Ɨ̀fàʼì 13:15 - Meta’

¹⁵ Ənɨ bə̂d mbe rəŋgu nyaʼa fə foŋ ɨŋgam Ŋwiə̀ rɨŋga ə̀ŋwàʼnɨ̀ ə tɨkə rɨ Mose, bə̀ foŋ rɨŋga ə̀ŋwàʼnɨ̀ ə bə̂d ɨ̀kə̀n Ŋwiə̀, bə̂d mbe nɨ nyaʼə chà nəb ə̀kàtɨ̀ ze nyaʼa cha ɨkə̂n əmbɨ Pɔ̂l mbɨ Banabàs ni, “Bɔŋgɔb, mbə mɨ berɨ ɨŋgam mɔʼɔ nɨ timbɨ əwa, mbə̀ gha ɨ na.”

Ikan feg

¹⁵ Anyumə̀ ne bəd mbe angu ya fə fɔŋi Ìngam Ŋwiye inga àŋwàʼrì mə̀nɔ̀ʼɔ̀ Muse, bə̀ fɔŋ inga àŋwàʼrì bədkə̀n Ŋwiye, itog bəd mbe inga ichamì Ŋwiye we ya chà ikən abə Pɔl tì Bànabàs gha, “Ìmba məfi, mbə̰ mə̀ bèrì ìngam mɔ̀ʼɔ ni nəri awa, mbə ghà ina.”

Ɨ̀fàʼì 13:15 Referans Kwoze

Mə̀Hibrù 13:22

Mbɨ bɔŋgɔb, mə wɨə buʼ ɨbɔ ɨ nən ni mbə̀ nɨŋ ɨŋgam wɔ̂ nɨ mɨə tìmbɨ̀ əwən əŋgu ənɨ ə fîŋ chɔ̀m, ɨmbə̀ʼ ɨghəm nɨ chəi ə̀ŋwàʼnɨ̀ zɔ̂ nɨ mə ŋwaʼnɨ ɨ nən ə jeŋgɨ sà.

Ɨ̀fàʼì 15:21

Mbɨ nyaʼa fə kɔ gha ɨnû ɨmbə̀ʼ rɨkə rɨ Mose ɨŋga ɨsɨ jìm nɔ̀ʼ tɨ rəŋwe. Bə̂d mbɨə bə̀ foŋ ɨŋgam we ɨŋga nəb tɨ ə̀kàtɨ̀ ɨni ɨkwɨ mɨ̀Jû jìm.”

Mk 5:22

Wə̀d kyeŋ mɔʼɔ rɨ əbɔʼ mbe nɨ nyaʼə chà nəb ə̀kàtɨ̀, nɨ ɨkum məd nyaʼa ə Jairùs, nyaʼa zə əməd wò gù ə si ɨban ɨwu məd,

1 Kɔrèn 14:3

Wə̀d we nɨə ghà ɨkə̂n Ŋwiə̀ wɨə ghàə̀ yeʼ əmbɨ ə bə̂d, ɨmbə̀ʼ mbɨ təm kàànɨ̀. Ɨkə̂n we wɨə tìmbɨ̀ mɨ̀mə̌d bə̀ nəərɨə mɨ̀mə̌d.

Rm 12:8

Ɨneʼe wə̀d mɔʼɔ mɨ yeʼ ni wɨ̀ timbɨ bə̂d, wɨ̀ bə tìmbɨ̀. Ɨneʼe wə̀d mɔʼɔ mɨ yeʼ ni wɨ̀ naʼ ɨghɨ əmbɨ ə bə̂d, wɨ̀ saŋnɨ. Ɨneʼe wə̀d mɔʼɔ mɨ yeʼ ni wɨ̀ tumbɨ bə̂d, wɨ̀ tumbɨ ənɨ i fîŋ jìm. Ɨneʼe wə̀d mɔʼɔ mɨ yeʼ ni wɨ̀ ghɨ ɨ̀chɔ̀m ənɨ ə bə̂d ŋgəʼ, wɨ̀ ghɨ̀ əne mbɨ ɨghaʼi.

Ɨ̀fàʼì 22:1

“Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ ənû ze nɨ mə̀ bɨrɨ gha ɨfě nən ɨmbə̀ʼ chɨ ɨnû rɨ ɨgwɨ num.”

Ɨ̀fàʼì 18:17

Mɨ̀Jû mbe mɨjìm nyaʼa gywɨ̀ ə Sòstenès, nɨ nyaʼə ətu ɨŋga nəb ə̀kàtɨ̀ ze, som əməd ɨfě nəb ɨsaʼi ze. Àyɨə chəi Galiò nyaʼa nɨŋ əze ənɨ ənû ə mɔʼɔ.

Ɨ̀fàʼì 13:27

Bə̂d mbe nɨə chub ə Jèrusalèm mbɨ mbe nɨə tùmbɨ̀ə̀ mɨ̀mə̌d nyaʼa ghɨ̀ ni ɨnû mbɔ̂ jwɨ ənɨ rəsìʼ ɨchî nɨ mbɨ nyaʼa sob ni mbɨ zwiirɨ əməd. Mbɨ nyaʼa ghɨ əne, ɨmbə̀ʼ ɨghəm nɨ chəi mbɨ nyaʼa kyerɨ ni Yeso yɨə wə̀d we nɨ Ŋwìə̀ zɔʼɔ, kɨ̀ be kyerɨ mɨŋgam bə̂d ɨ̀kə̀n Ŋwiə̀ mbe nɨ mbɨə foŋ ɨni ɨkwɨ mɨ̀Jû jìm.

