Ɨ̀fàʼì 11:30 - Meta’

³⁰ Mbɨ nyaʼa ghɨ̀ ənû ze, əne tom ə Banabàs mbɨ Sɔ̂l mbɨ ɨkab we nɨ mbɨ nyaʼa fetɨ ni mbɨ wo nàʼ əmbɨ ə bə̂d mbe nɨ nyaʼə chà ɨfetɨ bə̂d Kristo we rɨ ə Jèrusalèm.

Ikan feg

³⁰ Mbi ya chɔ̀pì ighi mbe ane, nàʼ abə Bànabàs tì Sɔl gha mbe niŋ ghò zì ikye abo abə itog bəd Kristo mbe a Jùdeyà.

Ɨ̀fàʼì 11:30 Referans Kwoze

Ɨ̀fàʼì 14:23

Ənɨ mbɨ nyaʼa fə chɔʼ bə̂d mbe nɨə chà tɨfetɨ bə̂d Kristo te ɨ mɔʼ mɔʼ, mbɨ nyaʼa kɔŋgɨ ə Ŋwiə̀, chub rɨ jɨg, zɨ̀ mɨ̀mə̌d ɨŋga tɨkyerɨ-ɨbɔ Ə̀nùŋɨ̀sɨg we nɨ mbɨ nuŋ tə fîŋ ɨgwɨ məd.

Ɨ̀fàʼì 12:25

Ənɨ Banabàs mbɨ Sɔ̂l nyaʼa maanɨ ə̀fàʼì ze nɨ mbɨ nyaʼa wo faʼ ə Jèrusalèm, mbɨ nyaʼa bə̀ndɨ̀ wò ə Antiɔ̀k. Ənɨ mbɨ nyaʼə bə̀ndɨ̀ə̀, mbɨ nyaʼa nɨŋ ə Jɔ̌n we nɨ ɨkum məd cherə nyaʼə Mak wò mbɨ məd.

Jems 5:14

Wə̀d mɔʼɔ rəbɔʼ nən wɨə wa wɔ̀n ə? Wɨ̀ tɔŋ bə̂d mbe nɨə chà ɨfetɨ bə̂d Kristo mbɨ yeʼe kɔ̀ŋgɨ̀ ə Ŋwiə̀ ɨgwɨ məd, bə̀ zɔʼ əməd ənɨ mɨwud ənɨ ɨkum Ə̀nùŋɨ̀sɨg.

Tayitùs 1:5

Əton nɨ mə̀ nyaʼa saŋ əwe ə Kret yɨ ni à tekɨ ɨnû jìm mbe nɨ nyaʼa kɨrɨ buʼ ɨŋga ɨfetɨ bə̂d Kristo we. Mə nyaʼa bə̀ sàŋ əwe əŋgu ni à chɔʼ bə̂d mbe nɨə chà tɨfetɨ bə̂d Kristo ɨŋga ɨsɨ jìm mbe nɨ yeʼ ə Kret àmei ɨchî nɨ mə̀ nyaʼa fə gha ɨ ne.

1 Timotì 5:17

Zə ni mbɨ naʼ ɨwumnɨ əmbɨ ə bə̂d mbe nɨə chà ɨfetɨ bə̂d Kristo bə̀ jeŋgɨ chɔʼ ə̀fàʼì mɨ̀mə̌d, maanɨ mbe nɨə fàʼ rɨkǎ nɨ ghà ɨŋgam Ŋwiə̀ bə̀ fɔrɨ ni chwi ɨnû ɨmbə̀ʼ ə Kristo.

Ɨ̀fàʼì 20:17

Pɔ̂l nyaʼa pè ə Miletùs chà mbɨ tɔŋ bə̂d mbe nɨ nyaʼə chà ɨfetɨ bə̂d Kristo we rɨ ə Efesùs ni mbɨ yeʼe kumnɨ əwi.

Ɨ̀fàʼì 16:4

Ɨchî nɨ mbɨ nyaʼə yèn ɨsɨ ɨsɨ, mbɨ nyaʼə yènə̀ ghàə̀ tɨkə te nɨ bə̂d tom mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm nyaʼa ben ni mbɨ nuŋ ə. Mbɨ nyaʼa ghà əmbɨ mɨ̀mə̌d ni mbɨ nuŋ tɨkə te rɨjìm.

Ɨ̀fàʼì 15:6

Bə̂d tom Kristo mbe mbɨ ə bə̂d mbe nɨ nyaʼə chà ɨfetɨ nyaʼa bòmnɨ̀ ɨmbə̀ʼ nweenɨ ənû zɔ̂.

