Ɨ̀fàʼì 18:1 - Meta’

¹ Ənɨ Pɔ̂l nyaʼa fə gham əmbɨ ɨfetɨ Àriopagùs we, wɨ̀ nyaʼa nɔ̀ʼ rɨ ə Atèns wò ə Kɔrèn.

Ikan feg

¹ Anyumə̀ ne Pɔl ya fə ghàmi tì ifeti Àrìyopagùs we, wì ya nɔ̀ʼ a Atèns ghò à Kɔrèn.

Ɨ̀fàʼì 18:1 Referans Kwoze

1 Kɔrèn 1:2

Tɨ̀ wɨə ŋwaʼnɨ əmbɨ ɨfetɨ bə̂d Ŋwiə̀ we rɨ ə Kɔrèn, əmbɨ ə bə̂d mbe nɨ Ŋwìə̀ ghɨ̌ mbɨ zeŋ ɨchî nɨ mbɨ yeʼ ənɨ ɨfɔtɨ mbɨ Kristo, nɨ Ŋwìə̀ nyaʼa bə̀ tɔŋə ni mbɨ yeʼ mbi bə̂d. Tɨ̀ wɨə bə̀ ŋwaʼnɨ əmbɨ ə bə̂d mɨ̀jìm mbe nɨə wumnɨ a Ə̀nùŋɨ̀sɨg Yeso Kristo ɨsɨ jìm. Məd yɨ Ə̀nùŋɨ̀sɨg mɨ̀mə̌d bə̀ fɔrɨ wa.

2 Timotì 4:20

Erastùs nyaʼa tèn əwi ə Kɔrèn. Mə nyaʼa bə̀ sàŋ ə Trofimùs ə Miletùs, ɨmbə̀ʼ ɨghəm nɨ ɨ wɨə nyaʼə wɔ̀nə̀.

Ɨ̀fàʼì 19:1

Ənɨ Àpolòs nyaʼə Kɔrèn, Pɔ̂l nyaʼa chè ətu ətu ɨŋga ɨsɨ mbe rɨŋga əbà əbeŋ ze wò ə Efesùs. Wɨ̀ nyaʼa pè zə bə̂d mɔʼɔ nɨ nyaʼa ben ə Kristo.

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

2 Kɔrèn 1:23

Mə wɨə tɔŋ ə Ŋwiə̀ ni wɨ̀ yeʼ zərɨmbin ɨ num ni əton nɨ chəi mə nyaʼa wɨrɨ yeʼe ə Kɔrèn yɨ ni, chəi mə̀ nyaʼa kəb chəkɨ tə fîŋ.

Ɨ̀fàʼì 17:15

Mbaŋə̀ te nɨ nyaʼa wo nɨŋ ə Pɔ̂l nyaʼa wò mbɨ məd əne əne wò pè ə Atèns. Ənɨ mbɨ nyaʼə wɨrɨə bə̀ndɨ̀ə̀, Pɔ̂l nyaʼa tom mɨ̀mə̌d əsɨ Sailàs mbɨ Timotì ni mbɨ zambɨ yeʼe kumnɨ əwi.

Ɨ̀fàʼì 17:16

Ənɨ Pɔ̂l nyaʼə wòm ə Sailàs mbɨ Timotì ə Atèns, fîŋ məd nyaʼa tɔb əməd ɨmbə̀ʼ ɨchî nɨ wɨ̀ nyaʼa zə ni mbɨ̀anèŋ nyaʼa swi ɨŋga əsɨ ze.

Ɨ̀fàʼì 18:8

Krispùs bə̂, nɨ nyaʼa ətu ɨŋga nəb ə̀kàtɨ̀ ze mbɨ ə bə̂d mɨ̀jìm mbe nɨ nyaʼa ɨŋga nəb məd, nyaʼa ben Ə̀nùŋɨ̀sɨg. Bə̂d mɨ̀nɔnɔʼ ə Kɔrèn nyaʼa zu ənû ze nɨ Pɔ̂l nyaʼə ghàə̀, əne mbɨ nyaʼa bə̀ ben Ə̀nùŋɨ̀sɨg. Ənɨ mbɨ nyaʼa benɨ, mbɨ nyaʼa nɨŋ mɨnib.

2 Kɔrèn 6:11

Mba mɨ̀sə̀ʼ ə Kɔrèn! Tɨ̀ fə ghàm ɨ nən əsaŋ əsaŋ. Tɨ̀ fə fìʼ ta fîŋ ɨ nən.