Ɨ̀fàʼì 4:30 - Meta’

³⁰ Tɨ̀ mɨə ghɨ̀ əne, à sem e əbɔ ghɨ ni tɨ̀ vɨ bə̂d əwɔn bə̀ ghɨ̀ ɨnweenɨ-ɨnû fɔrɨ ɨnû yiirɨ ənɨ ɨkum Yeso, e wə̀d ə̀fàʼì nɨ zeŋɨ.”

Ikan feg

³⁰ Àghò seme àze abo ghù bəd ne ghɔ̰̀ bə̀ chwi ineni ka ka bə̀ fàʼ iyeti inug inga ikum ìwi Yeso, ìwe wə̀d àfàʼì ìzḛzḛ.”

Ɨ̀fàʼì 4:30 Referans Kwoze

Ɨ̀fàʼì 4:27

À yɨ rəsìʼ ni Herɔ̀d mbɨ Pailèt nyaʼa fɔtɨ mbɨ ə bə̂d mbe nɨ kaʼi mɨ̀Jû bə̀ fɔtɨ mbɨ mɨ̀Izre ɨŋga əsɨ zɔ̂, əne taŋ mɨnaŋ ɨgwɨ ə Yeso, e wə̀d ə̀fàʼì we nɨ zeŋɨ, nɨ à nyaʼa zɔʼɔ,

Ɨ̀fàʼì 3:6

Àyɨə Pità nyaʼa ghà ni, “Chəi mə̀ berɨ ə sɨrɨvà kɨ̀ ə gôl, àyɨə əghɨ ze nɨ mə̀ berɨ mə bɨrɨ naʼ ɨ ne: Ənɨ ɨkum Yeso Kristo we rɨ ə Nazàret, nɔʼɔ yènɨ̀.”

Ɨ̀fàʼì 6:8

Ŋwiə̀ nyaʼa ghɨ̀ ɨ̀chɔ̀m ənɨ ə Stɨfɨ̀n bə̀ naʼ ɨka ɨ bɔ. Əne wɨ̀ nyaʼa kɔ ghɨ̀ ɨnû yiirɨ bə̀ kɔ ghɨ̀ ɨnweenɨ-ɨnû ka ka əkaʼ ə bə̂d.

Ɨ̀fàʼì 5:12

Bə̂d tom Kristo nyaʼa ghɨ̀ ɨnweenɨ-ɨnû mbɨ ɨnû yiirɨ. Bə̂d mbe nɨ nyaʼa ben ə Kristo nyaʼa fetɨ ɨchû ə̀tâŋ ze nɨ mbɨ nyaʼə tɔŋ ənɨ Ə̀tâŋ ə Solomòn.

Ɨ̀fàʼì 3:16

À yɨ ɨbenɨ ənɨ Yeso ghɨ ni mbaŋə̀ zɔ̂ nɨ mbə̀ə zəə bə̀ kàŋ kyerɨ təm kàànɨ̀. À yɨ ɨbenɨ we nɨ tɨ̀ berɨ ənjìm ə Yeso we ghɨ̀ ni mbaŋə̀ zɔ̂ bɔtɨ i ɨfě nən mbə̀n mɨjìm.

Ɨ̀fàʼì 2:43

Ŋwìə̀ nyaʼa ghɨ̀ ɨnû yiirɨ bə̀ ghɨ̀ ɨnweenɨ-ɨnû nɔnɔʼ ənjìm bə̂d tom Kristo mbe. Əze ə nyaʼa ghɨ̀ ni ɨbɔɔ nyɨ ɨgwɨ ə wə̀d jìm.

Ɨ̀fàʼì 2:22

“Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

Ɨ̀fàʼì 4:10

njɨ mbə̀n mɨjìm mbɨ mɨ̀Izre mɨ̀jìm kyerɨ ni mbaŋə̀ zɔ̂ ə təm ɨfě nən, bɔtɨ i kwàʼ ɨchî chɔ̀m ənjìm ɨka we nɨ yeʼ ənɨ ɨkum Yeso Kristo we rɨ ə Nazàret nɨ mbə̀ nyaʼa kòmbɨ̀ əzed ə baʼnɨ, àyɨə Ŋwìə̀ nyaʼa zwemnɨ əməd.

Jn 4:48

Yeso nyaʼa gha ɨ bɔ ni, “Chəi wə̀d mɔʼɔ rəbɔʼ nən bɨrɨ nɔ benɨ, kɨrɨ ənɨ mbə̀ zə ɨnweenɨ-ɨnû fɔrɨ ɨnû yiirɨ.”

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.