Ɨ̀fàʼì 2:4 - Meta’

⁴ Əzwî ə Zeŋɨ ə nyaʼa swi ɨŋga mɨ̀mə̌d mɨjìm, əne mbɨ nyaʼa kɔ gham mɨŋgam ɨbeŋ cherə, ɨchî nɨ Əzwî ze ə nyaʼa naʼ ɨka əmbɨ mɨ̀mə̌d.

Ikan feg

⁴ Azwighi Ŋwiye ya sweg inga inɔb mbɔb məjìm. Ane, mbi ya si ko se ghàmà tìngam iben ndəŋ icheg ne Azwighi Ŋwiye yaya nàʼà ika inɔb.

Ɨ̀fàʼì 2:4 Referans Kwoze

Mk 16:17

Bə̂d mbe nɨ benɨ bɨrɨ ghɨ ɨnweenɨ-ɨnû mbɔ̂: mbɨ bɨrɨ chɨ ɨzwî rɨbɔ̀ŋ rɨŋga bə̂d ənɨ mɨ ɨkum; mbɨ bɨrɨ gham mɨŋgam rɨsɔ̀ʼɔ̀;

Ɨ̀fàʼì 13:52

Ɨghaʼi mbɨ Əzwî ə Zeŋɨ nyaʼa swi ɨŋga bə̂d mbe nɨ nyaʼa ben ə Kristo ə Antiɔ̀k.

Ɨ̀fàʼì 4:31

Ənɨ mbɨ nyaʼa kɔŋgɨ ə Ŋwiə̀ màànɨ̀, əsɨ ze nɨ mbɨ nyaʼa fetɨ əŋgu ə nyaʼa wùd. Əzwî ə Zeŋɨ ə nyaʼa swi ɨŋga mɨ̀mə̌d mɨjìm, mbɨ gha ɨŋgam Ŋwiə̀ mbɨ fîŋ nɨ kǎ.

Efesùs 5:18

Tɨ mbə̀ nɔ ə mɨnoʼ be, ɨmbə̀ʼ ɨghəm nɨ mbə mɨ nɔ be, mbə bɨrɨ ghɨ ɨnû mbe nɨ bɨrɨ chəkɨ əwən. Mbə̀ saŋə yeʼ ni Əzwî ə Zeŋɨ ə swi ɨŋga nən.

1 Kɔrèn 12:10

Ŋwìə̀ wɨə nàʼ ɨka əmbɨ wə̀d mɔʼ ni wɨ̀ ghɨ ɨnû yiirɨ. Ɨ wɨə nàʼ ɨneʼe əmbɨ wɨ cherə ni wɨ̀ gha ɨkə̂n Ŋwiə̀. Ɨ wɨə nàʼ ɨneʼe əmbɨ wɨ cherə ni wɨ̀ kyerɨ ɨkwepɨ rəbɔʼ mɨneʼe mbe nɨ Əzwî ə Zeŋɨ ə nàʼ rəbɔʼ mbe nɨ chəi Əzwî ə Zeŋɨ ə nàʼə̀. Ɨ wɨə nàʼ ɨneʼe əmbɨ wɨ cherə ni wɨ̀ gham mɨŋgam tɨkwɨrɨkwɨ. Ɨ wɨə bə̀ nàʼ ɨneʼe əmbɨ wɨ cherə ni wɨ̀ toʼrɨ mɨŋgam mbe.

Jn 14:26

Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

Ɨ̀fàʼì 19:6

Ənɨ Pɔ̂l nyaʼa zab mbi ɨbɔ ɨgwɨ mɨ̀mə̌d, Əzwî ə Zeŋɨ ə nyaʼa yeʼe ɨgwɨ mɨ̀mə̌d, mbɨ kɔ gham mɨŋgam rɨsɔ̀ʼɔ̀, bə̀ kɔ ghà ɨkə̂n Ŋwiə̀.

Ɨ̀fàʼì 10:46

ɨmbə̀ʼ ɨghəm nɨ mbɨ nyaʼa zu ənɨ mbɨ nyaʼə ghàm mɨŋgam ɨbeŋ cherə, bə̀ fɔrɨ ənɨ mbɨ nyaʼə yiirɨə ə Ŋwiə̀. Pità nyaʼa ghà ni,

Ɨ̀fàʼì 9:17

Əne Ànàniàs nyaʼa wò nyɨ ɨŋga nəb ze, pè zab mbi ɨbɔ ɨgwɨ məd, ghà ni, “Aŋgɔb Sɔ̂l, Ə̀nùŋɨ̀sɨg Yeso we nɨ kəʼ jwɨ̀ ənɨ e ɨfě ənɨ a kə̀ʼ yeʼe əgha, fə chà əmɨ əsɨ ne ɨmbə̀ʼ à wɨrɨ zə ɨsɨ, Əzwî ə Zeŋɨ ə swi ɨŋga ne.”

