Ɨ̀fàʼì 5:26 - Meta’

²⁶ Ənɨ mbɨ nyaʼa zu əne, ətu ɨgwɨ mɨ̀sɔgyɨ̀ nyaʼa wò mbɨ mbi mɨ̀sɔgyɨ̀, pè nɨŋ mɨ̀mə̌d wò mbɨ mbɨwən. Chəi mbɨ nyaʼa nɨŋ mɨ̀mə̌d ənɨ ɨka, ɨmbə̀ʼ ɨghəm nɨ ɨ mbɨə nyaʼə bɔə ni bə̂d mbe bɨrɨ tumbɨ əwən ənɨ əti.

Ikan feg

²⁶ Mbi ya zug ane, atog wə̀d igun mə̀sogyì nɔ̀ʼ ghò tì mə̀sogyì pè niŋ awɔb ghò inga ichamì we. Chəyi mbi ya gwi awɔb ane ika imbə̀ʼ icheg ne mbi yaya bɔ gha bəd mbe biri tumbi awɔb ane ateg zwèti.

Ɨ̀fàʼì 5:26 Referans Kwoze

Ɨ̀fàʼì 5:13

Chəi wə̀d mɔʼɔ rɨ ɨsɨg nɨ tɨ̀ wɨ̀ nyaʼa yim fîŋ fɔtɨ əbɔʼ mɨ̀mə̌d, àyɨə ɨ mbɨə nyaʼə wumnɨ mɨ̀mə̌d kwàʼ rɨŋgəʼ.

Ɨ̀fàʼì 4:21

Ənɨ mbɨ nyaʼa ghà əne, mə̀saʼ əbeŋ mbe nyaʼa yì patɨ mɨ̀mə̌d kwàʼ rɨ̀kǎ, sàŋ ni mbɨ wo ə. Chəi mbɨ nyaʼa zə ɨnə̂njɨ̀ nɨ chə mɨ̀mə̌d, ɨmbə̀ʼ ɨghəm nɨ bə̂d mɨ̀jìm mbɨə nyaʼə yiirɨ ə Ŋwiə̀ ɨmbə̀ʼ ənû ze nɨ nyaʼa ghɨ̌.

Ɨ̀fàʼì 5:24

Ənɨ ətu ɨgwɨ mɨ̀sɔgyɨ̀ mbe nɨə nəŋgɨ ə mbàn Ŋwìə̀ mbɨ ə bə̂d kyeŋ mbe rɨ ə mbàn Ŋwìə̀ nyaʼa zu ənû zɔ̂, zɨə nyaʼa chè mɨ̀mə̌d, əne mbɨ nyaʼa bid əwən ɨmbə̀ʼ ənû ze nɨ bɨrɨ jwɨ̀ rɨ ənɨ ənû zɔ̂.

Lk 22:2

bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ nyaʼa kɔ kə̀b ɨnə̂njɨ̀ nɨ zwiirɨ ə Yeso ənjìm ənjìm. Mbɨ nyaʼa kəb zwiirɨ əməd ənjìm ənjìm ɨmbə̀ʼ ɨghəm nɨ ɨ mbɨə nyaʼə bɔə ni bə̂d bɨrɨ bu əchɔb.

Lk 20:19

Məchwiə̀ rɨ̀kə̌ mbɨ ə bə̂d kyeŋ mbe rɨ ə mbàn Ŋwìə̀ mbɨə nyaʼa kə̀b ni njɨ mbə gywɨ̀ ə Yeso ənɨ nyùmə̀ we, àyɨə ɨ mbɨ nyaʼə bɔə ni bə̂d bɨrɨ bu əchɔb. Ɨ mbɨə nyaʼa kəb gywɨ̀ əməd ɨmbə̀ʼ ɨghəm nɨ mbɨ nyaʼa kyerɨ ni ɨ wɨə nyaʼə ghà ənû ə mɨgɨ ze ɨmbə̀ʼ əwən.

Lk 20:6

Tɨ̀ mɨ bə̀ ghà ni, 'À yɨə bə̂d,' bə̂d mbɔ̂ mɨjìm bɨrɨ tumbɨ əwa ənɨ əti, ɨmbə̀ʼ ɨghəm nɨ mbɨ ben ni Jɔ̌n yɨə nyaʼə wə̀d ɨ̀kə̀n Ŋwìə̀.”

Matìyò 26:5

Àyɨə mbɨ nyaʼa ghà mbənə mbənə ni, “Chəi tɨ̀ bɨrɨ zwiirɨ əməd ənɨ mbɨə jɨg Əchwɨ̂ ə Che-ɨgun, njɨ bə̂d bɨrɨ bu əchɔb.”

Matìyò 21:26

Tɨ̀ mɨ ghà ni, 'À yɨə bə̂d,' tɨ̀ wɨə bɔ ɨnɔ̂n bə̂d wɔ̂, ɨmbə̀ʼ ɨghəm nɨ mɨ̀mə̌d mɨ̀jìm ben ni Jɔ̌n yɨə nyaʼə wə̀d ɨ̀kə̀n Ŋwìə̀.”

Matìyò 14:5

Əne Herɔ̀d wɨə nyaʼə kə̀bə̀ ni njɨ tə zwiirɨ əməd, àyɨə ɨ wɨə nyaʼə bɔə bə̂d, ɨmbə̀ʼ ɨghəm nɨ mbɨ nyaʼa ben ni Jɔ̌n yɨə nyaʼə wə̀d ɨ̀kə̀n Ŋwìə̀.

Matìyò 26:58

Pità wɨə nyaʼə beenɨ əbɔʼ məd tɨgharɨgha. Wɨ̀ nyaʼa beenɨ əne wò pè ɨchû ɨkam ətu ɨgwɨ ə bə̂d mbàn Ŋwìə̀ we. Wɨ̀ nyaʼa nyɨ ɨŋga ɨkam we wò chubɨ mbɨ mənə̂ŋgɨ̀ mbàn Ŋwìə̀ ɨmbə̀ʼ zə ɨnwǐ.

Lk 22:4

Əne wɨ̀ nyaʼa wò kumnɨ bə̂d kyeŋ mbe rɨ ə mbàn Ŋwìə̀ mbɨ ɨtu kyeŋ mbe nɨə nəŋgɨə mbàn Ŋwìə̀ ɨ taŋ ɨchî nɨ tə bɨrɨ fen ə Yeso əmbɨ mɨ̀mə̌d.

Ɨ̀fàʼì 5:22

Àyɨə ənɨ mɨ̀sɔgyɨ̀ mbe nyaʼa wo ə nəb ndəŋ, chəi mbɨ nyaʼa zə bə̂d tom mbe ɨŋga nəb ndəŋ ze, əne mbɨ nyaʼa bə̀ndɨ̀ wò ghà ni,

Ɨ̀fàʼì 5:25

Ənɨ mbɨ nyaʼə bid əne, wə̀d mɔʼɔ nyaʼa wò ghà əmbɨ mɨ̀mə̌d ni, “Mbə̀ zə! Mbaŋə̀ te nɨ mbə̀ kəʼ zɨ̀ ə ndəŋ ɨ te təmbɨ ɨŋga mbàn Ŋwìə̀, chwi ɨnû!”