Ɨ̀fàʼì 15:28 - Meta’

²⁸ Zɨə bɔ̀ŋ əmbɨ Əzwî ə Zeŋɨ bə̀ bɔ̀ŋ ɨ na ni tɨ rɨ̀ nyeŋ a ɨnû cherə ɨgwɨ nən chè rɨ ənɨ mbɔ̂ nɨ mbə berɨ nɨ ghɨ̀.

Ikan feg

²⁸ Azwighi Ŋwiye fə ghì tì taŋ kyèri gha, ze bɔ̀ŋ gha imbə̀ʼ tì ziye awa inug ndəŋ igun inən chèyi ane mbo̰ ne mbə̀ beri ni fàʼ.

Ɨ̀fàʼì 15:28 Referans Kwoze

Jn 16:13

Ənɨ Əzwî ze nɨə ghɨ̀ ni bə̂d kyerɨ rəsìʼ ə yeʼe, wɨ̀ bɨrɨ chwi rəsìʼ jìm ɨ nən. Ka wɨ̀ bɨrɨ gham i ənɨ i ɨghəm. Wɨ̀ bɨrɨ ghà yeʼ ənû ze nɨ wɨ̀ zǔ. Wɨ̀ bɨrɨ zeŋnɨ mbə ɨtu ɨmbə̀ʼ ɨnû mbe nɨ yeʼ ɨmbì.

Matìyò 11:30

ɨmbə̀ʼ ɨghəm nɨ ɨnû mbe nɨ mbə̀ berɨ nɨ ghɨ̀ rɨka se i, ɨkom we nɨ mə bɨrɨ bɨ naʼ ɨ nən ə bə̀ zàm.”

Ɨnû 2:24

Àyɨə əmbɨ ə mbə̀n mbe nɨ buʼ ə Tìatirà, nɨ chəi mbɨə beenɨ əbɔʼ ɨnû mbɔ̂, nɨ chəi mbə̀ kɨrɨ kwembɨ ɨnû mbe nɨ yeʼ ənə̀mə ɨmbə̀ʼ ə Satàn, mə ghà ɨ nən ni chəi mə bɨrɨ zɨ ɨkom cherə ɨgwɨ nən.

1 Pità 1:12

Ŋwìə̀ nyaʼa chwi əmbɨ mɨ̀mə̌d ni chəi mbɨ nyaʼə faʼə yeʼ ɨmbə̀ʼ ə ɨghəm. Ɨ mbɨə nyaʼə faʼə yeʼ ɨmbə̀ʼ weerɨ əwən. Ɨ mbɨə nyaʼə ghà ɨnû mbe nɨ mbə̀ nyaʼa fə zu rɨ əmbɨ ə bə̂d mbe nɨ nyaʼa chè ənjìm Əzwî ə Zeŋɨ ze nɨ Ŋwìə̀ cha rɨkaŋ gha ɨkə̂n chɔ̀m. Mbɨ̀aŋgɨrə̀ mbɨə nyaʼə bə̀ kə̀b kyerɨ ənû rəŋgu.

1 Kɔrèn 14:37

Wə̀d mɔʼɔ mɨ kɔndɨ ni tə yɨə wə̀d ɨ̀kə̀n, kɨ̀ ni mɨneʼe mbe nɨ Əzwî ə Zeŋɨ ə nàʼ ɨ mbɨ ɨŋga məd, wɨ̀ kyerɨ ni ənû zɔ̂ nɨ mɨə ŋwàʼnɨ̀ ɨ nən yɨ ɨkə Ə̀nùŋɨ̀sɨg.

1 Kɔrèn 7:40

Ənɨ mɨ ɨkɔndɨ, mə kyerɨ ni wɨ̀ bɨrɨ ghaʼ chè əbɔ əwù ze nɨ chəi wɨ̀ wɨrɨ nam. Mə kɔndɨ ni Əzwî ə Ŋwiə̀ ə zɨ ɨŋga num, əne à yɨ əzɨ əwən ə ghɨ ni mə̀ gha əne.

Ɨ̀fàʼì 15:19

“Əne ənû nɨ mə̀ kɔndɨ yɨ ni, tɨ rɨ̀ chə a bə̂d mbe nɨ kaʼi mɨ̀Jû nɨə beenɨ əbɔʼ ə Ŋwiə̀.

Ɨ̀fàʼì 15:8

Əne Ŋwìə̀ we nɨ kyerɨ fîŋ rɨ bə̂d mɨjìm nyaʼa chwi ni tə fə chɔʼɔ mɨ̀mə̌d ɨchî nɨ wɨ̀ nyaʼa naʼ Əzwî ə Zeŋɨ əmbɨ mɨ̀mə̌d àmei ɨchî nɨ wɨ̀ nyaʼa bə̀ naʼ ɨ na.

Ɨ̀fàʼì 5:32

Mbǎ mbɨ Əzwî ə Zeŋɨ ze nɨ Ŋwìə̀ naʼ əmbɨ ə bə̂d mbe nɨə zuunɨ əməd yɨə mɨ̀zərɨmbin ənɨ ɨnû mbɔ̂.”

1 Tèsàlonikà 4:8

Chəi wə̀d mɔʼɔ we nɨ ton tɨkə tɔ̂ ton wə̀d mɨ̀sɔŋɨchù, wɨ̀ ton yeʼ Ŋwiə̀ we nɨə nàʼ e Əzwî ə Zeŋɨ ɨ nən.

1 Kɔrèn 7:25

Tɨ̀nîn, ɨmbə̀ʼ məyi mbe nɨ chəi mbɨ kɨrɨ nam: chəi mə berɨ ɨkə rɨ əmbɨ Ə̀nùŋɨ̀sɨg nɨ gha ɨ nən. Àyɨə mə bɨrɨ naʼ mɨ ɨkɔndɨ ɨghabɨ wə̀d nɨ Ə̀nùŋɨ̀sɨg fə diirɨ əne ghɨ̀ mə yeʼ wə̀d nɨ tɨ̀ mbə ben ənû ze nɨ mɨə ghàə̀.

Ɨ̀fàʼì 15:25

Tɨ̀ fə bòmnɨ̀, zɨ̀ mba ɨtu ənɨ mbɨ mɔʼ, zə ni zɨə bɔ̀ŋ ni tɨ̀ chɔʼ bə̂d mɔʼɔ tom əsɨ nən mbɨ Banabàs mbɨ Pɔ̂l. Mbɨ yɨ mba bɔŋgɔb nɨ tɨ̀ ghaʼi kwàʼ rɨŋgəʼ.

Matìyò 23:4

Ɨ mbɨə kod ɨghɨ nɨ nirɨ, zab ə mbə̀ʼ bə̂d cherə, àyɨə chəi mbɨ ə chà fi əbɔ ɨ weerɨ ghɨ ni ɨghɨ mbe zamə.

Ɨ̀fàʼì 16:4

Ɨchî nɨ mbɨ nyaʼə yèn ɨsɨ ɨsɨ, mbɨ nyaʼə yènə̀ ghàə̀ tɨkə te nɨ bə̂d tom mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm nyaʼa ben ni mbɨ nuŋ ə. Mbɨ nyaʼa ghà əmbɨ mɨ̀mə̌d ni mbɨ nuŋ tɨkə te rɨjìm.