Ɨ̀fàʼì 7:55

Àyɨə Stɨfɨ̀n, nɨ Əzwî ə Zeŋɨ ə nyaʼa swi ɨŋga məd, nyaʼa neŋ ɨkaŋ zə ɨzeŋɨ zeŋɨ Ŋwiə̀ bə̀ zə ə Yeso nɨ nyaʼa təm əbà əbɔ ə jɨgɨ ə Ŋwiə̀.

Ɨ̀fàʼì 1:5

Jɔ̌n wɨə nyaʼə nàʼə̀ mɨnib, àyɨə bɔŋ ɨni nɔnɔʼ sɨə yeʼe, Ŋwìə̀ bɨrɨ naʼ Əzwî ə Zeŋɨ ɨ nən.”

1 Kɔrèn 13:8

Chəi ɨghaʼi ə nɔ mìə̀. À yeʼ ɨmbə̀ʼ ənû nɨ gha ɨkə̂n Ŋwìə̀, zɨə bɨrɨ nwìə̀. À yeʼ ɨmbə̀ʼ ənû nɨ gham mɨŋgam rɨsɔ̀ʼɔ̀, zɨə bɨrɨ nwìə̀. À yeʼ ɨmbə̀ʼ ənû nɨ berɨ ɨwe, zɨə bɨrɨ bɨ nwìə̀.

1 Kɔrèn 13:1

Mə mɨ yeʼə ghàm ənɨ mɨŋgam bə̂d mɨ̀sɔŋɨchù kɨ̀ ənɨ ɨŋgam mbɨ̀aŋgɨrə̀, àyɨə chəi mə̀ ghaʼ bə̂d, mə yɨ ɨghabɨ mɨ̀kakaŋ nɨə ja ɨsɨ, kɨ̀ ɨghabɨ ə ŋgòŋ nɨ mbɨə buʼə.

Ɨ̀fàʼì 13:9

Əzwî ə Zeŋɨ ə nyaʼa swi ɨŋga Sɔ̂l we nɨ mbɨ nyaʼə bə̀ tɔŋ ənɨ Pɔ̂l. Əne wɨ̀ nyaʼa toŋ əghə ɨgwɨ Elimàs ghà ni,

Ɨ̀fàʼì 2:11

Tɨ̀ yɨ mɨ̀Jû mbɨ ə bə̂d mbe nɨ fə beŋ tə fîŋ ben ənû ə Ŋwiə̀ mɨ̀Jû. Tɨ̀ yɨ rɨ ə Kret bə̀ fɔrɨ rɨ ə Àrebìà. Àyɨə mba mɨjìm mbɨə zu ənɨ mbɨə ghà ɨnû kyeŋ mbe nɨ Ŋwìə̀ ghɨ̌. Ɨ mbɨə ghàə̀ yeʼ ənɨ mba mɨŋgam əbeŋ.”

Lk 12:12

ɨmbə̀ʼ ɨghəm nɨ Əzwî ə Zeŋɨ ə bɨrɨ ghɨ mbə̀ kyerɨ ənû ze nɨ mbə berɨ ghà ənɨ ə nyùmə̀ we.”

1 Kɔrèn 14:18

Mə wɨə nàʼə̀ məben-əwe əmbɨ ə Ŋwiə̀ ni mə wɨə ghàm mɨŋgam rɨsɔ̀ʼɔ̀ chè mbə̀n mɨjìm.

Rm 15:13

Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.

Ɨ̀fàʼì 4:8

Əzwî ə Zeŋɨ ə nyaʼa swi ɨŋga Pità, əne wɨ̀ nyaʼa wììrɨ̀ əmbɨ mɨ̀mə̌d ni, “Bə̂d nɨə tekɨ ɨnû mbɨ ə bə̂d kyeŋ rɨŋga əbeŋ!

Jn 20:22

Ənɨ wɨ̀ nyaʼa fə gha ənû zɔ̂, wɨ̀ nyaʼa zwì ɨgwɨ mɨ̀mə̌d, ghà əmbɨ mɨ̀mə̌d ni, “Əzwî ə Zeŋɨ ə yeʼe ɨgwɨ nən.

