Ɨ̀fàʼì 5:40 - Meta’

⁴⁰ Mə̀saʼ əbeŋ mbe nyaʼa zu ɨkə Gàmalièl. Ənɨ mbɨ nyaʼa wɨrɨ tɔŋ bə̂d tom mbe, mbɨ nyaʼa te mɨ̀mə̌d ənɨ ə ŋgwad, patɨ mɨ̀mə̌d ghà ni tɨ mbɨ tɔ gha ə ənû ə mɔʼɔ ənɨ ɨkum Yeso. Mbɨ nyaʼa ghɨ̀ əne sàŋ mɨ̀mə̌d mbɨ wò əwən.

Ikan feg

⁴⁰ Bəd mbe ne sàʼa aben ya zug ikə ìwi Gàmalìyè. Ane, mbi ya ywìrì kàrì bədtɔm mbe, mbi nyi inga nəb. Mbi ya ywiri awɔb ane ngwàn bə̀ pàti awɔb gha imbə̀ʼ mbi nɔ̀ʼ ywìrì ghà anug mɔ̀ʼɔ abə bəd ane ikum Yeso. Mbi ya ghì ane si sàŋì awɔb, mbi ghò.

Ɨ̀fàʼì 5:40 Referans Kwoze

Matìyò 10:17

Mbə̀ we əwən mbɨ ə bə̂d, ɨmbə̀ʼ ɨghəm nɨ mbɨ bɨrɨ yim əwən wò naʼ əmbɨ mə̀saʼ əbeŋ. Mbɨ bɨrɨ bɨ te əwən ɨŋga nəb tɨ ə̀kàtɨ̀ tɨ mɨ̀mə̌d.

2 Kɔrèn 11:24

Mɨ̀Jû nyaʼa te əmɨ ənɨ ə ŋgwad ɨghəm ɨwum tad chɔ̀b əbuə. Mbɨ nyaʼa ghɨ əne ɨghəm tân.

Ɨ̀fàʼì 5:28

“Tɨ̀ nyaʼa fə jeŋgɨ patɨ əwən ni tɨ mbə̀ chwi ə ənû ə mɔʼɔ ənɨ ɨkum wɔ̂, àyɨə ɨnû mbe nɨ mbə̀ə chwiə fə jaŋ ɨŋga Jèrusalèm jìm. Mbə mbɨə bə̀ kə̀b ghɨ̀ ni ndɔ̀n ɨmbə̀ʼ ɨchî nɨ mbɨ zwiirɨ əməd nyɨ ɨgwɨ na.”

Mk 13:9

“Àyɨə mbə̀ we əwən. Mbɨ bɨrɨ gywɨ əwən nàʼ əmbɨ mə̀saʼ ɨbeŋ. Mbɨ bɨrɨ som əwən ɨŋga nəb rɨ ə̀kàtɨ̀. Mbə bɨrɨ təm ɨfě mɨ̀gɔmnà bə̀ təm ɨfě mɨfɔ̂n ənɨ mɨ ɨkum ɨmbə̀ʼ ghà ɨkə̂n chɔ̀m əmbɨ mɨ̀mə̌d.

Lk 20:10

Ənɨ nyùmə̀ nyaʼa kuʼu nɨ kwəŋ rɨtam vaìn te, wɨ̀ nyaʼa chà i wə̀d ə̀fàʼì əmbɨ ə bə̂d mbe nɨ nyaʼa yim mbeŋ ze ni mbɨ naʼ tɨtam mɔʼɔ ɨ ni. Àyɨə bə̂d mbe nɨ nyaʼa yim mbeŋ ze nyaʼa som wə̀d ə̀fàʼì we, chà əməd rəbɔʼ ɨbɔ-ɨbɔ.

Matìyò 23:34

Mə bɨrɨ tom bə̂d ɨ̀kə̀n, tom bə̂d ɨwe bə̀ tom məchwiə̀ rɨ̀kə̌ əsɨ nən. Mbə bɨrɨ zwiirɨ mbɨ mɔʼɔ, kòmbɨ̀ mbɨ mɔʼɔ əzed ə baʼnɨ, te mbɨ mɔʼɔ ənɨ ə ŋgwad ɨŋga tə nəb ə̀kàtɨ̀, bə̀ nwèndɨ̀ tɨkyerɨ-ɨwu mbɨ mɔʼɔ, kɔ rɨŋga əsɨ ə fibɨ̀ wò pè ɨŋga əzɨ ə cherə,

Matìyò 20:19

Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû ni mbɨ baʼrɨ əməd, te əməd ənɨ ə ŋgwad, bə̀ kòmbɨ̀ əməd əzed ə baʼnɨ. Àyɨə ɨni nɨə pè ɨtad, Ŋwìə̀ zwemnɨ əməd.”