Ɨ̀fàʼì 28:2 - Meta’

² Bə̂d əbeŋ ze nyaʼa ghɨ̀ ɨkwɨ chɔ̀m mɔʼɔ ənɨ ə na nɨ chəi tɨ̀ kweʼ zə. Mbɨ nyaʼa nɨŋ mbà mɨjìm kwàʼ ɨchî chɔ̀m. Mbɨ nyaʼa bə̀ nepɨ ɨwid ɨ na ɨmbə̀ʼ ɨghəm nɨ mbə̀ŋ zɨə nyaʼə nɔə, ɨfə bə̀ kɔə.

Ikan feg

² Bəd aben ze ya ghì iku ìchɔ̀mì mɔ̀ʼɔ ina ne chəyi tì kweʼì bàd. Mbi ya niŋ awa mba məjìm kwàʼ icheg chɔm. Mbi ya bə̀ zì iywid ina imbə̀ʼ icheg ne mbə̀ŋ yaya no, ifə ko.

Ɨ̀fàʼì 28:2 Referans Kwoze

Mə̀Hibrù 13:2

Tɨ mbə̀ waʼ ə ənû nɨ nɨŋ bə̂d rɨ̀sɔ̀ʼɔ̀ əkwɨ nən, ɨmbə̀ʼ ɨghəm nɨ bə̂d mɔʼɔ nyaʼa ghɨ̀ əne nɨŋ mbɨ̀aŋgɨrə̀ əkwɨ nən zɨ rɨ kyerɨ.

Kòlosè 3:11

Əne chəi wɨrɨ i ɨkwepɨ əkaʼ bə̂d nɨ kaʼi mɨ̀Jû mbɨ mɨ̀Jû, chəi wɨrɨ i ɨkwepɨ əkaʼ bə̂d mbe nɨ mbɨ ne mbɨ mbe nɨ chəi mbɨ ne mɨ̀mə̌d, chəi wɨrɨ i ɨkwepɨ əkaʼ bə̂d əgyeŋ nɨ kɨrɨ ɨŋga ɨzimɨ, chəi wɨrɨ i ɨkwepɨ əkaʼ ɨ̀bòʼò mbɨ ə bə̂d nɨ yeʼ ənɨ ə ɨghəm. Kristo yɨ ɨnû jìm. Məd wɨ ɨŋga bə̂d mɨjìm mbe nɨ yeʼ ənɨ ənû ə mɔʼ mbɨ məd.

Rm 1:14

Mə yɨə wə̀d njɔ̌ əmbɨ ə bə̂d mbe nɨ kyerɨ ənû fɔrɨ əmbɨ mbe nɨ chəi mbɨ kyerɨ ənû. Mə yɨə bə̀ wə̀d njɔ əmbɨ ə bə̂d ɨwe bə̀ fɔrɨ əmbɨ ɨneŋ.

2 Kɔrèn 11:27

Mə wɨə nyaʼə fàʼ rɨ̀kǎ bə̀ nwìʼ ɨnyod. Chəi mə nyaʼa gwenɨ ɨzimɨ nɔnɔʼ. Mə wɨə nyaʼa chub ə njì, ədɔʼ ə bə̀ ne əmɨ. Mə wɨə nyaʼə chub ɨghəm nɔnɔʼ nɨ chəi əghɨjɨg. Mə wɨə nyaʼə kwaŋ ngywɨ̌ əne ɨfə wɨə nyaʼə kɔ əmɨ.

Ɨ̀fàʼì 28:4

Ənɨ bə̂d əbeŋ mbe nyaʼa zə rɨndum ze nɨ nyaʼə nəŋ ənɨ əbɔ ə Pɔ̂l, mbɨ nyaʼa ghà mbənə mbənə ni, “Mbaŋə̀ zɔ̂ berɨ yeʼ wə̀d nɨə zwiirɨ ə bə̂d! Ka à bè yeʼi ni wɨ̀ fə nod ɨvɨ ɨŋga rɨ̀bàà, chəi ŋwìə̀-əyi we nɨə saʼə bə̂d bɨrɨ ben i ni wɨ̀ chub ɨkǎ.”