Lk 4:1

Əzwî ə Zeŋɨ ə nyaʼa swi ɨŋga Yeso, əne wɨ̀ nyaʼa bə̀ndɨ̀ rɨ ɨgyɨ̂ Jodàn. Əzwî ze ə nyaʼa nɨŋ əməd

1 Pità 1:12

Ŋwìə̀ nyaʼa chwi əmbɨ mɨ̀mə̌d ni chəi mbɨ nyaʼə faʼə yeʼ ɨmbə̀ʼ ə ɨghəm. Ɨ mbɨə nyaʼə faʼə yeʼ ɨmbə̀ʼ weerɨ əwən. Ɨ mbɨə nyaʼə ghà ɨnû mbe nɨ mbə̀ nyaʼa fə zu rɨ əmbɨ ə bə̂d mbe nɨ nyaʼa chè ənjìm Əzwî ə Zeŋɨ ze nɨ Ŋwìə̀ cha rɨkaŋ gha ɨkə̂n chɔ̀m. Mbɨ̀aŋgɨrə̀ mbɨə nyaʼə bə̀ kə̀b kyerɨ ənû rəŋgu.

1 Kɔrèn 14:5

Mə kə̀b ni mbə̀n mɨ̀jìm gham mɨŋgam rɨsɔ̀ʼɔ̀, àyɨə ənû nɨ mə jeŋgɨ kə̀b yɨ ni mbə̀ gha ɨkə̂n Ŋwiə̀. Wə̀d we nɨə ghà ɨkə̂n Ŋwiə̀ ə chè we nɨə ghà ɨŋgam rɨsɔ̀ʼɔ̀, kɨrɨ ənɨ wə̀d mɔʼɔ yeʼ əŋgu nɨə tòʼrɨ̀ ɨŋgam we. Wɨ̀ berɨ toʼrɨ ɨmbə̀ʼ ɨfetɨ bə̂d Kristo jìm təm kàànɨ̀.

Ɨ̀fàʼì 11:15

Ənɨ mə̀ nyaʼa kɔ ghamɨ, Əzwî ə Zeŋɨ ə nyaʼa yeʼe ɨgwɨ mɨ̀mə̌d àmei ɨchî nɨ zɨə nyaʼa yeʼe ɨgwɨ na ənɨ ɨkɔ.

Ɨ̀fàʼì 6:5

Ənû ze nɨ mbɨ nyaʼa ghǎ ə nyaʼa bɔ̀ŋ əmbɨ ɨnɔ̂n bə̂d we ɨjìm. Əne mbɨ nyaʼa chɔʼ ə Stɨfɨ̀n nɨ ɨbenɨ məd nyaʼa kaanɨ, Əzwî ə Zeŋɨ ə bə̀ swi ɨŋga məd. Mbɨ nyaʼa bə̀ chɔʼ ə Filip mbɨ Prokorùs mbɨ Nìkano mbɨ Timòn mbɨ Pàmenàs mbɨ Nikolaùs nɨ nyaʼə rɨ ə Antiɔ̀k, nɨ nyaʼa fə beŋ i fîŋ ben ənû ə Ŋwiə̀ mɨ̀Jû.

Ɨ̀fàʼì 6:3

Əne kyɨə bɔŋgɔb, mbə̀ chɔʼ mbaŋə̀ sambe rəkaʼ nən nɨ bə̂d ə ghà ɨnû chɔ̀m ɨmbə̀ʼ mɨ̀mə̌d, nɨ Əzwî ə Zeŋɨ ə swi ɨŋga mɨ̀mə̌d, mbɨ bə̀ berɨ ɨwe, ɨmbə̀ʼ tɨ̀ naʼ ənû nɨ ghapɨ rɨjɨg əmbɨ mɨ̀mə̌d.

Ɨ̀fàʼì 1:8

Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

Lk 1:15

Wɨ̀ bɨrɨ yeʼ ədabɨ ə wə̀d ɨfě Ə̀nùŋɨ̀sɨg. Kaʼ wɨ̀ bɨrɨ nɔ i mɨnoʼ əgɔ̂ kɨ̀ mɨnoʼ kǎ kǎ. Əzwî ə Zeŋɨ ə bɨrɨ swi ɨŋga məd kɔ rɨ ənɨ mbɨ gywɨ əməd.

Efesùs 6:18

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Efesùs 3:19

Mə wɨə kɔ̀ŋgɨ̀ ə Ŋwiə̀ ni mbə̀ kyerɨ ni ɨchî nɨ Kristo ghaʼ əwən ə chè ɨchî nɨ tɨ̀ bə̂d kyerɨ. Mbə mɨ kàŋ kyerɨ ɨchî nɨ wɨ̀ ghaʼ əwən njɨ mbə mɨ̀chì bɨrɨ sɨ yeʼ ɨghabɨ mɨchî Ŋwiə̀.

