Biblia Todo Logo
Bib sou entènèt

- Piblisite -




Ɨ̀fàʼì 16:31 - Meta’

31 Mbɨ nyaʼa wììrɨ̀ ni, “Nuŋ e fîŋ ɨgun ə Ə̀nùŋɨ̀sɨg Yeso, əne à bɨrɨ jwɨ rəŋgəʼ, əne yɨ àwɔ̀ mbɨ ə bə̂d mɨjìm mbe nɨ yeʼ ɨŋga e nəb.”

Gade chapit la Kopi

Ikan feg

31 Mbi ya ywìtì ibo gha, “Nɔ̀ŋɔ fìŋ igun Anɔŋisəg Yeso, àghò biri pum, àghò tì bəd məjìm mbe ne yaʼi ine inga nəb.”

Gade chapit la Kopi




Ɨ̀fàʼì 16:31
31 Referans Kwoze  

Àyɨə mbɨ mɔʼɔ nyaʼa nɨŋ əməd bə̀ ben ɨnû mbe nɨ wɨ̀ nyaʼə ghàə̀, əne wɨ̀ nyaʼa nàʼ ɨka əmbɨ mɨ̀mə̌d mɨjìm ni mbɨ yeʼ bɔn Ŋwiə̀.


Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”


We nɨ benɨ, nɨŋ mɨnib, bɨrɨ jwɨ̀ rəŋgəʼ. Àyɨə Ŋwìə̀ bɨrɨ zɨ ɨsaʼi ɨgwɨ we nɨ chəi wɨ̀ benɨ.


Mbə̀n mɨjìm yɨə bɔn Ŋwiə̀ ənjìm ɨchî nɨ mbə̀ nuŋ fîŋ ɨgun ə Kristo Yeso.


Krispùs bə̂, nɨ nyaʼa ətu ɨŋga nəb ə̀kàtɨ̀ ze mbɨ ə bə̂d mɨ̀jìm mbe nɨ nyaʼa ɨŋga nəb məd, nyaʼa ben Ə̀nùŋɨ̀sɨg. Bə̂d mɨ̀nɔnɔʼ ə Kɔrèn nyaʼa zu ənû ze nɨ Pɔ̂l nyaʼə ghàə̀, əne mbɨ nyaʼa bə̀ ben Ə̀nùŋɨ̀sɨg. Ənɨ mbɨ nyaʼa benɨ, mbɨ nyaʼa nɨŋ mɨnib.


Àyɨə ə zɨ ɨŋga Ə̀ŋwàʼnɨ̀ ə Ŋwiə̀ ni ɨsɨg jìm wɨ əton ɨnû rɨbɔ̀ŋ. Əne ɨnû mbe nɨ Ŋwìə̀ nyaʼa kaʼi ənjìm ɨchî nɨ bə̂d nuŋ fîŋ ɨgun ə Yeso Kristo, ɨ we tɨ̀ wɨ̀ nàʼ əmbɨ ə bə̂d mbe nɨ benɨ.


Àyɨə tɨ̀ benɨ ni tɨ̀ bɨrɨ jwɨ rəŋgəʼ ənjìm ɨ̀chɔ̀m Ə̀nùŋɨ̀sɨg Yeso, àmei ɨchî nɨ mɨ̀mə̌d bɨrɨ bɨ jwɨ̀.”


Chəi wə̀d cherə nɨ tɨ̀ wɨ̀ chɨ̀ bə̂d rəŋgəʼ, ɨmbə̀ʼ ɨghəm nɨ chəi wə̀d cherə ɨgwɨ ə si nɨ Ŋwìə̀ nyaʼa nuŋ ni wɨ̀ chɨ bə̂d rəŋgəʼ.”


Mbɨ nyaʼa ghà əne, ghà ɨŋgam Ə̀nùŋɨ̀sɨg ɨ bɔ fɔrɨ əmbɨ ə bə̂d mɨjìm mbe nɨ nyaʼa ɨŋga nəb məd.


Mə ghà rəsìʼ ɨ nən ni, wə̀d we nɨ ben ənû ze nɨ mə̀ gha bɨrɨ jɨg ɨ̀tènɨ̀ rɨ mì.


Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”


Kristo Yeso nyaʼa ghɨ̀ əne ɨmbə̀ʼ əbɔrəbɔd ze nɨ Ŋwìə̀ nyaʼa kaʼi əmbɨ Abràham ə nyɨ ɨgun ə bə̂d mbe nɨ kaʼi mɨ̀Jû. Ɨchî nɨ zɨə yeʼ əne, Əzwî ə Zeŋɨ ze nɨ Ŋwìə̀ nyaʼa kaʼi ə bɨrɨ nyɨ ɨgwɨ na ənjìm ɨchî nɨ tɨ̀ nuŋ fîŋ ɨgwɨ məd.


Ənɨ mbɨ nyaʼa naʼ mɨnib ɨ bɔ fɔrɨ əmbɨ ɨnəbɨ məd jìm, wɨ̀ nyaʼa buʼ ɨbɔ ɨ na ghà ni, “Mbə mɨ zə ni mə fə nùŋ mɨ fîŋ ɨgun Ə̀nùŋɨ̀sɨg, mbə̀ yeʼe chub ɨŋga mɨ nəb.” Wɨ̀ nyaʼa ghà əne, fi mba ɨtu, tɨ̀ wò chubɨ mbɨ məd.


Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.


Mbɨ mɨ yeʼə nàʼə̀ ŋgə̀ŋ rɨtu ənɨ əghɨ ə̀fà əmbɨ ə Ŋwiə̀, njɨ ŋgə̀ŋ ze jìm yɨ zɨ məd. Mbɨ mɨ yeʼə nàʼ əghaŋ əzed ənɨ əghɨ ə̀fà əmbɨ ə Ŋwiə̀, njɨ rɨtəb rɨjìm yɨə bə̀ rɨ məd.


Ənɨ mbɨ nyaʼə yènə̀ wò ɨgwɨ ɨnə̂njɨ̀ we, mbɨ nyaʼa pè əsɨ nɨ ətuŋ ə nyaʼa əŋgu, əne wə̀d kyeŋ we nyaʼa ghà ni, “Zə, à yɨ mɨnib mbɔ̂! À kɨə ye nɨ tɨ̀ zɨə kən ni tɨ mə̀ nɨŋ əmɨ mɨnib ə?” [


Swiv nou:

Piblisite


Piblisite