Ɨ̀fàʼì 3:15 - Meta’

¹⁵ Mbə nyaʼa zwiirɨ wə̀d we nɨə nàʼ ɨ̀tènɨ̀, àyɨə Ŋwiə̀ nyaʼa zwemnɨ əməd. Tɨ̀ yɨ mɨ̀zərɨmbin ənɨ ənû zɔ̂.

Ikan feg

¹⁵ Mbə̰ ya zweti wə̀d ne nàʼà ìtḛ̀. Si ya gha, Ŋwiye ya zwemni aməd ane iwu. Mba mbo̰ ya bàd anug ne ya che.

Ɨ̀fàʼì 3:15 Referans Kwoze

Ɨ̀fàʼì 2:24

Àyɨə Ŋwìə̀ nyaʼa zwemnɨ əməd ɨchî nɨ wɨ̀ nyaʼa ghɨ ni tɨ ɨvɨ berɨ i ɨka ɨgwɨ məd, ɨmbə̀ʼ ɨghəm nɨ chəi ɨvɨ nyaʼa berɨ ɨka nɨ yim əməd.

Ɨnû 21:6

Wɨ̀ nyaʼa ghà ɨ num ni, “Ɨnû jìm fə mì i! Mɔ̌ yɨə Alfà mbɨ ə Omegà. Mɔ̌ yɨ ɨkɔ bə̀ yeʼ ɨnwǐ. Mə bɨrɨ naʼ mɨnib rɨ ənɨ jwɨ̀-əmboŋ we nɨ mɨnib məd ə nàʼ ɨ̀tènɨ̀ əmbɨ wə̀d we nɨ ədɔʼ ə ne əməd. Wɨ̀ bɨrɨ nɨŋ əko nɨ chəi wɨ̀ naʼ ɨkab.

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

Mə̀Hibrù 2:10

Ɨ ghɨ ni mbɨ wumnɨ bə̂d mɨ̀sɔŋɨchù ɨchî nɨ mbɨə wumnɨ əməd, zɨ̀ ə nyaʼa kùʼ ni Ŋwìə̀ ghɨ ni wə̀d we nɨə chɨ̀ə̀ bə̂d rəŋgəʼ bɔŋ ə màànɨ̀ ɨchî nɨ wɨ̀ nyaʼa zə ŋgəʼ. À yɨə Ŋwìə̀ nyaʼa tekɨ ɨghɨjìm, ɨghɨjìm mbɨə bə̀ əŋgu ənjìm məd.

1 Kɔrèn 15:45

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨ̀tènɨ̀ wɨə nyaʼa ɨŋga Adàm nɨ nyaʼə wə̀d rɨtu.” Adàm we nɨ sɨ nwìə̀ yɨ Əzwî nɨə nàʼ ɨ̀tènɨ̀.

Jn 5:26

Ɨchî nɨ ɨ̀tènɨ̀ yeʼ ɨŋga Mbǎʼ ziə, məd wɨə nàʼ ɨ̀tènɨ̀ əmbɨ ə bə̂d, əne wɨ̀ fə bə̀ ghɨ̀ ni Wan nàʼ ɨ̀tènɨ̀ əmbɨ ə bə̂d.

Jn 1:4

Ɨ̀tènɨ̀ yɨ rɨ ənɨ Ɨŋgam. Ɨ̀tènɨ̀ wɔ̂ yɨə nyaʼa ɨzeŋɨ zeŋɨ əmbɨ ə bə̂d.

Ɨnû 22:17

Əzwî mbɨ Ɨgən ghà ni, “Yeʼe!” Wə̀d jìm we nɨ zu gha ni, “Yeʼe!” Wə̀d jìm we nɨ ədɔʼ ə ne əməd yeʼe. We nɨə kəb mɨnib, yeʼe nɔ mɨnib mbe nɨə nàʼ ɨ̀tènɨ̀, nɨ chəi wɨ̀ bɨrɨ naʼ ɨkab.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

Mə̀Hibrù 5:9

Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 4:10

Yeso nyaʼa wììrɨ̀ ɨ bɔ ni, “À mɨ kəʼ kyerɨ əghɨ ze nɨ Ŋwìə̀ ə nàʼə̀, bə̀ kyerɨ wə̀d we nɨə biirɨ mɨnib rɨ ne, njɨ à kəʼ ghà ni wɨ̀ naʼ mɨnib mbe nɨə nàʼ ɨ̀tènɨ̀ ɨ ne.”

Ɨnû 22:1

Aŋgɨrə̀ we nyaʼa chwi ɨgyɨ̂ kyeŋ we nɨ mɨnib məd ə nàʼ ɨ̀tènɨ̀. Ɨgyɨ̂ we wɨə nyaʼə zeŋ ɨghabɨ ə kristal. Ɨ wɨə nyaʼə jwɨ̀ rɨ əton ətən ɨfɔ̀n ə Ŋwìə̀ mbɨ Wan njɨ̀g.

Jn 10:28

Mə wɨə nàʼ ɨ̀tènɨ̀ rɨ mì əmbɨ tɨ njɨ̀g. Chəi tɨ bɨrɨ nɔ kwɨ. Chəi wə̀d nɨ tɨ wɨ̀ fe mɨ̀mə̌d rɨ num.

Efesùs 1:20

wɨ̀ nyaʼa faʼ mbɨ wɨwən ənɨ wɨ̀ nyaʼa zwemnɨ ə Kristo, ghɨ wɨ̀ chub əbà əbɔ ə jɨg əməd ɨŋga ɨsɨ mbe nɨ yeʼ ɨkaŋ.

Ɨ̀fàʼì 5:31

Ŋwìə̀ nyaʼa nɔ əməd nùŋ ənɨ e əbà əbɔ ə jɨgɨ ni wɨ̀ chub ənɨ Ə̀chà bə̂d fɔrɨ ənɨ Wə̀d nɨə chɨ̀ə̀ bə̂d rəŋgəʼ, ɨmbə̀ʼ wɨ̀ ghɨ ni mɨ̀Izre beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.

Ɨ̀fàʼì 1:22

kɔ rɨ ənɨ Jɔ̌n we nɨ nyaʼə nàʼ mɨnib wò pè əni ze nɨ Ŋwìə̀ nyaʼa nɨŋ ə Yeso rəkaʼ na. Mbaŋə̀ mɔʼ rəbɔʼ tɔ̂ berɨ fɔtɨ əbɔʼ na yènə̀ ghà ɨnû ɨmbə̀ʼ ɨchî nɨ Ə̀nùŋɨ̀sɨg nyaʼa zwemə.”

Lk 24:48

Mbə yɨ mɨ̀zərɨmbin ənɨ ɨnû mbɔ̂, əne mbə̀ bɨrɨ bə̀ sɨə ghà əmbɨ ə bə̂d cherə.

Ɨ̀fàʼì 4:2

Mbɨ nyaʼa sə ɨtəm ɨmbə̀ʼ ɨghəm nɨ Pità mbɨ Jɔ̌n mbɨə nyaʼə chwi ɨnû bə̀ saʼə ni bə̂d bɨrɨ chè ənjìm ə Yeso bɔŋ zwemə.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.