Ɨ̀fàʼì 14:15 - Meta’

¹⁵ “Mba mɨ̀sə̀ʼ, mbə̀ kɨə ghɨ̀ ənû zɔ̂ ɨmbə̀ʼ ə yè ə? Tɨ̀ yɨə bə̂d mɨ̀sɔŋɨchù ɨghabɨ ə mbə̀nə. Tɨ̀ fə yeʼe mbɨ ɨkə̂n chɔ̀m ɨ nən ni mbə̀ saŋ ɨghɨ əko mbɔ̂ beenɨ əbɔʼ Ŋwìə̀ we nɨ yeʼ ɨkǎ. À yɨə məd nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga ɨghɨ mbɔ̂.

Ikan feg

¹⁵ “Bəd mbo̰! Aton ne mbə̰ mbe ghìyə̀ inug mbo̰ ina anìŋ àkə gha? Mba ya bəd-aku icheg inən. Tì fə yèʼe tì ikən chɔm inən gha mbə̀ saŋa ighi ako mbo̰ bèni abɔ̀ʼ Ŋwiye we ne yaʼi izɔm. À ya məd ya tangi ikaŋ fɔrɔ ìseg bə̀ tàngi tìbà bə̀ tàngi fɔrɔ ighi ijìm mbe ne yaʼi inga inɔb.

Ɨ̀fàʼì 14:15 Referans Kwoze

Jems 5:17

Èlaijà yɨə nyaʼə wə̀d mɨ̀sɔŋɨchù ɨghabɨ ə mbǎ. Wɨ̀ nyaʼa kɔ̀ŋgɨ̀ ə Ŋwìə̀ ənɨ i fîŋ jìm ni tɨ mbə̀ŋ nɔ i. Əne chəi mbə̀ŋ nyaʼa bə nɔ ɨghəm ɨwu tad mbɨ əmɨg rɨ̀fuə.

1 Kɔrèn 8:4

Əne, mə wɨə kəb gha ɨmbə̀ʼ tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ: Tɨ̀ kyerɨ ni, “Kaʼ anèŋ yɨ i əghɨ nɨ yeʼ ɨkǎ” ɨchî nɨ mbə̀n mɨmɔʼɔ ə ghàə̀. Tɨ̀ bə̀ kyerɨ ni, “Ŋwìə̀ mei we mɔʼ” ɨchî nɨ mbə̀n mɨmɔʼɔ ə bə̀ ghàə̀.

Ɨ̀fàʼì 10:26

Àyɨə Pità nyaʼa nɔ̀ əməd ghà ni, “Təm rətiə, mɔ̌ yɨə wə̀d mɨ̀sɔŋɨchù ɨghabɨ àwɔ̀.”

Ɨnû 14:7

Wɨ̀ nyaʼa ghà ənɨ ə gɨ̂ kǎ kǎ ni, “Mbə̀ bɔ ə Ŋwiə̀ bə̀ nàʼ ɨwumnɨ ɨ bɔ, ɨmbə̀ʼ ɨghəm nɨ nyùmə̀ we nɨ məd bɨrɨ saʼ bə̂d fə kùʼ. Mbə̀ wumnɨ əməd we nɨ nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ mɨ̀jwɨ̀-əmboŋ!”

1 Tèsàlonikà 1:9

ɨmbə̀ʼ ɨghəm nɨ bə̂d mbe nɨ yeʼ ɨŋga ɨba ɨbeŋ mbe fə ghà mbənə mbənə ɨmbə̀ʼ ɨkwɨ ɨchî nɨ mbə̀ nyaʼa nɨŋ əwa əkaʼ nən. Mbɨ fə bə̀ ghà ɨmbə̀ʼ ɨchî nɨ mbə̀ nyaʼa ton ənû nɨ wumnɨ mbɨ̀anèŋ sɨ bèŋ kɔ wumnɨ ə Ŋwiə̀ we nɨ yeʼ ɨka bə̀ yeʼ wɨ rəsìʼ.

Efesùs 4:17

Mə wɨə ghà ɨ nən kwàʼ rɨkǎ ənɨ ɨkum Ə̀nùŋɨ̀sɨg ni tɨ mbɨ rəbə chub ə ɨchî nɨ bə̂d mbe nɨ kaʼi mɨ̀Jû ə chubə. Tɨkɔndɨ tɨ mɨ̀mə̌d yɨ ətu ə̀kǒ.

Ɨ̀fàʼì 4:24

Ənɨ mbɨ nyaʼa zu ɨnû mbe, mbɨ nyaʼa fɔtɨ kɔ̀ŋgɨ̀ ə Ŋwiə̀ ghà ni, “Ə̀tùmbɨ̀ ɨsɨg, à yɨ àwɔ̀ nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga ɨghɨ mbɔ̂.

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Mə̀Hibrù 3:12

Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.

1 Timotì 3:15

à mɨ yeʼ nɨ mə̀ tanɨ, à we tɨ à kyerɨ ɨchî nɨ tɨ̀ bə̂d ghɨ̀ ɨnû ɨŋga ɨfetɨ bə̂d Ŋwiə̀, nɨ yeʼ ɨfetɨ Ŋwìə̀ we nɨ yeʼ ɨkǎ. Bə̂d Ŋwiə̀ mbɔ̂ mbɨə yimə rəsìʼ we nɨ yeʼ ɨŋga ɨkə̂n chɔ̀m àmei ɨchî nɨ təʼ mbɨ əchɨ ə yimə nəb.

