Ɨ̀fàʼì 18:11 - Meta’

¹¹ Pɔ̂l nyaʼa zu əne, chub əŋgu əghəm əwu ə fibɨ̀ mbɨ əmɨg rɨ̀fuə. Wɨ̀ nyaʼa chub əne bə̀ sɨə ghà ɨŋgam Ŋwiə̀ əmbɨ ə bə̂d mbe rəŋgu.

Ikan feg

¹¹ Pɔl ya zug ane, chùghi angu fituʼ ifibì tì aməg tìfughə. Wì ya chughi ane, bə̀ se ghàmà Ìngam Ŋwiye abə bəd mbe angu.

Ɨ̀fàʼì 18:11 Referans Kwoze

Ɨ̀fàʼì 19:10

Ɨ wɨə nyaʼə tàŋ mbɨ mɨ̀mə̌d ɨghəm ɨwu be. Əne bə̂d mɨ̀jìm mbe nɨ nyaʼə chub ə Esià, əne yɨ mɨ̀Jû mbɨ mbe nɨ kaʼi mɨ̀Jû, nyaʼa zu ɨŋgam Ə̀nùŋɨ̀sɨg.

Ɨ̀fàʼì 14:3

Pɔ̂l mbɨ Banabàs nyaʼa chub ə Ikoniùm əgha ə se. Ɨ mbɨə nyaʼə ghà ɨŋgam Ŋwiə̀ əŋgu ɨmbə̀ʼ Ə̀nùŋɨ̀sɨg mbɨ ə fîŋ nɨ kǎ. Ə̀nùŋɨ̀sɨg nyaʼa chwi ni ɨŋgam we nɨ mbɨ nyaʼə ghà ɨmbə̀ʼ ɨ̀chɔ̀m məd yɨ ənû rəsìʼ ɨchî nɨ wɨ̀ nyaʼa ghɨ ni mbɨ ghɨ ɨnû yiirɨ bə̀ ghɨ̀ ɨnweenɨ-ɨnû.

Ɨ̀fàʼì 20:31

Əne mbə̀ we əwən kɔndɨə ni ənɨ ɨghəm ɨwu ɨtad, chəi mə nyaʼa waʼ nɨ patɨ wə̀d mɔʼ mɔʼ rəbɔʼ nən ɨzimɨ mbɨ əziə mbɨ mɨsɨ əghə.

Ɨ̀fàʼì 18:10

Mə wɨ mbɨ ne, əne chəi wə̀d mɔʼɔ nɨ tɨ̀ wɨ̀ kɔ əwe ənɨ ə ndàn, kɨ̀ nɨ tɨ̀ wɨ̀ ghɨ̀ əghəm ənɨ ə ne, ɨmbə̀ʼ ɨghəm mbɨ bə̂d ə nɔʼ ɨŋga əsɨ zɔ̂.”

Ɨ̀fàʼì 18:12

Ənɨ Galiò nyaʼə gɔmnà əbà əbeŋ ze rɨ ə Àkàiyà, mɨ̀Jû mɔʼɔ rɨ əsɨ ze nyaʼa fɔtɨ wò gywɨ̀ ə Pɔ̂l nɨŋ wò ə nəb ɨsaʼi.