔrèn 10:10

Tɨ mbə̀ ghambɨ ə, ɨchî nɨ mɨ̀mə̌d mɔʼɔ nyaʼa ghambɨ, əne Ŋwìə̀ nyaʼa chà aŋgɨrə̀ nɨə zwiirɨə bə̂d ni wɨ̀ wo nimnɨ mɨ̀mə̌d.

Ɨ̀fàʼì 5:28

“Tɨ̀ nyaʼa fə jeŋgɨ patɨ əwən ni tɨ mbə̀ chwi ə ənû ə mɔʼɔ ənɨ ɨkum wɔ̂, àyɨə ɨnû mbe nɨ mbə̀ə chwiə fə jaŋ ɨŋga Jèrusalèm jìm. Mbə mbɨə bə̀ kə̀b ghɨ̀ ni ndɔ̀n ɨmbə̀ʼ ɨchî nɨ mbɨ zwiirɨ əməd nyɨ ɨgwɨ na.”

Ɨ̀fàʼì 6:2

Bə̂d tom mbe wum chɔ̀b rɨ̀be nyaʼa fetɨ bə̂d mɨjìm mbe nɨ nyaʼa ben ə Kristo ghà ni, “Zɨ rɨka bɔŋ i ni tɨ̀ saŋ ənû nɨ gha ɨŋgam Ŋwiə̀ ɨmbə̀ʼ ghapɨ rɨjɨg.

Ɨ̀fàʼì 11:26

Ənɨ wɨ̀ nyaʼa zə əməd, wɨ̀ nyaʼa nɨŋ əməd mbɨ wò ə Antiɔ̀k. Ɨ mbɨə nyaʼə bòmnɨ̀ə̀ mbɨ ə bə̂d mbe nɨ nyaʼa ben ə Kristo. Ɨ mbɨə nyaʼə bòmnɨ̀ əne ənɨ əghəm əwu ə fibɨ̀. Mbɨ nyaʼə bòmnɨ̀ə̀ chwi ɨnû ɨmbə̀ʼ ə Yeso əmbɨ ə bə̂d mɨ̀nɔnɔʼ. À yɨ ə Antiɔ̀k nɨ mbɨ nyaʼa be kɔ tɔŋ bə̂d mbe nɨ nyaʼa ben ə Kristo ənɨ ə Bə̂d Kristo.

Ɨ̀fàʼì 11:29

Əne bə̂d Kristo mbe rɨ ə Antiɔ̀k nyaʼa ben ni wə̀d mɔʼ mɔʼ rəbɔʼ nən cha əghɨ ze nɨ tɨ̀ wɨ̀ chà, ɨmbə̀ʼ weerɨ bɔŋgɔb mbe nɨ nyaʼə chub ə Jèrusalèm.

Rm 12:7

Ɨneʼe wə̀d mɔʼɔ mɨ yeʼ ni wɨ̀ faʼa, wɨ̀ bə fàʼ. Ɨneʼe wə̀d mɔʼɔ mɨ yeʼ ni wɨ̀ chwi ənû, wɨ̀ bə chwiə.

1 Timotì 5:3

Wumnɨ mɨku əyi mbe nɨ chəi wə̀d ə nəŋgɨ mɨ̀mə̌d.