Ɨ̀fàʼì 15:4

Ənɨ mbɨ nyaʼa wo pè ə Jèrusalèm, ɨfetɨ bə̂d Kristo, bə̂d tom Kristo mbɨ ə bə̂d mbe nɨ nyaʼə chà ɨfetɨ bə̂d Kristo nyaʼa nɨŋ mɨ̀mə̌d kwàʼ ɨchî chɔ̀m. Pɔ̂l mbɨ Banabàs nyaʼa ghà ɨnû jìm mbe nɨ Ŋwìə̀ nyaʼa che ənjìm mɨ̀mə̌d ghɨ̀.

1 Pità 5:1

Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,

2 Jɔn 1:1

À yɨə mɔ̌, nɨ mə̀ yeʼ wə̀d we nɨə chà ɨfetɨ bə̂d Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ ɨ ne, àwɔ̀ Əyi kyeŋ we nɨ Ŋwìə̀ nyaʼa chɔʼɔ fɔrɨ əmbɨ mbe bɔn. Mə kàŋ ghaʼ əwən ənɨ rəsìʼ. Kaʼ àmei mɔ̌ ghaʼ əwən, bə̂d mɨjìm mbe nɨ kyerɨ rəsìʼ we nɨ tɨə ghàə̀ bə̀ ghaʼ əwən.

1 Timotì 5:19

Tɨrə̀ ben e ni mbɨ zɨ ɨsaʼi ɨgun ə wə̀d mɔʼɔ rəbɔʼ mbe nɨə chà ɨfetɨ, kɨrɨ ənɨ bə̂d mɨbe kɨ̀ bə̂d mɨ̀tad yeʼe mbɨ ɨsaʼi we ɨghabɨ mɨ̀zərɨmbin.

Ɨ̀fàʼì 21:18

À nyaʼa əni ze nɨ beenɨ, mbǎ mbɨ Pɔ̂l nyaʼa wò zə ə Jems. Bə̂d mɨjìm mbe nɨ nyaʼə chà ɨfetɨ bə̂d Kristo mbɨə nyaʼə bə̀ əŋgu.

Ɨ̀fàʼì 15:23

Mbɨ nyaʼa tom mɨ̀mə̌d mbɨ ə̀ŋwàʼnɨ̀ nɨ nyaʼa gha ni: “À yɨə mbà mbə bɔŋgɔb bə̂d tom Kristo mbɨ ə bə̂d mbe nɨə chà ɨfetɨ we rɨ ə Jèrusalèm ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən, mbə̀n mba bɔŋgɔb mbe nɨ kaʼi mɨ̀Jû nɨ yeʼ ə Antiɔ̀k, ə Sirià bə̀ fɔrɨ ə Selisià. Tɨ̀ wɨə chàʼrɨ̀ əwən.

Ɨ̀fàʼì 15:2

Pɔ̂l mbɨ Banabàs nyaʼa berɨ tàŋ kǎ kǎ mbɨ ə bə̂d mbe ɨmbə̀ʼ ənû ze. Əne mbɨ nyaʼa chɔʼ ə Pɔ̂l mbɨ Banabàs mbɨ ə bə̂d Kristo cherə, tom mɨ̀mə̌d ni mbɨ kɔʼ wò ə Jèrusalèm wò nweenɨ ənû ze mbɨ ə bə̂d tom fɔrɨ mbɨ ə bə̂d mbe nɨ nyaʼə chà ɨfetɨ bə̂d Kristo.

Ɨ̀fàʼì 4:36

Zɨə nyaʼa chè ni Jòsêf, nɨ bə̂d tom nyaʼa chu əməd ənɨ ə Banabàs (əton ənɨ ɨkum we yɨ ni, Wan mbaŋə̀ nɨə tìmbɨ̀ ə bə̂d), nɨ nyaʼa rɨŋga ɨnəbɨ Levì, mbɨ gywɨ əməd ə Saiprùs,

Ɨ̀fàʼì 12:1

À nyaʼa ənɨ ə nyùmə̀ we, ɨfɔ̂n Herɔ̀d nyaʼa kɔ nwendɨ tɨkyerɨ-ɨwu bə̂d mɔʼɔ mbe nɨ nyaʼa ɨŋga ɨfetɨ bə̂d Kristo.

1 Timotì 4:14

Tɨrə̀ waʼ e ɨneʼe we nɨ à berɨ, nɨ Əzwî ə Zeŋɨ ə nyaʼa naʼ ɨ ne ənɨ ə nyùmə̀ we nɨ bə̂d ɨ̀kə̀n Ŋwiə̀ nyaʼa gha ɨnû ɨmbə̀ʼ əwe, bə̂d nɨə chà ɨfetɨ bə̀ zab mbə ɨbɔ ɨgwɨ ne.

3 Jɔn 1:1

À yɨə mɔ̌, nɨ mə̀ yeʼ wə̀d nɨə cha ɨfetɨ bə̂d Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ ɨ ne, àwɔ̀ Gayùs nɨ mə̀ ghaʼi kwàʼ rɨŋgəʼ. Mə kaŋ ghaʼ əwe ənɨ rəsìʼ.