Ɨ̀fàʼì 16:17 - Meta’

¹⁷ Ɨ wɨə nyaʼə beenɨ əbɔʼ Pɔ̂l mbɨ na, yènə̀ kyeŋə ghàə̀ ni, “Bə̂d mbɔ̂ yɨə bə̂d ə̀fàʼì Ŋwiə̀ Ə̀chè-ɨsɨg. Mɨ̀mə̌d mbɨə ghà ɨnû ɨmbə̀ʼ ɨnə̂njɨ̀ we nɨ tɨ̀ bə̂d chè əŋgu jwɨ̀ rəŋgəʼ.”

Ikan feg

¹⁷ Wì yaya bène abɔ̀ʼ Pɔl tì ina nè kyḛ ghà gha, “Bəd mbo̰ ya bəd ne fàʼà abə Ŋwiyekɔʼ. Mbɔb ya ghà inug imbə̀ʼ inɔnjì we ne tì bəd chè angu pum.”

Ɨ̀fàʼì 16:17 Referans Kwoze

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

1 Pità 2:16

Mbə̀ chub ɨghabɨ ə bə̂d mbe nɨ yeʼ ənɨ ə ɨghəm, àyɨə tɨ mbə nɨŋ əwən ɨchî nɨ mbə̀ə chub ənɨ ə ɨghəm ɨmbə̀ʼ ghɨ ɨnû rɨbɔ̀ŋ. Mbə̀ chub ɨchî nɨ bə̂d ə̀fàʼì Ŋwiə̀ berɨ chubɨ.

Mk 5:7

kyeŋ ənɨ ə gɨ̂ nɨ kǎ ghà ni, “Yeso, Wan Ŋwìə̀ Ə̀chè-ɨsɨg, à berɨ ənû ə ye nɨ ghɨ̀ mbɨ num ə? Mə buʼ ɨbɔ ɨ ne ənɨ ɨkum Ŋwiə̀ ni tɨrə̀ chə e əmɨ!”

Lk 4:41

Ɨzwî rɨbɔ̀ŋ nyaʼa bə̀ jwɨ̀ rɨŋga bə̂d mɨ̀nɔnɔʼ. Mbɨ nyaʼə kyeŋə ghàə̀ ni, “Àwɔ̀ yɨə Wan Ŋwìə̀!” Àyɨə wɨ̀ nyaʼa ghàm əbɔʼ mɨ̀mə̌d. Chəi wɨ̀ nyaʼa ben ni mbɨ ghàmə̀, ɨmbə̀ʼ ɨghəm nɨ mbɨ nyaʼa kyerɨ ni məd yɨə Wə̀d we nɨ Ŋwiə̀ zɔʼɔ.

Lk 4:34

“Aa! Yeso rɨ ə Nazàret! À berɨ ənû ə ye nɨ ghɨ̀ mbɨ na ə? À wa fə yeʼe ɨmbə̀ʼ nimnɨ əwa ə? Mə kyerɨ wə̀d we nɨ àwɔ̀ yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Lk 1:79

ɨmbə̀ʼ nàʼ ɨzeŋɨ zeŋɨ əmbɨ ə bə̂d mbe nɨ yeʼ ɨŋga ɨsɨ firɨ fɔrɨ əmbɨ mbe nɨə bɔ ɨvɨ, bə̀ nəŋgɨ əwa ɨmbə̀ʼ tɨ̀ chub ənɨ əbɔrəbɔd.”

Ɨ̀fàʼì 19:13

Mɨ̀Jû mɔʼɔ mbe nɨ nyaʼa yènə̀ chɨ̀ ɨzwî rɨbɔ̀ŋ nyaʼa bə̀ kə̀b nɨ tɔŋ ɨkum Ə̀nùŋɨ̀sɨg Yeso ɨgwɨ ə bə̂d mbe nɨ ɨzwî rɨbɔ̀ŋ nyaʼa ɨŋga mɨ̀mə̌d. Ɨ mbɨə nyaʼə ghà əmbɨ ɨzwî rɨbɔ̀ŋ mbe ni, “Mə ghà ɨ nən ənɨ ɨkum Yeso we nɨ Pɔ̂l ə ghà ɨŋgam Ŋwiə̀ ɨmbə̀ʼ əməd ni mbə̀ jwɨ ə.”

Ɨ̀fàʼì 18:26

Wɨ̀ nyaʼa kɔ gha ɨŋgam Ŋwiə̀ ɨŋga nəb ə̀kàtɨ̀ ənɨ ə fîŋ nɨ kǎ. Àyɨə ənɨ Prìsilà mbɨ Àkwilà nyaʼa zu ənɨ wɨ̀ nyaʼə ghàə̀, mbɨ nyaʼa nɨŋ əməd wò jeŋgɨ toʼrɨ Ɨnə̂njɨ̀ we nɨ Ŋwiə̀ nyaʼə chwiə.

