Ɨ̀fàʼì 19:38 - Meta’

³⁸ Əne à mɨ yeʼ nɨ Dèmetriùs mbɨ mbi bə̂d ə̀fàʼì berɨ ɨsaʼi mbɨ wə̀d mɔʼɔ, nəb rɨ ɨsaʼi tɨ əŋgu, bə̂d nɨə saʼ mɨsaʼi mbɨ ə bə̀ əŋgu. Mbɨ wo putɨ mbə mɨ̀sàʼi əŋgu.

Ikan feg

³⁸ Dèmitrùs tì bəd mbe ne mbɔb mbe fɔrɔ fàʼà ni to ighi mə̀ bèrì isaʼi tì wə̀d mɔ̀ʼɔ, wì gho pùti a nəb isaʼi. Bəd ne sàʼa tisaʼi mbe awɔb angu ne biri saʼ.

Ɨ̀fàʼì 19:38 Referans Kwoze

Ɨ̀fàʼì 13:7

Ba-Yeso we yɨə nyaʼə sə̀ʼ gɔmnà we nɨ mbɨ nyaʼə tɔŋ ənɨ Sejiùs Paulùs. Gɔmnà we yɨə nɨ nyaʼə wə̀d ɨwe. Wɨ̀ nyaʼa tɔŋ ə Banabàs mbɨ Sɔ̂l ni mbɨ yeʼe əsɨ ni ɨmbə̀ʼ ɨghəm nɨ ɨ wɨ̀ nyaʼə kə̀bə̀ ni mbɨ gha ɨŋgam Ŋwiə̀ ɨ ni.

1 Kɔrèn 6:1

Ənɨ wə̀d mɔʼɔ rəbɔʼ nən berɨ ɨsaʼi mbɨ wə̀d Kristo cherə, wɨ̀ kɨə nɨŋ ɨsaʼi we wò əsɨ ə bə̂d mbe nɨ chəi mbɨə wumnɨ ə Ŋwiə̀ ɨmbə̀ʼ ə ye ə? Njɨ ɨmbə̀ʼ wɨ̀ kə̀ʼ nɨŋ wò yeʼ əsɨ bə̂d Ŋwiə̀ ə?

Ɨ̀fàʼì 18:14

Ənɨ Pɔ̂l nyaʼə nɨrə ghàmə̀, Galiò nyaʼa ghà əmbɨ mɨ̀Jû mbe ni, “Mɨ̀Jû, mbə̀ zwetɨ! À mɨ yeʼ ni mbə̀ kə̀ʼ zɨ ɨsaʼi ɨgwɨ ə mbaŋə̀ zɔ̂ ni wɨə gù ənû ə mɔʼɔ, kɨ̀ ni wɨə ghɨ ənû rɨbɔ̀ŋ ə kyeŋ ə mɔʼɔ, njɨ mə berɨ əton nɨ zwetɨ ənû ze nɨ mbə̀ə ghàə̀.

Ɨ̀fàʼì 13:8

Àyɨə wə̀d mɨ̀sà we, nɨ ɨkum məd nyaʼə Elimàs, (à yɨ ɨkum məd we ənɨ ɨŋgam Gris), nyaʼa ton i. Ɨ wɨə nyaʼə kə̀bə̀ ni tɨ gɔmnà we ben i ɨŋgam Ŋwiə̀.

Ɨ̀fàʼì 13:12

Ənɨ gɔmnà we nyaʼa zə ənû ze nɨ nyaʼa ghɨ̌, wɨ̀ nyaʼa ben ɨŋgam Ŋwiə̀, ɨmbə̀ʼ ɨghəm nɨ ɨnû mbe nɨ mbɨ nyaʼə chwi ɨmbə̀ʼ Ə̀nùŋɨ̀sɨg nyaʼa chè əməd.

Ɨ̀fàʼì 19:24

Mbaŋə̀ mɔʼɔ nɨ ɨkum nyaʼə Dèmetriùs, nɨ nyaʼə kywɨ ɨghɨ ənɨ ə sɨrɨvà, nyaʼa kywɨ rɨfeenɨ mbàn rɨ ŋwìə̀-əyi we nɨ mbɨ nyaʼə tɔŋ ənɨ Atemìs. Ɨ wɨə nyaʼə kywɨə fènə̀. Əne bə̂d ə̀fàʼì məd nyaʼa berɨ ɨkab nɔnɔʼ.

Ɨ̀fàʼì 19:39

Mbə mɨ wɨrɨ kəb ənû ə cherə, mbɨ bɨrɨ nweenɨ əze ənɨ mbɨ bɨrɨ yim ɨfetɨ.