Ɨ̀fàʼì 22:25 - Meta’

²⁵ Àyɨə ənɨ mbɨ nyaʼa kod əməd ənɨ mɨniʼ, wɨ̀ nyaʼa ghà əmbɨ ətu ɨgwɨ mɨ̀sɔgyɨ̀ ɨkɨ fibɨ̀ nɨ nyaʼa təm ɨban ni, “Tɨkə ə wa chwiə ni mbə̀ te wə̀d Rom ənɨ ə ŋgwad nɨ chəi mbɨ sob ɨsaʼi ni wɨ̀ fə gù ə?”

Ikan feg

²⁵ Si ya gha, anyumə̀ ne mbi ya kɔd Pɔl ane məniʼ, wì ya ghà abə atog wə̀d igun mə̀sogyì iki ifibì ne ya təmi iban angu gha, “Mə̀nɔ̀ʼɔ̀ wa chwi gha mbə te wə̀d a Rom ane ngwàn ne chəyi mbi kiri sɔbi isaʼi gha wì fə gùg anug?”

Ɨ̀fàʼì 22:25 Referans Kwoze

Ɨ̀fàʼì 16:37

Àyɨə Pɔ̂l nyaʼa ghà əmbɨ mɨ̀pùrɨsɨ̀ mbe ni, “Tɨ̀ yɨ məRom. Mbɨ fə som əwa ɨfě bə̂d bə̀ zɨ̀ əwa ə ndəŋ nɨ chəi tɨ̀ gu ənû ə mɔʼɔ. Tɨ̀nîn ɨ mbɨ kɨə kəb chɨ̀ əwa ənjìm ənjìm ə? Chə̂! mbɨ yeʼe chɨ̀ əwa mbənə mbənə.”

Ɨ̀fàʼì 25:16

Mə nyaʼa wììrɨ̀ əmbɨ mɨ̀mə̌d ni kaʼi ɨchî əbeŋ məRom nɨ yim wə̀d nàʼ əmbɨ ə bə̂d mbe nɨ zɨ ɨsaʼi ɨgwɨ məd, bɔŋ wɨ̀ sɨə bòmnɨ̀ə̀ mbɨ mɨ̀mə̌d. Mbɨ berɨ nàʼ əpan ɨ bɔ ni wɨ̀ chɨ ɨnû rɨ ɨgwɨ ni.

Ɨ̀fàʼì 27:43

Àyɨə ətu ɨgwɨ mɨ̀sɔgyɨ̀ we nyaʼa kə̀b ni njɨ tə chɨ ə Pɔ̂l rəŋgəʼ, əne wɨ̀ nyaʼa sob ni tɨ mbɨ zwiirɨ ə bə̂d ndəŋ mbe. Wɨ̀ nyaʼa ghà əmbɨ ə mbaŋə̀ te nɨ nyaʼa kyerɨ ɨchî nɨ zɔʼ ɨgyɨ̀ ni mbɨ be tòm ɨŋga rɨ̀bàà we zɔʼ wo jwɨ̀ əsaŋ.

Ɨ̀fàʼì 23:17

Pɔ̂l nyaʼa zu əne tɔŋ ətu ə mɔʼ ɨgwɨ mɨ̀sɔgyɨ̀ ɨkɨ fibɨ̀ ghà ɨ bɔ ni, “Nɨŋ əjɔŋ zɔ̂ wò mbɨ məd əsɨ ətu ɨgwɨ mɨ̀sɔgyɨ̀. Wɨ̀ berɨ ənû ə mɔʼɔ nɨ gha ɨ bɔ.”

Ɨ̀fàʼì 27:3

À nyaʼa əni ze nɨ beenɨ, tɨ̀ nyaʼa pè ə Sidòn. Juliùs nyaʼa ghɨ̀ ɨ̀chɔ̀m ənɨ ə Pɔ̂l, sàŋ əməd ni wɨ̀ wo əsɨ mbi mɨ̀sə̀ʼ ɨmbə̀ʼ mbɨ naʼ ɨghɨ mbe nɨ wɨ̀ nyaʼa kəbɨ.

