Ɨ̀fàʼì 15:39 - Meta’

³⁹ Ənû ze ə nyaʼa ghɨ̀ mbɨ tàŋ kwàʼ rɨŋgəʼ. Əze ə nyaʼa ghɨ̀ mbɨ ghàbrə̀. Banabàs nyaʼa nɨŋ ə Mak mbɨ ni mbɨ nyɨ əbaŋ ɨgyɨ̀ wò ə Saiprùs.

Ikan feg

³⁹ Pɔl ya tàŋ anug azo̰ tì Bànabàs anene ze ghì mbi ghàpà. Bànabàs ya niŋ Jɔn Mag mbi nyi abaŋ igyi bàni igyi ghò a Sayiprùs.

Ɨ̀fàʼì 15:39 Referans Kwoze

Kòlosè 4:10

Àristakùs, nɨ mə yeʼ ə nəb ndəŋ mbɨ məd wɨə chàʼrɨ̀ əwən. Mak we nɨ məd mbɨ Banabàs yeʼ bɔn tɨ ənɨ əghaŋ ə wə̀d mɔʼ wɨə bə̀ chàʼrɨ̀ əwən. (Mbɨ fə gha ɨ nən ɨmbə̀ʼ əməd. Wɨ̀ mɨ yeʼe əsɨ nən mbə̀ nɨŋ əməd ɨchî chɔ̀m.)

Jems 3:2

Mba mɨjìm mbɨə fàn ɨnû ənɨ mɨnə̂njɨ̀ nɔnɔʼ. Wə̀d mɔʼɔ mɨ yeʼ əŋgu nɨ chəi wɨə fàn ənɨ ɨnû mbe nɨ wɨə ghàə̀, njɨ məd ə bɔŋ màànɨ̀, bə̀ kyerɨ ɨchî nɨ yimbɨ i ɨnyod jìm.

Ɨ̀fàʼì 4:36

Zɨə nyaʼa chè ni Jòsêf, nɨ bə̂d tom nyaʼa chu əməd ənɨ ə Banabàs (əton ənɨ ɨkum we yɨ ni, Wan mbaŋə̀ nɨə tìmbɨ̀ ə bə̂d), nɨ nyaʼa rɨŋga ɨnəbɨ Levì, mbɨ gywɨ əməd ə Saiprùs,

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 6:1

À nyaʼa ɨŋga ɨni mbe, ənɨ ɨnun bə̂d mbe nɨ nyaʼa ben ə Kristo nyaʼə sɨə nɔʼrɨə wò ɨmbì, mɨ̀Jû mbe nɨ nyaʼə ghàm ə Grik mbɨə nyaʼə ghàmbɨ̀ mbe nɨ nyaʼə ghàm ə Hibrù, ɨmbə̀ʼ ɨghəm nɨ ɨ mbɨə nyaʼə mèʼnɨ̀ mɨku əyi mɨ̀mə̌d ɨni jìm ənɨ mbɨ nyaʼə ghàpɨ̀ ɨghɨjɨg.

Ɨ̀fàʼì 27:4

Tɨ̀ nyaʼa nɔ̀ʼ rɨ əwɔ kɔ wo, àyɨə ɨchî nɨ ɨfə nyaʼə tin əwa rɨ əbà rɨ ɨfě, tɨ̀ nyaʼa bèŋ wò chè əbà ə Saiprùs ze nɨ si nyaʼa kən ni tɨ əfim che i əŋgu.

Ɨ̀fàʼì 15:2

Pɔ̂l mbɨ Banabàs nyaʼa berɨ tàŋ kǎ kǎ mbɨ ə bə̂d mbe ɨmbə̀ʼ ənû ze. Əne mbɨ nyaʼa chɔʼ ə Pɔ̂l mbɨ Banabàs mbɨ ə bə̂d Kristo cherə, tom mɨ̀mə̌d ni mbɨ kɔʼ wò ə Jèrusalèm wò nweenɨ ənû ze mbɨ ə bə̂d tom fɔrɨ mbɨ ə bə̂d mbe nɨ nyaʼə chà ɨfetɨ bə̂d Kristo.

Ɨ̀fàʼì 12:12

Ənɨ wɨ̀ nyaʼa kyerɨ əne, wɨ̀ nyaʼa wò əkwɨ Mèri, ɨŋgɔb Jɔ̌n, nɨ ɨkum məd cherə nyaʼə Mak. Bə̂d mɨ̀nɔnɔʼ nyaʼa fə fetɨ əŋgu. Əne ɨ mbɨə nyaʼə kɔ̀ŋgɨ̀ ə Ŋwiə̀.

Ɨ̀fàʼì 15:37

Banabàs nyaʼa kə̀b ni njɨ mbə̀ nɨŋ ə Jɔ̌n Mak wò mbɨ məd.

1 Pità 5:13

Mbə bɔŋgɔb mbe rɨŋga ɨfetɨ bə̂d Kristo we rɨ ə Babilɔ̀n cha ə̀chàʼrɨ̀ ɨ nən. À yɨə Ŋwiə̀ nyaʼa bə chɔʼ mɨ̀mə̌d. Mɨ wan, Mak, ə bə̀ chàʼrɨ̀ əwən.