1 Kɔrèn 14:11

Mə mɨ ton kyerɨ əmɨ ɨŋgam əbeŋ we nɨ wə̀d mɔʼɔ ə ghàmə̀, əne mɔ̌ yɨə wə̀d rɨ̀sɔ̀ʼɔ̀ ɨ bɔ, məd yɨə bə̀ ə wə̀d rɨ̀sɔ̀ʼɔ̀ ɨ num.

Matìyò 10:42

Wə̀d mɔʼɔ we nɨ naʼ ka àbei toʼ mɨnib zwɨrɨ-zwɨrɨ əmbɨ wɨ kwa mɔʼɔ rəbɔʼ mbɔ̂ ɨmbə̀ʼ ɨghəm nɨ məd yɨ mɨ ə̀mə̀ə̀nɨ̀-ɨnû, njɨ mə ghà rəsìʼ ɨ nən ni, ka wɨ bɨrɨ nim i i ɨchɔʼ ə̀fàʼì.”

Ɨ̀fàʼì 27:3

À nyaʼa əni ze nɨ beenɨ, tɨ̀ nyaʼa pè ə Sidòn. Juliùs nyaʼa ghɨ̀ ɨ̀chɔ̀m ənɨ ə Pɔ̂l, sàŋ əməd ni wɨ̀ wo əsɨ mbi mɨ̀sə̀ʼ ɨmbə̀ʼ mbɨ naʼ ɨghɨ mbe nɨ wɨ̀ nyaʼa kəbɨ.

Rm 2:27

Mbaŋə̀ ze nɨ chəi mbɨ kɨrɨ ne məd, àyɨə ɨ wɨə nùŋ rɨkə, bɨrɨ zɨ ɨsaʼi ɨgwɨ ne, àwɔ̀ we nɨ kyerɨ rɨkə mbɨ bə̀ nè əwe, àyɨə chəi àwɔ̀ ə nùŋ rɨkə te.

Jn 18:18

Ɨfə wɨə nyaʼə kɔə, əne bə̂d ə̀fàʼì ətu ɨgwɨ ə bə̂d mbàn Ŋwìə̀ mbɨ ə bə̂d mbe nɨ nyaʼə nəŋgɨə mbàn Ŋwìə̀, nyaʼa nepɨ ɨwid kyi. Mbɨ nyaʼa nepɨ əne, təmbɨ ɨban ɨ zɔ ə. Pità nyaʼa bə̀ təm əbɔʼ mɨ̀mə̌d ɨ zɔ i.

Ɨ̀fàʼì 28:3

Pɔ̂l nyaʼa fetɨ ɨbiŋ rɨkaʼi mɔʼɔ zɨ̀ ɨjə̀ŋ. Əne wɨ̀ nyaʼa zɨ əne, tɨndum nyaʼa jwɨ̀ rɨŋga tɨkaʼi te ɨmbə̀ʼ ɨghəm nɨ ɨwid we wɨə nyaʼə nòmə̀. Zɨ̀ nyaʼa jwɨ̀ əne nom əbɔ əməd tə̀n əŋgu.

Rm 14:1

“Mbə̀ nɨŋ bə̂d mbe nɨ ɨbenɨ mɨ̀mə̌d bɔrɨ, àyɨə tɨ mbə̀ taŋ ə mbɨ mɨ̀mə̌d ɨmbə̀ʼ tɨkɔndɨ mɔʼɔ te nɨ mbɨ berɨ.

Rm 14:3

Tɨ we nɨə jɨg ɨghɨjìm təənɨ i we nɨ chəi wɨə jɨg ɨghɨjìm. Tɨ we nɨ chəi wɨə jɨg ɨghɨjìm bɨ sob i ɨsaʼi ɨgwɨ we nɨə jɨg ɨghɨjìm, ɨmbə̀ʼ ɨghəm nɨ Ŋwìə̀ fə nɨŋ əməd ənɨ wi.