Ɨ̀fàʼì 17:3 - Meta’

³ Ɨ wɨə nyaʼə bə̀ tòʼrɨ̀ ɨŋgam Ŋwiə̀ bə̀ chwi rɨŋga Ə̀ŋwàʼnɨ̀ ə Ŋwiə̀ ni Wə̀d we nɨ Ŋwiə̀ zɔʼɔ nyaʼa berɨ zə ŋgəʼ, kwɨ bə̀ wɨrɨ zwemə. Ɨ wɨə nyaʼə ghàə̀ ni, “Yeso wɔ̂ nɨ mɨ̀ə̀ ghà ɨmbə̀ʼ əməd ɨ nən yɨə Wə̀d we nɨ Ŋwìə̀ zɔʼɔ.”

Ikan feg

³ Wì ya tòʼrì Ìngam Ŋwiye inɔb chwi icheg ne Wə̀d we ne Ŋwiye zɔ̀ʼi biri zə̰ ngəʼ, ku, Ŋwiye zwèmni aməd ane iwu. Pɔl ya chè imbìghè ni ghà inɔb gha, “Yeso gho̰ ne mə ghàmà inən imbə̀ʼ aməd anìŋ ya Wə̀d we ne Ŋwiye zɔ̀ʼi.”

Ɨ̀fàʼì 17:3 Referans Kwoze

Ɨ̀fàʼì 18:28

Wɨ̀ nyaʼa ton ɨnû mbe nɨ mɨ̀Jû nyaʼə ghà ɨfě bə̂d, əne baŋ mɨ̀mə̌d ɨchî nɨ wɨ̀ nyaʼə chwi rɨŋga Ə̀ŋwàʼnɨ̀ ə Ŋwiə̀ ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 9:22

Àyɨə Sɔ̂l wɨə nyaʼə ghà ɨŋgam Ŋwiə̀ ənɨ ɨka. Wɨ̀ nyaʼa bə̀ kubrɨ mɨchû mɨ̀Jû mbe nɨ nyaʼə chub ə Dàmaskɔ̀s ɨchî nɨ wɨ̀ nyaʼa chwi ni Yeso yɨə Wə̀d we nɨ Ŋwiə̀ zɔʼɔ.

Lk 24:32

Mbɨ nyaʼa ghà mbənə mbənə ni, “Ɨmbə̀ʼ ənum ə nyaʼə san əwa ənɨ wɨ̀ nyaʼə ghàm ɨ na ɨnə̂njɨ̀, bə̀ fɔrɨ ənɨ wɨ̀ nyaʼə toʼrɨ Ə̀ŋwàʼnɨ̀ ə Ŋwiə̀ ɨ na ə?”

Ɨ̀fàʼì 3:18

Àyɨə ənû ze nɨ Ŋwìə̀ nyaʼa che ənjìm mbi bə̂d ɨ̀kə̀n mɨjìm ghà rəŋwe ni Wə̀d məd we nɨ wɨ̀ zɔʼɔ berɨ zə ŋgəʼ, wɨ̀ fə ghɨ̀ zɨə jwɨ̀ ənɨ rəsìʼ.

Lk 24:46

Wɨ̀ nyaʼa ghà əmbɨ mɨ̀mə̌d ni, “Ə zɨ ɨŋga Ə̀ŋwàʼnɨ̀ ə Ŋwiə̀ ni, Wə̀d we nɨ Ŋwìə̀ zɔʼɔ berɨ zə ŋgəʼ, àyɨə ənɨ ɨni nɨə pe tad, wɨ̀ wɨrɨ zwemə,

Gàlesìyà 3:1

Wəi, mbə̀n məGàlesià yɨ ɨneŋ! À kɨə we nùʼ əwən ə? Ɨmbə̀ʼ mbɨ nyaʼa fə kàŋ chwi ɨ nən zɨə zeŋ ni mbɨ nyaʼa kòmbɨ̀ ə Yeso Kristo əzed ə baʼnɨ ə?

Ɨ̀fàʼì 1:4

Ənɨ wɨ̀ nyaʼa kɨrɨ i mbɨ mɨ̀mə̌d, wɨ̀ nyaʼa patɨ mɨ̀mə̌d ni, “Tɨ mbə̀ nɔʼ ə rɨ ə Jèrusalèm, àyɨə mbə̀ chubɨ wòm ɨneʼe we nɨ mə̀ nyaʼa gha ɨ nən, əne yɨ ɨneʼe we nɨ mɨ Mbǎʼ nyaʼa kaʼ ni tə bɨrɨ naʼ ɨ nən.

Jn 20:9

Chəi ɨtu mɨ̀mə̌d nyaʼa kɨrɨ zeŋ ɨmbə̀ʼ ɨŋgam Ŋwiə̀ we nɨ gha ni wɨ̀ berɨ zwemə.

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Ɨ̀fàʼì 18:5

Ənɨ Sailàs mbɨ Timotì nyaʼa yeʼe rɨ ə Màsèdonià, Pɔ̂l nyaʼa zɨ̀ ətu àmei nɨ gha ɨŋgam Ŋwiə̀ bə̀ fɔrɨ nɨ toʼrɨ əmbɨ mɨ̀Jû ni Yeso yɨə Wə̀d we nɨ Ŋwìə̀ zɔʼɔ.