Ɨ̀fàʼì 5:33 - Meta’

³³ Ənɨ mə̀saʼ əbeŋ mbe nyaʼa zu ənû zɔ̂, mbɨ nyaʼa sə ɨtəm kwàʼ rɨŋgəʼ. Əne mbɨ nyaʼa kə̀b ni njɨ mbə zwiirɨ mɨ̀mə̌d.

Ikan feg

³³ Anyumə̀ ne bəd mbe ne sàʼa aben ya zughi anug azo̰, mbi ya gaŋ chè ati, se kə̀bə̀ gha nji mbe zwèti bədtɔm mbe.

Ɨ̀fàʼì 5:33 Referans Kwoze

Ɨ̀fàʼì 7:54

Ənɨ mə̀saʼ əbeŋ mbe nyaʼa zu ɨnû mbe nɨ Stɨfɨ̀n nyaʼə ghàə̀, mbɨ nyaʼa sə ɨtəm kwàʼ rɨŋgəʼ. Mbɨ nyaʼa sə əne, kud əsɔŋ əbɔʼ məd.

Ɨ̀fàʼì 2:37

Ənɨ bə̂d mbe nyaʼa zu ənû zɔ̂, zɨə nyaʼa zum fîŋ tɨ mɨ̀mə̌d, əne mbɨ nyaʼa biirɨ əmbɨ Pità mbɨ ə bə̂d tom mbə ni, “Bɔŋgɔb, tɨ̀ ghɨn ye ə?”

Jn 16:2

Bə̂d bɨrɨ fid əwən rɨŋga nəb tɨ ə̀kàtɨ̀. À yɨ rəsìʼ ni nyùmə̀ wɨə yeʼe nɨ wə̀d mɔʼɔ we nɨ zwiirɨ əwən bɨrɨ kɔndɨ ni tə wɨə ghɨ̀ə̀ yeʼ ənû ze nɨ Ŋwìə̀ gha ɨ bɔ.

Matìyò 24:9

“Nyùmə̀ we mɨ kùʼ, mbə bə̂d pə̀n bɨrɨ gywɨ əwən nàʼ ni mbɨ chə əwən bə̀ zwiirɨ əwən. Ɨsɨg jìm bɨrɨ ban əwən ɨmbə̀ʼ əmɨ.

Matìyò 10:25

Zɨə kùʼ əmbɨ ə̀mə̀ə̀nɨ̀-ɨnû ni wɨ̀ yeʼ ɨghabɨ wə̀d we nɨə chwi ɨnû ɨ bɔ, bə̀ kùʼ ni wan ə̀fàʼì bə yeʼ ɨghabɨ i mbǎʼ ə̀fàʼì. Mbɨ mɨ fə tɔŋ mbǎʼ əkwɨ ənɨ ə Belzebùl, njɨ mbɨ bɨrɨ tɔŋ bə̂d rɨŋga nəb məd ənɨ rɨkum nɨ bə̌ chè.

Matìyò 10:21

“Aŋgɔb bɨrɨ fen wi aŋgɔb ni mbɨ zwiirɨ, mbǎʼ bə̀ fen i wan ni mbɨ zwiirɨ. Bɔn bɨrɨ beŋ ətu əbɔʼ mbə mɨ̀mbǎʼ bə̀ beŋ əbɔʼ mbə mɨ̀nɨ̌ŋ əne ghɨ̀ ni mbɨ zwiirɨ mɨ̀mə̌d.

Ɨ̀fàʼì 22:22

Bə̂d mbe mbɨə nyaʼə zwetɨ ɨŋgam Pɔ̂l yeʼe pè ənɨ wɨ̀ nyaʼa gha ɨŋgam wɔ̂. Əne mbɨ nyaʼa kɔ kyeŋ rɨ̀kǎ ghà ni, “Mbə̀ nimnɨ mbaŋə̀ zɔ̂ rɨŋga ɨsɨg! Wɨ̀ rɨka kuʼi nɨ wɨrɨ chub ɨkǎ!”

Ɨ̀fàʼì 9:23

Ənɨ ɨni nɔnɔʼ nyaʼa chě, mɨ̀Jû nyaʼa taŋ mɨnaŋ ni mbɨ zwiirɨ əməd,

Jn 15:20

Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

Lk 20:19

Məchwiə̀ rɨ̀kə̌ mbɨ ə bə̂d kyeŋ mbe rɨ ə mbàn Ŋwìə̀ mbɨə nyaʼa kə̀b ni njɨ mbə gywɨ̀ ə Yeso ənɨ nyùmə̀ we, àyɨə ɨ mbɨ nyaʼə bɔə ni bə̂d bɨrɨ bu əchɔb. Ɨ mbɨə nyaʼa kəb gywɨ̀ əməd ɨmbə̀ʼ ɨghəm nɨ mbɨ nyaʼa kyerɨ ni ɨ wɨə nyaʼə ghà ənû ə mɨgɨ ze ɨmbə̀ʼ əwən.

Lk 6:11

Àyɨə məchwiə̀ rɨ̀kə̌ mbe mbɨ mɨ̀Farisiî mbe nyaʼa sə ɨtəm kwàʼ rɨŋgəʼ, əne mbɨ nyaʼa kɔ ghambɨ mbənə mbənə ɨmbə̀ʼ ɨnû nɨ tɨ̀ mbɨ ghɨ̀ mbɨ Yeso.

Matìyò 1:19

Jòsêf nɨ nyaʼa ɨnom məd, wɨə nyaʼə ghɨ̀ ɨnû nɨ kuʼnɨ. Chəi wɨ̀ nyaʼa kəb nɨ naʼ tɨ̀nìd ətu əmbɨ Mèri əkaʼ ə bə̂d. Əne wɨ̀ nyaʼa kɔ kəb ɨnə̂njɨ̀ nɨ ton əməd ənjìm ənjìm.