Ɨ̀fàʼì 4:1 - Meta’

¹ Ənɨ Pità mbɨ Jɔ̌n nyaʼə kɨrɨ ghàm əmbɨ ə bə̂d mbe, bə̂d mbàn Ŋwìə̀, wə̀d kyeŋ mɨ̀sɔgyɨ̀ mbe nɨ nyaʼə nəŋgɨ ə mbàn Ŋwìə̀ mbɨ mɨ̀Sadusiî nyaʼa wò jwɨ̀ ɨgwɨ mɨ̀mə̌d.

Ikan feg

¹ Bəd mbàn Ŋwiye tì atog wə̀d igun mə̀sogyì mbe ne yaya kyèʼrè mbàn Ŋwiye tì mə̀Sadùsi ya yeʼe pè kṵ̀ igun Pità tì Jɔn ne mbe kiri ghàmà abə bəd.

Ɨ̀fàʼì 4:1 Referans Kwoze

Lk 22:4

Əne wɨ̀ nyaʼa wò kumnɨ bə̂d kyeŋ mbe rɨ ə mbàn Ŋwìə̀ mbɨ ɨtu kyeŋ mbe nɨə nəŋgɨə mbàn Ŋwìə̀ ɨ taŋ ɨchî nɨ tə bɨrɨ fen ə Yeso əmbɨ mɨ̀mə̌d.

Ɨ̀fàʼì 6:12

Ənɨ mbɨ nyaʼa ghà əne, mbɨ nyaʼa nɔm fîŋ rɨ bə̂d mbe nɨ nyaʼa əŋgu, nɔm fîŋ rɨ bə̂d kyeŋ mbe rɨŋga əbeŋ bə̀ nɔm tɨ məchwiə̀ rɨ̀kə̌. Əne mbɨ nyaʼa gywɨ̀ əməd nɨŋ wo ɨfě mə̀saʼ əbeŋ.

Ɨ̀fàʼì 5:26

Ənɨ mbɨ nyaʼa zu əne, ətu ɨgwɨ mɨ̀sɔgyɨ̀ nyaʼa wò mbɨ mbi mɨ̀sɔgyɨ̀, pè nɨŋ mɨ̀mə̌d wò mbɨ mbɨwən. Chəi mbɨ nyaʼa nɨŋ mɨ̀mə̌d ənɨ ɨka, ɨmbə̀ʼ ɨghəm nɨ ɨ mbɨə nyaʼə bɔə ni bə̂d mbe bɨrɨ tumbɨ əwən ənɨ əti.

Ɨ̀fàʼì 5:24

Ənɨ ətu ɨgwɨ mɨ̀sɔgyɨ̀ mbe nɨə nəŋgɨ ə mbàn Ŋwìə̀ mbɨ ə bə̂d kyeŋ mbe rɨ ə mbàn Ŋwìə̀ nyaʼa zu ənû zɔ̂, zɨə nyaʼa chè mɨ̀mə̌d, əne mbɨ nyaʼa bid əwən ɨmbə̀ʼ ənû ze nɨ bɨrɨ jwɨ̀ rɨ ənɨ ənû zɔ̂.

Matìyò 3:7

Àyɨə ənɨ wɨ̀ nyaʼa zə mɨ̀Farisiî nɔnɔʼ mbɨ mɨ̀Sadusiî nɔnɔʼ nɨ nyaʼə yeʼe ni wɨ̀ naʼ mɨnib əmbɨ mɨ̀mə̌d, wɨ̀ nyaʼa ghà əmbɨ mɨ̀mə̌d ni, “Mbə yɨə jɔ tɨ rɨbɔ̀ŋ! À kɨə we patɨ əwən ni mbə̀ norə tɨ ənɨ ə ŋgəʼ ze nɨə yeʼe ə?

Ɨ̀fàʼì 4:6

Mbɨ nyaʼa fetɨ əne mbɨ Anas nɨ nyaʼa ətu ɨgwɨ ə bə̂d mbàn Ŋwìə̀. Kaifàs, mbɨ Jɔ̌n, mbɨ Àlèzandà, mbɨ ə mbaŋə̀ rɨjìm te nɨ nyaʼa rɨŋga ɨnəbɨ ətu ɨgwɨ ə bə̂d mbàn Ŋwìə̀ mbɨə nyaʼa bə̀ əŋgu.

