Ɨ̀fàʼì 18:10 - Meta’

¹⁰ Mə wɨ mbɨ ne, əne chəi wə̀d mɔʼɔ nɨ tɨ̀ wɨ̀ kɔ əwe ənɨ ə ndàn, kɨ̀ nɨ tɨ̀ wɨ̀ ghɨ̀ əghəm ənɨ ə ne, ɨmbə̀ʼ ɨghəm mbɨ bə̂d ə nɔʼ ɨŋga əsɨ zɔ̂.”

Ikan feg

¹⁰ Mə biri yaʼ tì ine. Ane, chəyi wə̀d mɔ̀ʼɔ ne tì wì ghi isaʼi mɔ̀ʼɔ tì ine, kə̀ ne tì wì zì anə igun ine imbə̀ʼ icheg ne ìmbum bəd nɔʼ inga ikye aben gho̰.”

Ɨ̀fàʼì 18:10 Referans Kwoze

2 Kɔrèn 12:9

Àyɨə wɨ̀ nyaʼa wììrɨ̀ ɨ num ni, “Ɨ̀chɔ̀m we nɨ mɨə ghɨ̀ə̀ ə kuʼ ɨ ne, ɨmbə̀ʼ ɨghəm nɨ wə̀d bɨrɨ zə mɨ ɨka jìm ənɨ wɨ̀ fə bɔrɨ.” Əne mə bɨrɨ jeŋgɨ ghaʼ ɨmbə̀ʼ ɨchî nɨ mə bɔrɨ, ɨmbə̀ʼ ɨka Kristo we tɨ̀ wɨ chub ɨŋga num.

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Rm 8:31

Tɨ̀ kɨə wò gha ni ye ɨmbə̀ʼ ənû zɔ̂ ə? Ŋwìə̀ mɨ yeʼ i mbɨ na, à kɨə we nɨ tɨ̀ wɨ̀ baŋ əwa ə?

Jn 10:16

Mə berɨ njɨ̀g rɨ cherə nɨ chəi ɨŋga əkad ə njɨ̀g zɔ̂. Mə berɨ bɨ nɨŋ njɨ̀g te yeʼe mbɨ rɨwən. Tɨ bɨrɨ zu mɨ gɨ̂, əne njɨ̀g te rɨ̀jìm bɨrɨ fɔtɨ ɨŋga əkad ə mɔʼ. Əne ənə̂ŋgɨ̀-njɨ̀g mɔʼ bɨrɨ nəŋgɨ mɨ̀mə̌d.

2 Timotì 4:22

Ə̀nùŋɨ̀sɨg chubɨ mbɨ e əzwî. Ŋwìə̀ ghɨ ɨ̀chɔ̀m ənɨ mbə̀n mɨjìm.

Jn 11:52

Chəi wɨ̀ bɨrɨ kwɨ àmei ɨgwɨ ətu mɨ̀mə̌d, wɨ̀ berɨ bɨ kwɨ ɨmbə̀ʼ fɔtɨ bɔn Ŋwiə̀ mɨ̀jìm mbe nɨ jaŋ ɨŋga ɨsɨg.

Matìyò 10:30

Ka àbei nyôŋ te nɨ yeʼ ɨgun mbə ɨtu, Ŋwìə̀ fə taŋgɨ rɨjìm.

Ɨ̀fàʼì 15:18

Əzɔ̂ yɨ ənû nɨ Ə̀nùŋɨ̀sɨg we nɨ nyaʼa ghɨ ni mbɨ kyerɨ ɨnû mbɔ̂ nɔ̀ʼ tɨ rəŋwe, ghǎ.'

Lk 21:18

Àyɨə chəi nyôŋ ətu mɔʼ rɨ ɨgwɨ mbə ɨtu bɨrɨ nim.

2 Timotì 4:17

Mbɨ nyaʼa ghɨ̀ əne, àyɨə Ə̀nùŋɨ̀sɨg nyaʼa təm ɨban num, naʼ ɨka ɨ num ni mə gha ɨŋgam Ŋwiə̀ jìm, ɨmbə̀ʼ ə bə̂d mɨ̀jìm mbe nɨ kaʼi mɨ̀Jû zu. Ənɨ mə̀ nyaʼa gha əne, Ə̀nùŋɨ̀sɨg nyaʼa chɨ̀ əmɨ rɨ ɨchû ɨvɨ, ɨchî nɨ mbɨ nyaʼa nɨrə sobə ni mbɨ zwiirɨ əmɨ.

Matìyò 1:23

“Zə, əyi rɨkyerɨ mbaŋə̀ bɨrɨ bɔŋ ɨbum gywɨ wan mbaŋə̀, mbɨ chù əməd ni Imanuèl” əne yɨ ni, “Ŋwìə̀ wɨ mbɨ na.”

Ɨ̀fàʼì 15:14

Saimòn fə tòʼrɨ̀ ɨchî nɨ Ŋwìə̀ nyaʼa be chwi ni tə wɨə nəŋgɨə bə̂d mbe nɨ kaʼi mɨ̀Jû. Wɨ̀ nyaʼa ghɨ̀ əne ɨchî nɨ wɨ̀ nyaʼa chɔʼ bə̂d mɔʼɔ rəkaʼ mɨ̀mə̌d ənɨ mbi.

Ɨ̀fàʼì 18:9

À nyaʼa ɨzimɨ mɔʼɔ, Ə̀nùŋɨ̀sɨg nyaʼa ghà əmbɨ Pɔ̂l ɨŋga rɨ̀taanɨ njə̀m ni, “Tɨrə̀ bɔ e! Ndə̀ ɨmbì ghàm əmbɨ ə bə̂d! Tɨrə̀ tɔ kəm e rəziə!

Ɨ̀fàʼì 18:11

Pɔ̂l nyaʼa zu əne, chub əŋgu əghəm əwu ə fibɨ̀ mbɨ əmɨg rɨ̀fuə. Wɨ̀ nyaʼa chub əne bə̀ sɨə ghà ɨŋgam Ŋwiə̀ əmbɨ ə bə̂d mbe rəŋgu.