Ɨ̀fàʼì 5:12 - Meta’

¹² Bə̂d tom Kristo nyaʼa ghɨ̀ ɨnweenɨ-ɨnû mbɨ ɨnû yiirɨ. Bə̂d mbe nɨ nyaʼa ben ə Kristo nyaʼa fetɨ ɨchû ə̀tâŋ ze nɨ mbɨ nyaʼə tɔŋ ənɨ Ə̀tâŋ ə Solomòn.

Ikan feg

¹² Bədtɔm Kristo yaya ghìyə̀ iyeti inug nɔʼ nɔʼ igun bəd, bəd bàrà. Bəd ne ya bḛ Kristo yaya ghò bɔ̀mbɔ̀ inga asiŋi ze ne mbe kàrà ane məkə̀tə̀ Solomùn.

Ɨ̀fàʼì 5:12 Referans Kwoze

Ɨ̀fàʼì 19:11

Ŋwìə̀ nyaʼa chè ənjìm ə Pɔ̂l ghɨ ɨnû yiirɨ ka ka nɨ chəi bə̂d kweʼ zə.

2 Kɔrèn 12:12

Mə nyaʼa nɨŋ ɨyim fîŋ nɨ kaanɨ ghɨ̀ ɨnweenɨ-ɨnû, ghɨ̀ ɨnû yiirɨ bə̀ ghɨ̀ ɨnû kyeŋ kyeŋ əkaʼ nən ɨ chwi ni mə yɨə wə̀d tom Kristo rəsìʼ.

Mə̀Hibrù 2:4

Ŋwìə̀ nyaʼa bə̀ chwiə ni ɨkə̂n we nɨ mbɨ̀aŋgɨrə̀ nyaʼa gha yɨ wɨ rəsìʼ, ɨchî nɨ wɨ̀ nyaʼa ghɨ̀ ɨnweenɨ-ɨnû, ghɨ̀ ɨnû nɨ chè bə̂d bə̀ ghɨ̀ ɨnû yiirɨ tɨkwɨrɨkwɨ. Wɨ̀ nyaʼa bə̀ ghàpɨ̀ mɨneʼe mbe nɨ Əzwî ə Zeŋɨ ə nàʼə̀. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ.

Ɨ̀fàʼì 14:3

Pɔ̂l mbɨ Banabàs nyaʼa chub ə Ikoniùm əgha ə se. Ɨ mbɨə nyaʼə ghà ɨŋgam Ŋwiə̀ əŋgu ɨmbə̀ʼ Ə̀nùŋɨ̀sɨg mbɨ ə fîŋ nɨ kǎ. Ə̀nùŋɨ̀sɨg nyaʼa chwi ni ɨŋgam we nɨ mbɨ nyaʼə ghà ɨmbə̀ʼ ɨ̀chɔ̀m məd yɨ ənû rəsìʼ ɨchî nɨ wɨ̀ nyaʼa ghɨ ni mbɨ ghɨ ɨnû yiirɨ bə̀ ghɨ̀ ɨnweenɨ-ɨnû.

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Ɨ̀fàʼì 3:11

Ɨchî nɨ mbaŋə̀ ze nyaʼa bed ənɨ Pità mbɨ Jɔ̌n, ənû ze ə nyaʼa chè mɨ̀mə̌d, əne mbɨ nyaʼa nòrə̀ wò fetɨ ɨban mɨ̀mə̌d ɨŋga əsɨ ze nɨ mbɨ nyaʼə tɔŋ ənɨ Ə̀tâŋ ə Solomòn.

Jn 10:23

Yeso wɨə nyaʼə yèn ɨŋga mbàn Ŋwìə̀ ɨŋga ə̀tâŋ ze nɨ mbɨ nyaʼa tɔŋ ənɨ ə̀tâŋ ə Solomòn.

Ɨ̀fàʼì 4:30

Tɨ̀ mɨə ghɨ̀ əne, à sem e əbɔ ghɨ ni tɨ̀ vɨ bə̂d əwɔn bə̀ ghɨ̀ ɨnweenɨ-ɨnû fɔrɨ ɨnû yiirɨ ənɨ ɨkum Yeso, e wə̀d ə̀fàʼì nɨ zeŋɨ.”

Ɨ̀fàʼì 1:14

Mɨ̀mə̌d mbɔ̂ mɨ̀jìm mbɨə nyaʼə bòmnɨ̀ə̀ kɔ̀ŋgɨ̀ ə Ŋwiə̀ ənɨ ə fîŋ mɔʼ. Ɨ mbɨə nyaʼə bòmnɨ̀ə̀ mbɨ məyi, mbɨ Mèri ɨŋgɔb Yeso fɔrɨ mbɨ ə bɔŋgɔb məd.

Mk 16:20

Mə̀mə̀ə̀nɨ̀-ɨnû mbe nyaʼa jwɨ̀ wò ghà ɨkə̂n chɔ̀m we ɨsɨ jìm. Ə̀nùŋɨ̀sɨg nyaʼə fàʼə̀ mbɨ mɨ̀mə̌d. Wɨ̀ nyaʼa bə̀ ben ni ɨnû mbe nɨ mbɨ nyaʼə ghàə̀ yɨ ɨnû rəsìʼ ɨchî nɨ mbɨ nyaʼə ghɨ̀ ɨnû yiirɨ. À yɨ əne.

Ɨ̀fàʼì 16:18

Ɨ wɨə nyaʼə ghɨ̀ ənû zɔ̂ ɨni nɔnɔʼ. Əne Pɔ̂l nyaʼa sə ɨtəm, bèŋ ghà əmbɨ əzwî rɨbɔ̀ŋ ze ni, “Mə ghà ɨ ne ənɨ ɨkum Yeso Kristo ni à jwɨ rɨŋga wan əyi wɔ̂.” Əzwî rɨbɔ̀ŋ ze ə nyaʼa jwɨ̀ àmei əwu əwən.

Ɨ̀fàʼì 9:40

Pità nyaʼa chà mɨ̀mə̌d mɨjìm ɨsɨg, chìndɨ̀ ɨtu ɨnywɨ ə si, kɔ̀ŋgɨ̀ ə Ŋwiə̀, bèŋ nèŋ əvɨ ze ghà ni, “Tabità, nɔʼ rətiə!” Wɨ̀ nyaʼa fìʼ e əghə. Ənɨ wɨ̀ nyaʼa zə ə Pità, wɨ̀ nyaʼa nɔ̀ʼ chubɨ.

Ɨ̀fàʼì 9:33

Ənɨ wɨ̀ nyaʼa pè əŋgu, wɨ̀ nyaʼa zə mbaŋə̀ mɔʼɔ nɨ ɨkum məd nyaʼə Eniàs. Mbaŋə̀ ze nyaʼa buʼrə. Chəi wɨ̀ nyaʼa nɔʼ rɨ ɨgun əbàʼ ɨghəm ɨwu famɨ.

Ɨ̀fàʼì 2:46

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

Jn 4:48

Yeso nyaʼa gha ɨ bɔ ni, “Chəi wə̀d mɔʼɔ rəbɔʼ nən bɨrɨ nɔ benɨ, kɨrɨ ənɨ mbə̀ zə ɨnweenɨ-ɨnû fɔrɨ ɨnû yiirɨ.”

Ɨ̀fàʼì 28:9

Ənɨ wɨ̀ nyaʼa ghɨ əne, ə̀bùʼ ə bə̂d əwɔn mbe rɨŋga əkəm əsɨ ze nyaʼa wò əsɨ Pɔ̂l, wɨ̀ vɨ̀ mɨ̀mə̌d.