Ɨ̀fàʼì 11:24

Banabàs yɨə nyaʼə wə̀d chɔ̀m. Əzwî ə Zeŋɨ ə nyaʼa swi ɨŋga məd. Wɨ̀ nyaʼa bə̀ berɨ ɨbenɨ nɨ kaanɨ. Ɨchî nɨ wɨ̀ nyaʼə ghà ɨŋgam Ŋwiə̀ nyaʼa ghɨ̀ ni bə̂d mɨ̀nɔnɔʼ beŋ tə fîŋ ben Ə̀nùŋɨ̀sɨg.

Ɨ̀fàʼì 6:8

Ŋwiə̀ nyaʼa ghɨ̀ ɨ̀chɔ̀m ənɨ ə Stɨfɨ̀n bə̀ naʼ ɨka ɨ bɔ. Əne wɨ̀ nyaʼa kɔ ghɨ̀ ɨnû yiirɨ bə̀ kɔ ghɨ̀ ɨnweenɨ-ɨnû ka ka əkaʼ ə bə̂d.

Lk 21:15

ɨmbə̀ʼ ɨghəm nɨ mə bɨrɨ naʼ ɨŋgam fɔrɨ ɨwe ɨ nən nɨ chəi wə̀d mɔʼɔ rəbɔʼ mbə bə̂d pə̀n we tɨ̀ wɨ̀ təm mbɨ nən kɨ̀ bè ton ɨŋgam we.

Lk 1:67

Əzwî ə Zeŋɨ nyaʼa swi ɨŋga Zèkàriyà, mbǎʼ Jɔ̌n, əne wɨ̀ nyaʼa ghà ɨkə̂n Ŋwiə̀ ni,

Lk 1:41

Ənɨ Èlisabèt nyaʼa zu ə̀chàʼrɨ̀ ə Mèri, wan we nyaʼa gàtɨ̀ ɨŋga ɨ̀bùm məd. Əzwî ə Zeŋɨ nyaʼa swi ɨŋga məd,

Matìyò 10:19

Ənɨ mbɨ mɨ yim əwən, tɨ mbə̀ nwìʼ ə ɨnyod ɨmbə̀ʼ ənû ze nɨ mbə̀ bɨrɨ ghà, kɨ̀ ɨmbə̀ʼ ɨchî nɨ mbə̀ bɨrɨ ghàm. Nyùmə̀ we mɨ kùʼ i, Ŋwìə̀ bɨrɨ ghɨ ni mbə̀ kyerɨ ənû nɨ ghà,

2 Pità 1:21

ɨmbə̀ʼ ɨghəm nɨ chəi ɨkə̂n Ŋwiə̀ nyaʼa yeʼe ɨchî nɨ bə̂d mɨ̀sɔŋɨchù nyaʼa kəbɨ. À yɨ Əzwî ə Zeŋɨ ə nyaʼa ghɨ ni bə̂d gha ɨkə̂n Ŋwiə̀.

Ɨ̀fàʼì 2:3

Mbɨ nyaʼa zə ɨghɨ mɔʼɔ nɨ nyaʼa ɨghabɨ tɨnemɨ ɨwid nɨ nyaʼa wo ghàpɨ̀ chub ɨgun ə wə̀d mɔʼ mɔʼ rəbɔʼ mɨ̀mə̌d.

Ɨ̀fàʼì 8:17

Ənɨ Pità mbɨ Jɔ̌n nyaʼa zab mbə ɨbɔ ɨgwɨ mɨ̀mə̌d, Əzwî ə Zeŋɨ ə nyaʼa yeʼe ɨgwɨ mɨ̀mə̌d.

Ɨ̀fàʼì 10:47

“Tɨ̀ wə̀d mɔʼɔ ton ni tɨ rɨ̀ naʼ a mɨnib əmbɨ ə bə̂d mbɔ̂ nɨ Əzwî ə Zeŋɨ ə fə nyɨ ɨgwɨ mɨ̀mə̌d ɨchî nɨ zɨə nyaʼa nyɨ ɨgwɨ na ə?”

Ɨ̀fàʼì 15:8

Əne Ŋwìə̀ we nɨ kyerɨ fîŋ rɨ bə̂d mɨjìm nyaʼa chwi ni tə fə chɔʼɔ mɨ̀mə̌d ɨchî nɨ wɨ̀ nyaʼa naʼ Əzwî ə Zeŋɨ əmbɨ mɨ̀mə̌d àmei ɨchî nɨ wɨ̀ nyaʼa bə̀ naʼ ɨ na.