Jn 18:3

Judàs nyaʼa kyerɨ əne, wò əŋgu mbɨ ɨnɔ̂n mɨ̀sɔgyɨ̀ fɔrɨ mbɨ ə bə̂d mbe nɨ nyaʼə nəŋgɨə mbàn Ŋwìə̀. À yɨə bə̂d kyeŋ mbe rɨ ə mbàn Ŋwìə̀ mbɨ mɨ̀Farisiî nyaʼa tom mɨ̀mə̌d. Mbɨ nyaʼa wò əŋgu mbɨ ɨnam, mbɨ əkaʼi fɔrɨ mbɨ ɨghɨ bid.

Jn 15:20

Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

Matìyò 27:41

À yɨə bə̀ əndəŋ əndəŋ nɨ bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ fɔrɨ bə̂d kyeŋ mbe rɨŋga əbeŋ nyaʼa bə̀ baʼrɨ əməd ghàə̀ ni,

Matìyò 27:20

Bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa no bə̂d mbe ni mbɨ gha Pailèt chɨ ə Barabas sàŋɨ̀, əne zwiirɨ ə Yeso.

Matìyò 22:16

Əne mbɨ nyaʼa tom mbə mə̀mə̀ə̀nɨ̀-ɨnû mbɨ ə bə̂d mbe nɨ nyaʼə tìmbɨ̀ ə Herɔ̀d əsɨ məd ni mbɨ wo ghà ɨ bɔ ni, “Əchwiə̀-ɨnû, tɨ̀ kyerɨ ni à wɨə ghà rəsìʼ, fɔrɨ ni à wɨə chwi ɨnû rəsìʼ ɨmbə̀ʼ ɨchî nɨ Ŋwìə̀ kəbɨ ni bə̂d chubɨ. Chəi àwɔ̀ ə bɔə bə̂d ɨmbə̀ʼ ɨghəm nɨ chəi àwɔ̀ ə ghɨ̀ ɨghə.

Matìyò 16:12

Ənɨ wɨ̀ nyaʼa gha əne, ɨtu mɨ̀mə̌d nyaʼa sɨ zeŋ ni chəi wɨə kə̀ʼə̀ ghàm ɨ nən ɨmbə̀ʼ ɨfuʼ we nɨə ghɨ̀ ni ŋgə̀ŋ kɔʼ. Wɨ̀ kə̀ʼ ghàmə̀ yeʼ ɨmbə̀ʼ ɨnû mbe nɨ mɨ̀Farisiî mbɨ mɨ̀Sadusiî ə chwiə.

Ɨ̀fàʼì 6:7

Ɨŋgam Ŋwiə̀ wɨə nyaʼə jàŋə̀ wò ɨmbì. Ɨnun bə̂d mbe nɨ nyaʼa ben ə Kristo ə Jèrusalèm wɨə nyaʼə bə̀ nɔʼrɨə wò ɨmbì ənɨ ə bid. Bə̂d mbàn Ŋwìə̀ nɔnɔʼ nyaʼa bə̀ ben ə Kristo.

Lk 20:1

À nyaʼa əni ə mɔʼɔ ənɨ Yeso nyaʼə chwi ɨnû ɨŋga mbàn Ŋwìə̀ bə̀ ghà ɨkə̂n chɔ̀m, bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ fɔrɨ bə̂d kyeŋ mbe rɨŋga əbeŋ nyaʼa wò

Ɨ̀fàʼì 5:17

Ə̀dìì ə nyaʼa swi ɨŋga fîŋ ətu ɨgwɨ ə bə̂d mbàn Ŋwìə̀ bə̀ swi ɨŋga fîŋ bə̂d mɨjìm mbe nɨ nyaʼa mbɨ məd, əne yɨə bə̂d rɨŋga ɨfɔtɨ mɨ̀Sadusiî.