Lk 20:21

Mɨ̀-ànàŋgɔŋ mbe nyaʼa pè biirɨ ɨ bɔ ni, “Əchwiə̀-ɨnû, tɨ̀ ə kyerɨ ni à wɨə ghà ɨnû bə̀ chwi ɨnû ɨchî nɨ kuʼnɨ. Chəi àwɔ̀ ə ghɨ̀ ɨghə, àyɨə à wɨə chwi rəsìʼ ɨmbə̀ʼ ɨchî nɨ Ŋwìə̀ kəbɨ ni bə̂d chubɨ.

Lk 1:77

ɨmbə̀ʼ bɨ ghà əmbɨ ə bə̂d ni Ŋwìə̀ bɨrɨ chɨ mbi bə̂d rəŋgəʼ ɨchî nɨ wɨ̀ bɨrɨ waʼ ɨnû rɨbɔ̀ŋ mɨ̀mə̌d.

Mk 12:14

Mbɨ nyaʼa wò pè ghà ɨ bɔ ni, “Əchwiə̀-ɨnû, tɨ̀ kyerɨ ni à wɨə ghà rəsìʼ, fɔrɨ ni chəi àwɔ̀ ə bɔə bə̂d, ɨmbə̀ʼ ɨghəm nɨ chəi àwɔ̀ ə ghɨ̀ ɨghə. Àyɨə à wɨə chwiə rəsìʼ ɨmbə̀ʼ ɨchî nɨ Ŋwìə̀ kəb ni bə̂d chubɨ. Tɨkə ə wa chwiə ni tɨ̀ maʼ mɨ̀tagsɨ̀ əmbɨ Kaisà, kɨ̀ chə ə?

Mk 1:24

Wɨ̀ nyaʼa kɔ kyeŋ rɨ̀kǎ ghàə̀ ni, “Yeso rɨ ə Nazàret! À berɨ ənû ə ye nɨ ghɨ̀ mbɨ nà ə? À wa yeʼe ɨmbə̀ʼ nimnɨ əwa ə? Mə kyerɨ wə̀d we nɨ à yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Matìyò 22:16

Əne mbɨ nyaʼa tom mbə mə̀mə̀ə̀nɨ̀-ɨnû mbɨ ə bə̂d mbe nɨ nyaʼə tìmbɨ̀ ə Herɔ̀d əsɨ məd ni mbɨ wo ghà ɨ bɔ ni, “Əchwiə̀-ɨnû, tɨ̀ kyerɨ ni à wɨə ghà rəsìʼ, fɔrɨ ni à wɨə chwi ɨnû rəsìʼ ɨmbə̀ʼ ɨchî nɨ Ŋwìə̀ kəbɨ ni bə̂d chubɨ. Chəi àwɔ̀ ə bɔə bə̂d ɨmbə̀ʼ ɨghəm nɨ chəi àwɔ̀ ə ghɨ̀ ɨghə.

Matìyò 8:29

Ənɨ ɨzwî rɨbɔ̀ŋ mbe nyaʼa zə ə Yeso, mbɨ nyaʼə kyeŋə ghàə̀ ni, “Àwɔ̀ Wan Ŋwìə̀, à berɨ ənû ə ye nɨ ghɨ̀ mbɨ na ə? À wa yeʼe əgha ɨ chə əwa bɔŋ nyùmə̀ sɨə kùʼ ə?”

Lk 8:28

Ənɨ wɨ̀ nyaʼa zə ə Yeso, wɨ̀ nyaʼa kyeŋ kwàʼ rɨ̀kǎ, gù ɨfě ɨ bɔ, kyeŋ ənɨ ə gɨ̂ kǎ kǎ ghà ni, “Yeso, Wan Ŋwìə̀ Ə̀chè-ɨsɨg! À berɨ ənû ə ye nɨ ghɨ̀ mbɨ num ə? Mə buʼ ɨbɔ ɨ ne ni tɨrə̀ chə e əmɨ!”

2 Pità 2:2

Bə̂d mɨ̀nɔnɔʼ bɨrɨ kɨrɨ beenɨ əbɔʼ ɨnyamnɨ-ɨnû məchwiə̀-ɨnû mɨ̀ghab mbe. À yɨ ɨmbə̀ʼ ɨnû mbe nɨ mbɨə ghɨ̀ə̀ nɨ bə̂d bɨrɨ gha ɨnû rɨbɔ̀ŋ ɨmbə̀ʼ ɨchî rəsìʼ we nɨ bə̂d berɨ chubɨ.