Biblia Todo Logo
Bib sou entènèt

- Piblisite -




Ɨ̀fàʼì 20:17 - Meta’

17 Pɔ̂l nyaʼa pè ə Miletùs chà mbɨ tɔŋ bə̂d mbe nɨ nyaʼə chà ɨfetɨ bə̂d Kristo we rɨ ə Efesùs ni mbɨ yeʼe kumnɨ əwi.

Gade chapit la Kopi

Ikan feg

17 Anyumə̀ ne Pɔl ya yaʼi a Mìletùs, wì ya chà wə̀d gha wì ghò ghà abə itog bəd inga ifeti bəd Kristo we a Efesùs gha mbe yèʼe kɔ̀ti aməd.

Gade chapit la Kopi




Ɨ̀fàʼì 20:17
15 Referans Kwoze  

Əton nɨ mə̀ nyaʼa saŋ əwe ə Kret yɨ ni à tekɨ ɨnû jìm mbe nɨ nyaʼa kɨrɨ buʼ ɨŋga ɨfetɨ bə̂d Kristo we. Mə nyaʼa bə̀ sàŋ əwe əŋgu ni à chɔʼ bə̂d mbe nɨə chà tɨfetɨ bə̂d Kristo ɨŋga ɨsɨ jìm mbe nɨ yeʼ ə Kret àmei ɨchî nɨ mə̀ nyaʼa fə gha ɨ ne.


Mbɨ nyaʼa ghɨ̀ ənû ze, əne tom ə Banabàs mbɨ Sɔ̂l mbɨ ɨkab we nɨ mbɨ nyaʼa fetɨ ni mbɨ wo nàʼ əmbɨ ə bə̂d mbe nɨ nyaʼə chà ɨfetɨ bə̂d Kristo we rɨ ə Jèrusalèm.


Zə ni mbɨ naʼ ɨwumnɨ əmbɨ ə bə̂d mbe nɨə chà ɨfetɨ bə̂d Kristo bə̀ jeŋgɨ chɔʼ ə̀fàʼì mɨ̀mə̌d, maanɨ mbe nɨə fàʼ rɨkǎ nɨ ghà ɨŋgam Ŋwiə̀ bə̀ fɔrɨ ni chwi ɨnû ɨmbə̀ʼ ə Kristo.


Wə̀d mɔʼɔ rəbɔʼ nən wɨə wa wɔ̀n ə? Wɨ̀ tɔŋ bə̂d mbe nɨə chà ɨfetɨ bə̂d Kristo mbɨ yeʼe kɔ̀ŋgɨ̀ ə Ŋwiə̀ ɨgwɨ məd, bə̀ zɔʼ əməd ənɨ mɨwud ənɨ ɨkum Ə̀nùŋɨ̀sɨg.


Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.


Ənɨ mbɨ nyaʼa fə chɔʼ bə̂d mbe nɨə chà tɨfetɨ bə̂d Kristo te ɨ mɔʼ mɔʼ, mbɨ nyaʼa kɔŋgɨ ə Ŋwiə̀, chub rɨ jɨg, zɨ̀ mɨ̀mə̌d ɨŋga tɨkyerɨ-ɨbɔ Ə̀nùŋɨ̀sɨg we nɨ mbɨ nuŋ tə fîŋ ɨgwɨ məd.


À yɨə mɔ̌, nɨ mə̀ yeʼ wə̀d nɨə cha ɨfetɨ bə̂d Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ ɨ ne, àwɔ̀ Gayùs nɨ mə̀ ghaʼi kwàʼ rɨŋgəʼ. Mə kaŋ ghaʼ əwe ənɨ rəsìʼ.


À yɨə mɔ̌, nɨ mə̀ yeʼ wə̀d we nɨə chà ɨfetɨ bə̂d Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ ɨ ne, àwɔ̀ Əyi kyeŋ we nɨ Ŋwìə̀ nyaʼa chɔʼɔ fɔrɨ əmbɨ mbe bɔn. Mə kàŋ ghaʼ əwən ənɨ rəsìʼ. Kaʼ àmei mɔ̌ ghaʼ əwən, bə̂d mɨjìm mbe nɨ kyerɨ rəsìʼ we nɨ tɨə ghàə̀ bə̀ ghaʼ əwən.


Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,


Ɨchî nɨ mbɨ nyaʼə yèn ɨsɨ ɨsɨ, mbɨ nyaʼə yènə̀ ghàə̀ tɨkə te nɨ bə̂d tom mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm nyaʼa ben ni mbɨ nuŋ ə. Mbɨ nyaʼa ghà əmbɨ mɨ̀mə̌d ni mbɨ nuŋ tɨkə te rɨjìm.


Mbɨ nyaʼa tom mɨ̀mə̌d mbɨ ə̀ŋwàʼnɨ̀ nɨ nyaʼa gha ni: “À yɨə mbà mbə bɔŋgɔb bə̂d tom Kristo mbɨ ə bə̂d mbe nɨə chà ɨfetɨ we rɨ ə Jèrusalèm ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən, mbə̀n mba bɔŋgɔb mbe nɨ kaʼi mɨ̀Jû nɨ yeʼ ə Antiɔ̀k, ə Sirià bə̀ fɔrɨ ə Selisià. Tɨ̀ wɨə chàʼrɨ̀ əwən.


Bə̂d tom Kristo mbe mbɨ ə bə̂d mbe nɨ nyaʼə chà ɨfetɨ nyaʼa bòmnɨ̀ ɨmbə̀ʼ nweenɨ ənû zɔ̂.


Ənɨ mbɨ nyaʼa wo pè ə Jèrusalèm, ɨfetɨ bə̂d Kristo, bə̂d tom Kristo mbɨ ə bə̂d mbe nɨ nyaʼə chà ɨfetɨ bə̂d Kristo nyaʼa nɨŋ mɨ̀mə̌d kwàʼ ɨchî chɔ̀m. Pɔ̂l mbɨ Banabàs nyaʼa ghà ɨnû jìm mbe nɨ Ŋwìə̀ nyaʼa che ənjìm mɨ̀mə̌d ghɨ̀.


Ənɨ mbɨ nyaʼa pe ə Efesùs, wɨ̀ nyaʼa sàŋ ə Prìsilà mbɨ Àkwilà əŋgu. Məd ziə nyaʼa wò nyɨ ɨŋga nəb ə̀kàtɨ̀ kɔ taŋɨ mbɨ mɨ̀Jû.


À nyaʼa əni ze nɨ beenɨ, tɨ̀ nyaʼa nyɨ əbaŋ ɨgyɨ̀, nɔ̀ʼ rɨ ə Mitilenè baanɨ wò ɨban ə Kiòs. À nyaʼa əni ze nɨ beenɨ, tɨ̀ nyaʼa baanɨ wò ə Samòs. À sɨ əni ze nɨ nyaʼa yi beenɨ, tɨ̀ nyaʼa wò ə Miletùs.


Swiv nou:

Piblisite


Piblisite