Ɨ̀fàʼì 14:21

Ənɨ Pɔ̂l mbɨ Banabàs nyaʼa ghà ɨkə̂n chɔ̀m we ə Də̂be, mbɨ nyaʼa beŋ bə̂d mɨ̀nɔnɔʼ ənɨ ə bə̂d nɨə beenɨ əbɔʼ ə Kristo. Mbɨ nyaʼa ghɨ əne, bə̀ndɨ̀ wò ə Listrà fɔrɨ ə Ɨkoniùm bə̀ fɔrɨ ə Antiɔ̀k.

Jn 7:18

Wə̀d we nɨə ghà ɨnû ənɨ i ɨka wɨə kə̀bə̀ ni bə̂d wumnɨ əməd. Àyɨə we nɨə kə̀bə̀ ni bə̂d wumnɨ wə̀d we nɨ tom əməd wɨə ghàə̀ rəsìʼ. Kaʼ məd yɨ i wə̀d mɨghab.

Ɨnû 22:9

Àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì ɨghabɨ àwɔ̀. Mə yɨə bə ɨghabɨ mbe bɔŋgɔb mbe nɨ yeʼ bə̂d ɨ̀kə̀n Ŋwiə̀ bə̀ fɔrɨ ɨghabɨ mbe nɨə ghɨ̀ ɨnû mbe nɨ yeʼ ɨŋga ə̀ŋwàʼnɨ̀ zɔ̂. Wumnɨ ə Ŋwiə̀!”

Ɨnû 19:19

Mə nyaʼa zə nyam kyeŋ rɨtu ze bə̀ zə mɨfɔ̂n rɨ ɨgwɨ ə si mbɨ mɨnɔ̂n mɨ̀sɔgyɨ̀ mɨ̀mə̌d. Mbɨ nyaʼa fɔtɨ ɨmbə̀ʼ maʼ bid mbɨ wə̀d we nɨ kɔʼ ngyǐ ze mbɨ mɨ̀sɔgyɨ̀ məd.

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.

Ɨ̀fàʼì 27:25

Əne mbə̀ yim fîŋ, kyɨ məmbe. Mə wɨə nùŋ mɨ fîŋ ɨgun ə Ŋwiə̀ ni ɨnû mbe bɨrɨ ghɨ̀ àmei ɨchî nɨ wɨ̀ gha ɨ num.

Ɨ̀fàʼì 27:21

Ɨchî nɨ mbɨ nyaʼa chub ənɨ əgha ə se zɨ rɨ jɨg, Pɔ̂l nyaʼa nɔ̀ʼ təm əkaʼ mɨ̀mə̌d ghà ni, “Məmbe, njɨ mbə̀ nyaʼa zu ənû ze nɨ mə̀ nyaʼa gha ɨ nən, chub ə Kret. À kɨ nɨ mbə̀ nyaʼa zu, njɨ chəi əfim zɔ̂ ə chəkɨ əbaŋ zɔ̂, njɨ chəi tɨ̀ bə nimnɨ ɨghɨ mbɔ̂.

Ɨ̀fàʼì 27:10

“Bɔŋgɔb, mə zə ni ŋgəʼ mbɨ ɨnimɨ nɔnɔʼ bɨrɨ jwɨ̀ ənɨ ɨghanɨ wɔ̂. Ka àmei əbaŋ mbɨ ɨghɨ mbe nɨ əbaŋ ə beʼe bɨrɨ nim, mbà bə̂ bɨrɨ kwɨ.”

Ɨ̀fàʼì 16:30

Wɨ̀ nyaʼa ghɨ əne, nɨŋ mɨ̀mə̌d mbɨ jwɨ ɨsɨg pè biirɨ ni, “Mbɨ mɨ̀mbǎʼ, mə̀ kɨə wo ghɨ ye bɔŋ jwɨ̀ rəŋgəʼ ə?”

Ɨ̀fàʼì 14:7

Mbɨ nyaʼa pè əŋgu ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso.

Ɨ̀fàʼì 13:32

Əne tɨ̀ fə yeʼe mbɨ ɨkə̂n chɔ̀m ɨ nən ni ənû ze nɨ Ŋwìə̀ nyaʼa kaʼ əmbɨ mba mɨ̀mbǎʼ rəŋwe,

Ɨ̀fàʼì 7:26

À nyaʼa əni ze nɨ beenɨ, wɨ̀ nyaʼa zə mɨ̀Izre mɨ̀be nɨ nyaʼa zɔ̀ŋə̀. Wɨ̀ nyaʼa kə̀b ni njɨ tə màànɨ̀ taŋ mɨ̀mə̌d, əne wɨ̀ nyaʼa ghà əmbɨ mɨ̀mə̌d ni, 'Mbaŋə̀, mbə yɨə bɔŋgɔb. Mbə̀ kɨə zɔ̀ŋ ɨmbə̀ʼ ə ye ə?'

Jn 5:26

Ɨchî nɨ ɨ̀tènɨ̀ yeʼ ɨŋga Mbǎʼ ziə, məd wɨə nàʼ ɨ̀tènɨ̀ əmbɨ ə bə̂d, əne wɨ̀ fə bə̀ ghɨ̀ ni Wan nàʼ ɨ̀tènɨ̀ əmbɨ ə bə̂d.

Ɨnû 4:11

“Ə̀nùŋɨ̀sɨg à Ŋwìə̀, àwɔ̀ ə kùʼ ni wə̀d jìm yiirɨ əwe, nàʼ ɨwumnɨ ɨ ne bə̀ ghà ni à berɨ ɨka, ɨmbə̀ʼ ɨghəm nɨ à nyaʼa tekɨ ɨghɨjìm, ɨghɨjìm mbɨ əŋgu bə̀ yeʼ ɨkǎ ɨchî nɨ à nyaʼa kəbɨ.”