Ɨ̀fàʼì 20:2

Ənɨ wɨ̀ nyaʼə chè ɨŋga ɨba ɨbeŋ mbe, wɨ̀ nyaʼə yènə̀ tìmbɨ̀ ə bə̂d rɨŋga ɨsɨ mbe ənɨ mɨŋgam nɔnɔʼ. Ɨ wɨə nyaʼə ghɨ̀ əne wò pè ə Gris.

Ɨ̀fàʼì 18:8

Krispùs bə̂, nɨ nyaʼa ətu ɨŋga nəb ə̀kàtɨ̀ ze mbɨ ə bə̂d mɨ̀jìm mbe nɨ nyaʼa ɨŋga nəb məd, nyaʼa ben Ə̀nùŋɨ̀sɨg. Bə̂d mɨ̀nɔnɔʼ ə Kɔrèn nyaʼa zu ənû ze nɨ Pɔ̂l nyaʼə ghàə̀, əne mbɨ nyaʼa bə̀ ben Ə̀nùŋɨ̀sɨg. Ənɨ mbɨ nyaʼa benɨ, mbɨ nyaʼa nɨŋ mɨnib.

Ɨ̀fàʼì 15:7

Ənɨ mbɨ nyaʼa fə gham ənɨ əgha ə se, Pità nyaʼa nɔ̀ʼ təm rətiə ghà əmbɨ mɨ̀mə̌d ni, “Mbɨ bɔŋgɔb, mbə̀ kyerɨ ni à nyaʼa ɨŋga ɨni mbe nɨ ɨnû mbɔ̂ nyaʼa kɔ, Ŋwìə̀ nyaʼa chɔʼ əmɨ rəkaʼ nən ni mə gha ɨkə̂n chɔ̀m əmbɨ bə̂d mbe nɨ kaʼi mɨ̀Jû, ɨmbə̀ʼ mbɨ zu benɨ.

Ɨ̀fàʼì 7:2

Stɨfɨ̀n nyaʼa wììrɨ̀ ni, “Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ! Ŋwìə̀ we nɨ tɨə wumnɨə nyaʼa jwɨ̀ ɨfě a mbǎʼ Abràham ənɨ wɨ̀ nyaʼa kɨrɨ ə Mèsòpòtemìà, əne yɨə bɔŋ wɨ̀ nyaʼa sɨə wò chub ə Haràn.

Ɨ̀fàʼì 2:37

Ənɨ bə̂d mbe nyaʼa zu ənû zɔ̂, zɨə nyaʼa zum fîŋ tɨ mɨ̀mə̌d, əne mbɨ nyaʼa biirɨ əmbɨ Pità mbɨ ə bə̂d tom mbə ni, “Bɔŋgɔb, tɨ̀ ghɨn ye ə?”

Ɨ̀fàʼì 2:29

“Mbɨ bɔŋgɔb, mə we tɨ̀ mə ghà ɨ nən ni mə kyerɨ ni à yɨ rəsìʼ ni à mbǎʼ ɨnəbɨ, Dèvîd, nyaʼa kwɨ mbɨ tweŋ əməd. Ətu ɨsì əməd ə zɨ mbɨ na yeʼe pè rə̀chɔ̀ŋ.

Ɨ̀fàʼì 2:4

Əzwî ə Zeŋɨ ə nyaʼa swi ɨŋga mɨ̀mə̌d mɨjìm, əne mbɨ nyaʼa kɔ gham mɨŋgam ɨbeŋ cherə, ɨchî nɨ Əzwî ze ə nyaʼa naʼ ɨka əmbɨ mɨ̀mə̌d.

Ɨ̀fàʼì 1:16

“Mbɨ bɔŋgɔb, ɨŋgam Ŋwiə̀ we nɨ Əzwî ə Zeŋɨ ə nyaʼa fə be ghɨ̀ ɨfɔ̂n Dèvîd ghà, ə berɨ jwɨ̀ ənɨ rəsìʼ de ə Judàs we nɨ nyaʼa chwi ɨnə̂njɨ̀ əmbɨ ə bə̂d mbe nɨ nyaʼa gywɨ ə Yeso.

Lk 16:16

“Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Ɨ̀fàʼì 4:36

Zɨə nyaʼa chè ni Jòsêf, nɨ bə̂d tom nyaʼa chu əməd ənɨ ə Banabàs (əton ənɨ ɨkum we yɨ ni, Wan mbaŋə̀ nɨə tìmbɨ̀ ə bə̂d), nɨ nyaʼa rɨŋga ɨnəbɨ Levì, mbɨ gywɨ əməd ə Saiprùs,

2 Kɔrèn 3:14

Àyɨə fîŋ tɨ mɨ̀mə̌d nyaʼa tu. Ɨ pe rəchɔ̀ŋ, mbɨ mɨ foŋ ə̀ŋwàʼnɨ̀ fɨso ənun, ngywɨ̌ ze zɨə kɨrɨ kənə fîŋ tɨ mɨ̀mə̌d. Àmei ɨmbə̀ʼ ɨchî nɨ bə̂d yeʼ ənɨ ɨfɔtɨ mbɨ Kristo nɨ tɨ̀ mbɨ chɨ̀ ngywɨ̌ ze.

1 Tèsàlonikà 2:3

Ka ɨchî nɨ tɨ̀ nyaʼə ghà ɨŋgam Ŋwiə̀ yɨ i rɨ ənɨ ɨchî nɨ tɨ̀ feb ənû, kɨ̀ rɨ ənɨ tɨkɔndɨ rɨbɔ̀ŋ, kɨ̀ ɨmbə̀ʼ tambɨ əwən.