Ɨ̀fàʼì 27:1

Ənɨ Festùs nyaʼa ben ni tɨ̀ nyɨ əbaŋ ɨgyɨ̀ wò ə Italì, wɨ̀ nyaʼa nàʼ ə Pɔ̂l mbɨ ə bə̂d ndəŋ cherə əmbɨ ə mbaŋə̀ mɔʼɔ nɨ ɨkum məd nyaʼə Juliùs. Juliùs we yɨə nyaʼə ətu ɨgwɨ mɨ̀sɔgyɨ̀ ɨkɨ fibɨ̀ rɨŋga Ɨnɔ̂n Mɨ̀sɔgyɨ̀ Kaisà.

Ɨ̀fàʼì 10:1

Mbaŋə̀ mɔʼɔ zɨə nyaʼə Kàisàriyà nɨ ɨkum məd nyaʼə Kɔneliùs. Wɨ̀ yɨə nyaʼə ətu ɨgwɨ mɨ̀sɔgyɨ̀ ɨkɨ fibɨ̀ rəbɔʼ mɨ̀sɔgyɨ̀ mbe nɨ nyaʼa rɨ ə Italì.

Matìyò 27:54

Ənɨ ətu ɨgwɨ mɨ̀sɔgyɨ̀ mbɨ mɨ̀sɔgyɨ̀ mbe nɨ nyaʼə nə̀ŋgɨ ə Yeso, nyaʼa zə ɨchî nɨ si nyaʼa wùrɨ bə̀ zə ɨnû jìm mbe nɨ nyaʼa ghɨ̌, mbɨ nyaʼa bɔ kwàʼ rɨŋgəʼ, əne ghà ni, “À yɨ rəsìʼ ni mbaŋə̀ zɔ̂ yɨ kə̀ʼ ə Wan Ŋwìə̀!”

Matìyò 8:8

Àyɨə ətu ze ɨgwɨ mɨ̀sɔgyɨ̀ nyaʼa ghà ɨ bɔ ni, “Masà, mɨ rɨka kùʼ əmɨ ni à nyɨ ɨŋga mɨ nəb. Gha àmei ɨŋgam, mɨ wə̀d ə̀fàʼì bɨrɨ bɔtɨ i.

Matìyò 10:17

Mbə̀ we əwən mbɨ ə bə̂d, ɨmbə̀ʼ ɨghəm nɨ mbɨ bɨrɨ yim əwən wò naʼ əmbɨ mə̀saʼ əbeŋ. Mbɨ bɨrɨ bɨ te əwən ɨŋga nəb tɨ ə̀kàtɨ̀ tɨ mɨ̀mə̌d.

Ɨ̀fàʼì 22:26

Ənɨ ətu ɨgwɨ mɨ̀sɔgyɨ̀ ɨkɨ fibɨ̀ we nyaʼa zu ənû ze, wɨ̀ nyaʼa wò əsɨ ətu ə kyeŋ ɨgwɨ mɨ̀sɔgyɨ̀ pè biirɨ ɨ bɔ ni, “À kɨə kəb ghɨ ye ə? Kyerɨ ni mbaŋə̀ zɔ̂ yɨə wə̀d Rom.”

Ɨ̀fàʼì 23:27

Mɨ̀Jû nyaʼa gywɨ̀ mbaŋə̀ zɔ̂, kə̀b zwiirɨ əməd. Ənɨ mɔ̌ mbɨ mbɨ mɨ̀sɔgyɨ̀ nyaʼa wo jwɨ̀ ɨgwɨ məd, mə nyaʼa zu ni à yɨə wə̀d Rom, əne mə nyaʼa chɨ̀ əməd rɨŋga rɨkyerɨ-ɨbɔ mɨ̀mə̌d.