Ɨ̀fàʼì 18:8 - Meta’

⁸ Krispùs bə̂, nɨ nyaʼa ətu ɨŋga nəb ə̀kàtɨ̀ ze mbɨ ə bə̂d mɨ̀jìm mbe nɨ nyaʼa ɨŋga nəb məd, nyaʼa ben Ə̀nùŋɨ̀sɨg. Bə̂d mɨ̀nɔnɔʼ ə Kɔrèn nyaʼa zu ənû ze nɨ Pɔ̂l nyaʼə ghàə̀, əne mbɨ nyaʼa bə̀ ben Ə̀nùŋɨ̀sɨg. Ənɨ mbɨ nyaʼa benɨ, mbɨ nyaʼa nɨŋ mɨnib.

Ikan feg

⁸ Krispòs ne ya yaʼi atog wə̀d inga ichamì Ŋwiye we fɔrɔ bəd məjìm mbe ne ya yaʼi ibo inga nəb ya bḛ Anɔŋisəg Yeso. Bəd nɔʼ nɔʼ a Kɔrèn ya zug anug ze ne Pɔl yaya ghà. Ane, mbi ya bḛ Anɔŋisəg Yeso bə̀ niŋ mənib.

Ɨ̀fàʼì 18:8 Referans Kwoze

Ɨ̀fàʼì 11:14

Məd bɨrɨ gha ɨkə̂n mɔʼɔ ɨ ne nɨ bɨrɨ ghɨ ni àwɔ̀ mbɨ ə bə̂d mɨjìm mbe nɨ yeʼ ɨŋga e nəb jwɨ rəŋgəʼ.'

Ɨ̀fàʼì 8:12

Àyɨə ənɨ mbɨ nyaʼa ben ənû ze nɨ Filip nyaʼə ghàə̀, nɨ nyaʼa ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀ bə̀ fɔrɨ ɨmbə̀ʼ ə Yeso Kristo, mbɨ nyaʼa nɨŋ mɨnib, mbaŋə̀ mbɨ məyi.

Ɨ̀fàʼì 18:17

Mɨ̀Jû mbe mɨjìm nyaʼa gywɨ̀ ə Sòstenès, nɨ nyaʼə ətu ɨŋga nəb ə̀kàtɨ̀ ze, som əməd ɨfě nəb ɨsaʼi ze. Àyɨə chəi Galiò nyaʼa nɨŋ əze ənɨ ənû ə mɔʼɔ.

Ɨ̀fàʼì 16:34

Wɨ̀ nyaʼa ghɨ̀ əne, nɨŋ mɨ̀mə̌d mbɨ wò ɨŋga i nəb pè nàʼ ɨghɨjɨg əmbɨ mɨ̀mə̌d. Məd mbɨ ə bə̂d mɨjìm mbe nɨ nyaʼa ɨŋga nəb nyaʼa kàŋ ghaʼ ni mbə fə ben ə Ŋwiə̀.

Ɨ̀fàʼì 13:15

Ənɨ bə̂d mbe rəŋgu nyaʼa fə foŋ ɨŋgam Ŋwiə̀ rɨŋga ə̀ŋwàʼnɨ̀ ə tɨkə rɨ Mose, bə̀ foŋ rɨŋga ə̀ŋwàʼnɨ̀ ə bə̂d ɨ̀kə̀n Ŋwiə̀, bə̂d mbe nɨ nyaʼə chà nəb ə̀kàtɨ̀ ze nyaʼa cha ɨkə̂n əmbɨ Pɔ̂l mbɨ Banabàs ni, “Bɔŋgɔb, mbə mɨ berɨ ɨŋgam mɔʼɔ nɨ timbɨ əwa, mbə̀ gha ɨ na.”

Ɨ̀fàʼì 10:2

Wɨ̀ nyaʼa nùŋ fîŋ ɨgun ə Ŋwiə̀. Ɨ wɨə nyaʼə bə̀ wumnɨ əməd mbɨ i ɨnəbɨ jìm. Ɨ wɨə nyaʼə nàʼ ɨghɨ əmbɨ ə bə̂d ɨkwaŋ əbu əbu. Ɨ wɨə nyaʼə bə̀ kɔŋgɨ ə Ŋwiə̀ ɨghəm jìm.

Mk 5:35

Ənɨ wɨ̀ nyaʼə kɨrɨ ghàmə̀, bə̂d mɔʼɔ rɨŋga nəb wə̀d kyeŋ we nɨ nyaʼə chà nəb ə̀kàtɨ̀ nyaʼa wò pè ghà ni, “E wan əyi we fə kwɨ i. À kɨə wɨrɨə chə əchwiə̀-ɨnû ɨmbə̀ʼ ə yè ə?”

Mk 5:22

Wə̀d kyeŋ mɔʼɔ rɨ əbɔʼ mbe nɨ nyaʼə chà nəb ə̀kàtɨ̀, nɨ ɨkum məd nyaʼa ə Jairùs, nyaʼa zə əməd wò gù ə si ɨban ɨwu məd,

Matìyò 28:19

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ.

Ɨ̀fàʼì 18:1

Ənɨ Pɔ̂l nyaʼa fə gham əmbɨ ɨfetɨ Àriopagùs we, wɨ̀ nyaʼa nɔ̀ʼ rɨ ə Atèns wò ə Kɔrèn.

Ɨ̀fàʼì 19:1

Ənɨ Àpolòs nyaʼə Kɔrèn, Pɔ̂l nyaʼa chè ətu ətu ɨŋga ɨsɨ mbe rɨŋga əbà əbeŋ ze wò ə Efesùs. Wɨ̀ nyaʼa pè zə bə̂d mɔʼɔ nɨ nyaʼa ben ə Kristo.

1 Kɔrèn 1:2

Tɨ̀ wɨə ŋwaʼnɨ əmbɨ ɨfetɨ bə̂d Ŋwiə̀ we rɨ ə Kɔrèn, əmbɨ ə bə̂d mbe nɨ Ŋwìə̀ ghɨ̌ mbɨ zeŋ ɨchî nɨ mbɨ yeʼ ənɨ ɨfɔtɨ mbɨ Kristo, nɨ Ŋwìə̀ nyaʼa bə̀ tɔŋə ni mbɨ yeʼ mbi bə̂d. Tɨ̀ wɨə bə̀ ŋwaʼnɨ əmbɨ ə bə̂d mɨ̀jìm mbe nɨə wumnɨ a Ə̀nùŋɨ̀sɨg Yeso Kristo ɨsɨ jìm. Məd yɨ Ə̀nùŋɨ̀sɨg mɨ̀mə̌d bə̀ fɔrɨ wa.

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

2 Kɔrèn 1:23

Mə wɨə tɔŋ ə Ŋwiə̀ ni wɨ̀ yeʼ zərɨmbin ɨ num ni əton nɨ chəi mə nyaʼa wɨrɨ yeʼe ə Kɔrèn yɨ ni, chəi mə̀ nyaʼa kəb chəkɨ tə fîŋ.

2 Kɔrèn 6:11

Mba mɨ̀sə̀ʼ ə Kɔrèn! Tɨ̀ fə ghàm ɨ nən əsaŋ əsaŋ. Tɨ̀ fə fìʼ ta fîŋ ɨ nən.

2 Timotì 4:20

Erastùs nyaʼa tèn əwi ə Kɔrèn. Mə nyaʼa bə̀ sàŋ ə Trofimùs ə Miletùs, ɨmbə̀ʼ ɨghəm nɨ ɨ wɨə nyaʼə wɔ̀nə̀.