Ɨ̀fàʼì 23:10 - Meta’

¹⁰ Ənɨ tàŋ ze nyaʼa beŋ ənɨ əchɔb nɨ ka, ətu ɨgwɨ mɨ̀sɔgyɨ̀ nyaʼa bɔ ni mbaŋə̀ te bɨrɨ təndɨ ə Pɔ̂l tɨkə rɨkə. Əne wɨ̀ nyaʼa ghà əmbɨ mɨ̀sɔgyɨ̀ mbe ni mbɨ swiʼi wò nɨŋ ə Pɔ̂l ənɨ ɨ̀kǎ, wò ɨŋga ɨkam mɨ̀mə̌d.

Ikan feg

¹⁰ Achɔb ze ya kà anene, wə̀d kyen abə mə̀sogyì se bɔ gha mbi biri sètì Pɔl anyam anyam. Ane, wì ya chà mə̀sogyì gha mbe swiʼi ghò niŋ Pɔl nyi ghò inga ikam.

Ɨ̀fàʼì 23:10 Referans Kwoze

Jems 3:14

À mɨ berɨ ə̀dìì rɨbɔ̀ŋ, à mɨ bə̀ kə̀b ɨghɨ àmei ɨmbə̀ʼ e ɨghəm, tɨrə̀ goŋ e ɨgɔ̂ ɨmbə̀ʼ əzɨ əwən kɨ̀ bè ton ɨnû mbe nɨ yeʼ mbɨ rəsìʼ.

Jems 1:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kyerɨ ənû zɔ̂. Wə̀d jìm tɔ ɨ̀tǒŋ zu ənû. Tɨ wɨ̀ kɨə ghàm i. Tɨ wɨ̀ kɨə sə i ɨtəm,

Ɨ̀fàʼì 22:24

ətu ə kyeŋ ɨgwɨ mɨ̀sɔgyɨ̀ nyaʼa ghà ni mɨ̀sɔgyɨ̀ nɨŋ əməd wò ɨŋga ɨkam mɨ̀mə̌d, pè te əməd ənɨ ə ŋgwad ɨmbə̀ʼ jeŋgɨ nwèndɨ̀ əton nɨ bə̂d mbe nyaʼə kyeŋ ɨgwɨ ətu əməd.

Ɨ̀fàʼì 23:32

À nyaʼa əni ze nɨ beenɨ, mɨ̀sɔgyɨ̀ mbe nɨ nyaʼə yèn ɨwu, nyaʼa wɨrɨ bə̀ndɨ̀ wò ɨkam mɨ̀sɔgyɨ̀. À yɨ mbe nɨ nyaʼa kɔʼ ngyi nyaʼa wò mbɨ Pɔ̂l.

Ɨ̀fàʼì 23:27

Mɨ̀Jû nyaʼa gywɨ̀ mbaŋə̀ zɔ̂, kə̀b zwiirɨ əməd. Ənɨ mɔ̌ mbɨ mbɨ mɨ̀sɔgyɨ̀ nyaʼa wo jwɨ̀ ɨgwɨ məd, mə nyaʼa zu ni à yɨə wə̀d Rom, əne mə nyaʼa chɨ̀ əməd rɨŋga rɨkyerɨ-ɨbɔ mɨ̀mə̌d.

Ɨ̀fàʼì 23:16

Àyɨə wan njàbɨ Pɔ̂l, wɨ mbaŋə̀, nyaʼa zu ɨchî nɨ mbɨ nyaʼə taŋ mɨnaŋ mbe, əne wɨ̀ nyaʼa wò nyɨ ɨŋga ɨkam mɨ̀sɔgyɨ̀ ghà ənû ze əmbɨ Pɔ̂l.

Ɨ̀fàʼì 21:37

Ənɨ mbɨ nyaʼə sɨə wò nyɨ ɨŋga ɨkam mɨ̀sɔgyɨ̀ mbɨ Pɔ̂l, wɨ̀ nyaʼa biirɨ əmbɨ ətu ə kyeŋ ɨgwɨ mɨ̀sɔgyɨ̀ ni, “Mə̀ gha ənû ə mɔʼɔ ɨ ne ə?” Ətu ə kyeŋ ze ə nyaʼa biirɨ ɨ bɔ ni, “À wɨə ghàm ə Grik ə?

Ɨ̀fàʼì 23:28

Mə nyaʼa kəb kyerɨ ɨsaʼi we nɨ mbɨ zɨ ɨgwɨ məd, əne mə nyaʼa nɨŋ əməd wò ɨŋga ɨ̀chàm mɨ̀mə̌d.

2 Kɔrèn 11:26

Mə wɨə nyaʼə kɨə yènə̀. Mə nyaʼa nɨrə koŋ ɨŋga ɨgyɨ̀ kyeŋ. Mɨjɨ ka ka nyaʼa nɨrə zwiirɨ əmɨ. Mbɨ bə̂d əbeŋ nyaʼa nɨrə zwiirɨ əmɨ. Bə̂d mbe nɨ kaʼi mɨ̀Jû nyaʼa nɨrə zwiirɨ əmɨ. Mə nyaʼa nɨrə kwɨ ɨŋga ɨsɨ kyeŋ. Mə nyaʼa nɨrə kwɨ ɨŋga ɨbad rɨkwàʼi. Mə nyaʼa nɨrə kwɨ ɨŋga rɨ̀bàà. Bɔŋgɔb mɨghab nyaʼa nɨrə zwiirɨ əmɨ.

Ɨ̀fàʼì 24:7

Àyɨə Lisiàs nɨ yeʼ ətu ə kyeŋ ɨgwɨ mɨ̀sɔgyɨ̀ nyaʼa yeʼe nɨŋ əməd rɨŋga ta rɨkyerɨ-ɨbɔ ənɨ ɨkǎ.