Ɨ̀fàʼì 5:36 - Meta’

³⁶ À nyaʼa ənɨ ə nyùmə̀ mɔʼɔ, mbaŋə̀ mɔʼɔ ze nɨ mbɨ nyaʼə tɔŋ ənɨ ə Tìodàs nyaʼa nɔ̀ʼ ghà ni tə yɨ ədabɨ ə wə̀d. Bə̂d ɨghabɨ əkɨ əkwè nyaʼa fɔtɨ əbɔʼ məd. Àyɨə mbɨ nyaʼa zwiirɨ əməd, əne bə̂d mbe nɨ nyaʼə beenɨ əbɔʼ məd nyaʼa jàŋə̀. Ənû əməd ze ə nyaʼa nim.

Ikan feg

³⁶ À ya yaʼ ane anyumə̀ mɔ̀ʼɔ, mbaŋà ze ne mbi yaya kàrà ane Tìyodàs ya nɔ̀ʼ gha zìye ya mbaŋà ìzin. Bəd ne ya beni abɔ̀ʼ məd ya yaʼ icheg aki akwè. Si ya gha, anyumə̀ ne mbi ya zweti aməd, bəd mbe məjìm ya sàkà. Anug məd ze ya nim.

Ɨ̀fàʼì 5:36 Referans Kwoze

Ɨ̀fàʼì 8:9

Mbaŋə̀ mɔʼɔ zɨə nyaʼa ə Sàmàriyà nɨ ɨkum məd nyaʼə Saimòn. Saimòn we wɨə nyaʼə ghɨ̀ mɨ̀sà. Bə̂d mɨjìm mbe rɨ ə Sàmàriyà mbɨə nyaʼə yiirɨ ɨnû mbe nɨ wɨ̀ nyaʼə ghɨ̀ə̀. Məd ziə wɨə nyaʼə ghàə̀ ni tə yɨ ədabɨ ə wə̀d.

2 Pità 2:2

Bə̂d mɨ̀nɔnɔʼ bɨrɨ kɨrɨ beenɨ əbɔʼ ɨnyamnɨ-ɨnû məchwiə̀-ɨnû mɨ̀ghab mbe. À yɨ ɨmbə̀ʼ ɨnû mbe nɨ mbɨə ghɨ̀ə̀ nɨ bə̂d bɨrɨ gha ɨnû rɨbɔ̀ŋ ɨmbə̀ʼ ɨchî rəsìʼ we nɨ bə̂d berɨ chubɨ.

Ɨnû 17:5

Mbɨ nyaʼa ŋwàʼnɨ̀ ɨkum ənɨ əkəŋ ɨsɨ əməd nɨ əton ənɨ ɨkum we yeʼ ənə̀mə. Ɨkum we yɨ ni, “Babilɔ̀n kyeŋ, ɨŋgɔb ɨ̀kùnɨ̀ jìm mbɨ ɨŋgɔb ɨnû rɨbɔ̀ŋ yiirɨ mbe nɨ yeʼ ɨgwɨ ə si.”

Jûd 1:16

Bə̂d mbɔ̂ mbɨə ghàmbɨ̀ə̀. Chəi ənû ə mɔʼɔ ə bɔŋ əmbɨ mɨ̀mə̌d. Ɨ mbɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə nɨŋə mbə mɨchû goŋ ɨgɔ̂ ɨmbə̀ʼ tə nyamnyod. Ɨ mbɨə bə̀ ghàm mɨŋgam nəmɨ nəmɨ ɨmbə̀ʼ berɨ ɨghɨ mbe nɨ mbɨ kəbɨ.

Gàlesìyà 6:3

Wə̀d mɔʼɔ mɨ kɔndɨ ni tə yɨ əghɨ ə mɔʼɔ, nɨ ka məd yɨ i əghɨ ə mɔʼɔ, njɨ ɨ wɨə tambɨ i ɨnyod.

Gàlesìyà 2:6

Chəi bə̂d mbɔ̂ nɨ bə̂d nyaʼə nèŋə̀ ni mbɨ yɨə bə̂d kyeŋ nyaʼa yi ənû ə mɔʼɔ əbɔʼ ɨkə̂n chɔ̀m we nɨ mə nyaʼə ghàə̀. (Kɨ̀ bə̂d mbɔ̂ nyaʼa yim mbɨ̀rɨmbin mbi, ka əze yɨ i ənû ə mɔʼɔ ɨ num. Ənû nɨ mə̀ kyerɨ yɨ ni chəi Ŋwìə̀ ə nèŋə̀ bə̂d yeʼ ənɨ mbɨ̀rimbin mbe nɨ mbɨ yimɨ).

Ɨ̀fàʼì 21:38

Əne ka àwɔ̀ yɨ e wə̀d Ijìpt we nɨ nyaʼa cherə bù əchɔb, nɨŋ mə̀zwììrɨ̀-bə̂d chuʼ rɨkwè wò mbɨ mbɨwən ɨŋga ɨbad rɨkwàʼi ə?”

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Ɨnû 17:3

Əzwî ə nyaʼa nyɨ ɨŋga num, əne aŋgɨrə̀ we nyaʼa nɨŋ əmɨ tɨ̀ wò ɨŋga ɨbad rɨkwàʼi. Ənɨ mə nyaʼa pè əŋgu, mə nyaʼa zə əyi nɨ chub ɨgun ə nyam kyeŋ nɨə bàŋə̀ buù. Tɨkum nɨə baʼrɨə ə Ŋwiə̀ mbɨə nyaʼa ɨgun ɨnyod məd jìm. Zɨ̀ nyaʼa bə̀ berɨ ɨtu sambe mbɨ ə ndɔŋ wum.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.

Matìyò 24:26

“Əne wə̀d mɔʼɔ mɨ ghà ɨ nən ni, 'Mbə̀ zə, məd wɨ ɨŋga ɨbad rɨkwàʼi,' tɨ mbə̀ wo əŋgu, kɨ̀ ni, 'Mbə̀ zə, məd wɨ ɨŋga ɨtu nəb mbe rɨŋga,' tɨ mbə̀ ben ə.

Matìyò 24:5

ɨmbə̀ʼ ɨghəm nɨ bə̂d mɨ̀nɔnɔʼ bɨrɨ yeʼe, əne nɨŋ mɨ ɨkum yènə̀ ghàə̀ ni, 'Mɔ̌ yɨə Wə̀d we nɨ Ŋwiə̀ zɔʼɔ.' mbɨ bɨrɨ gha əne fèbrɨ̀ bə̂d mɨ̀nɔnɔʼ.

Ɨ̀fàʼì 5:35

Ənɨ mbɨ nyaʼa cha mɨ̀mə̌d ɨsɨg, wɨ̀ nyaʼa ghà əmbɨ mə̀saʼ əbeŋ mbə̂ ni, “Mɨ̀Izre, mbə̀ we ə mbɨ ənû ze nɨ mbə̀ə kə̀b ghɨ̀ mbɨ ə mbaŋə̀ tɔ̂.