Ɨ̀fàʼì 18:7 - Meta’

⁷ Ənɨ wɨ̀ nyaʼa ghà əne, wɨ̀ nyaʼa sàŋ mɨ̀mə̌d wo ɨŋga nəb mbaŋə̀ mɔʼɔ nɨ ɨkum məd nyaʼə Taitùs Justùs. Məd wɨə nyaʼə bə̀ wumnɨ ə Ŋwiə̀. Nəb məd zɨə nyaʼa ɨban nəb ə̀kàtɨ̀ mɨ̀Jû.

Ikan feg

⁷ Wì ya ghàm ane, sàŋì awɔb nɔ̀ʼ ghò yi inga nəb mbaŋà mɔ̀ʼɔ ne ikum məd ya Tìtiyòs Jostùs. Jostùs gho̰ yaya bə̀ ghùmnə Ŋwiye. Nəb məd ya yaʼ iban ichamì Ŋwiye mə̀Ju.

Ɨ̀fàʼì 18:7 Referans Kwoze

Ɨ̀fàʼì 16:14

Əyi mɔʼɔ rəbɔʼ mbe nɨ nyaʼa zu ɨnû mbe nɨ tɨ̀ nyaʼə ghàə̀ yɨə Lidià. Wɨ̀ yɨə nyaʼa rɨ ə Tìatirà. Ɨ wɨə nyaʼə fènə̀ ngywɨ̌ əka ɨnun. Ɨ wɨə nyaʼə bə̀ wumnɨ ə Ŋwiə̀. Ə̀nùŋɨ̀sɨg nyaʼa fiʼ fîŋ məd ni wɨ̀ zɨ ətu ənɨ ənû ze nɨ Pɔ̂l nyaʼə ghàə̀.

Kòlosè 4:11

Yeso we nɨ mbɨə tɔŋ ənɨ Jostùs wɨə bə chàʼrɨ̀ əwən. Mbɔ̂ mei mɨ̀Jû mbe nɨ yeʼ əbɔʼ bə̂d mbe nɨə fàʼə̀ mbɨ num ɨmbə̀ʼ ənû ɨfɔ̀n ə Ŋwiə̀. Mbɨ fə kàŋ kəŋgɨ əmɨ kwàʼ ɨchî chɔ̀m.

Ɨ̀fàʼì 17:4

Bə̂d mɔʼɔ rəbɔʼ mɨ̀Jû mbe nɨ nyaʼa zu ɨŋgam we nyaʼa benɨ, əne fɔtɨ əbɔʼ Pɔ̂l mbɨ Sailàs. MəGris mɨ̀nɔnɔʼ nɨ nyaʼə nùŋə̀ fîŋ ɨgun ə Ŋwiə̀ mbɨ məyi kyeŋ kyeŋ nɔnɔʼ nyaʼa bə̀ fɔtɨ əbɔʼ mɨ̀mə̌d.

Ɨ̀fàʼì 13:42

Ənɨ Pɔ̂l mbɨ Banabàs nyaʼə jwɨ̀ rɨŋga nəb ə̀kàtɨ̀ ze, bə̂d mbe nyaʼa buʼ ɨbɔ əmbɨ mɨ̀mə̌d ni mbɨ wɨrɨ bə̀ndɨ̀ yeʼe əni əkwɨ ze nɨ beenɨ, ɨmbə̀ʼ ghà ɨnû cherə ɨghabɨ mbɔ̂ əmbɨ mɨ̀mə̌d.

Ɨ̀fàʼì 10:22

Mbaŋə̀ te nyaʼa wììrɨ̀ ni, “Kɔneliùs, nɨ yeʼ ətu ɨgwɨ mɨ̀sɔgyɨ̀ ɨkɨ fibɨ̀, fə tom əwa əsɨ ne. Məd wɨə ghɨ̀ ɨnû nɨ kuʼnɨ. Məd wɨə wumnɨ ə Ŋwiə̀. Mɨ̀Jû mɨ̀jìm mbɨə ghà ɨnû chɔ̀m ɨmbə̀ʼ əməd. Aŋgɨrə̀ Zeŋɨ kəʼ ghà ɨ bɔ ni wɨ̀ tom bə̂d əsɨ ne ni à wo əkwɨ məd, ɨmbə̀ʼ wɨ̀ zu ənû ze nɨ à berɨ nɨ gha ɨ bɔ.”

Ɨ̀fàʼì 10:2

Wɨ̀ nyaʼa nùŋ fîŋ ɨgun ə Ŋwiə̀. Ɨ wɨə nyaʼə bə̀ wumnɨ əməd mbɨ i ɨnəbɨ jìm. Ɨ wɨə nyaʼə nàʼ ɨghɨ əmbɨ ə bə̂d ɨkwaŋ əbu əbu. Ɨ wɨə nyaʼə bə̀ kɔŋgɨ ə Ŋwiə̀ ɨghəm jìm.

Jn 9:31

Tɨ̀ kyerɨ ni chəi Ŋwìə̀ ə zwetɨ ɨnû mbe nɨ bə̂d nɨə ghɨ̀ ɨnû rɨbɔ̀ŋ ə ghàə̀, àyɨə məd wɨə zwetɨ rɨ əmbɨ ə bə̂d mbe nɨə wumnɨ əməd bə ghɨ̀ə̀ ɨnû mbe nɨ wɨ̀ kəbɨ.

Ɨ̀fàʼì 13:43

Ənɨ mbɨ nyaʼa jaŋ rɨŋga nəb ə̀kàtɨ̀ ze, mɨ̀Jû nɔnɔʼ mbɨ ə bə̂d cherə mbe nɨ nyaʼa beŋ tə fîŋ ben ənû ə Ŋwiə̀ mɨ̀Jû nyaʼa beenɨ əbɔʼ Pɔ̂l mbɨ Banabàs. Əne Pɔ̂l mbɨ Banabàs nyaʼa ghàm bə̀ tìmbɨ̀ mɨ̀mə̌d ni mbɨ wo ɨmbì nuŋ fîŋ ɨgun ə Ŋwiə̀ we nɨə ghɨ̀ ɨ̀chɔ̀m ənɨ mɨ̀mə̌d.

Ɨ̀fàʼì 13:50

Àyɨə mɨ̀Jû mbe nyaʼa no məyi kyeŋ kyeŋ mbe nɨ nyaʼa nuŋ fîŋ ɨgun ə Ŋwiə̀ bə̀ no bə̂d kyeŋ mbe rɨŋga əsɨ ze. Əne mbɨ nyaʼa kɔ nwendɨ tɨkyerɨ-ɨwu Pɔ̂l mbɨ Banabàs, əne fid mɨ̀mə̌d rɨŋga əbà əbeŋ ze.