Gàlesìyà 6:16 - Meta’

¹⁶ Ŋwìə̀ zɨ əbɔrəbɔd bə̀ dììrɨ̀ bə̂d mbe nɨ nuŋ ɨkə wɔ̂. Wɨ̀ bə ghɨ əne ɨgun ə bə̂d Ŋwiə̀ mɨ̀jìm.

Ikan feg

¹⁶ Ŋwiye ziye àbɔrɔ̀bɔd bə̀ dìgrì igun bəd mbe ne nɔ̀ŋɔ̀ ikə gho̰ inga ìwɔb ìtḛ̀. Wì bə ghì ane igun mə̀Izre ne yaʼi bəd Ŋwiye məjìm.

Gàlesìyà 6:16 Referans Kwoze

Gàlesìyà 3:29

Mbə mɨ yeʼ bə̂d Kristo, əne yɨ ni mbə yɨə bɔn tɨ ənɨ əghaŋ ə Abràham. Ɨchî nɨ mbə̀ yeʼ bɔn tɨ ənɨ əghaŋ ə Abràham, əne yɨ ni mbə bɨrɨ jɨg ɨghɨ mbe nɨ Ŋwìə̀ kaʼi.

Fìlipì 3:3

À yɨə mbǎ nɨ mbɨ ne ɨchî rəsìʼ. Əzwî ə zɨə wèèrɨ̀ əwa ni tɨ wumnɨ ə Ŋwiə̀. Tɨ̀ wɨə ghaʼ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso əne chəi tɨə zɨ̀ ta fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀,

Rm 4:12

Abràham yɨə bə̀ ə mbǎʼ kyeŋ əmbɨ ə bə̂d mbe nɨ mbɨ ne mɨ̀mə̌d. Ka àmei ni mbɨ fə ne mɨ̀mə̌d, à yɨə bə̂ ni ɨ mbɨə beenɨ əbɔʼ ɨbenɨ we nɨ a mbǎʼ kyeŋ Abràham nyaʼa berɨ bɔŋ mbɨ nyaʼa sɨə ne əməd.

Jn 1:47

Yeso nyaʼa zə ə Natanaèl nɨ nyaʼə yeʼe əsɨ məd, əne wɨ̀ nyaʼa ghà ɨmbə̀ʼ əməd ni, “Mbə̀ zə wɔ̂ yɨ wə̀d Izre rəsìʼ. Chəi əbegrɨ-ənû ɨŋga məd!”

Fìlipì 3:16

Àmei ni tɨ̀ yim ɨnû mbe nɨ tɨ̀ nyaʼa fə be kyerɨ.

Gàlesìyà 5:25

À yɨ Əzwî ə ghɨ̀ ni tɨ̀ yeʼ ɨkǎ, əne tɨ̀ ghɨ ɨnû mbe nɨ Əzwî ə kə̀bə̀.

Gàlesìyà 5:16

Ənû nɨ mɨ ghà yɨ ni: mbə̀ chub ɨchî nɨ Əzwî ə kəbɨ. Tɨ mbə̀ ghɨ ə ɨnû mbe nɨ tə nyamnyod ə feenɨə,

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

Jn 14:27

“Mə sàŋ əbɔrəbɔd ɨ nən. Mə bə̀ nàʼ mɨ əbɔrəbɔd ɨ nən. Chəi mə naʼ ɨchî nɨ ɨsɨg ə nàʼə̀. Tɨ tə fîŋ tɔb i əwən. Tɨ mbə̀ bɔ ə.

Fìlipì 4:7

Mbə mɨ ghɨ̀ əne, njɨ əbɔrəbɔd ə Ŋwiə̀, nɨ chəi ənɨ tɨ ɨwe bə̂d mɨ̀sɔŋɨchù kyerɨ màànɨ̀, bɨrɨ ghɨ ni tɨ tə fîŋ bɔrɨ i, bə̀ ghɨ̀ ni tɨ tə rɨkɔndɨ tɔb i əwən ɨchî nɨ mbə̀ yeʼ ənɨ ɨfɔtɨ mbɨ Kristo.

Gàlesìyà 1:3

Ŋwìə̀ Mbǎʼ mbɨ a Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Rm 1:7

Mə wɨə ŋwàʼnɨ̀ əmbɨ ə bə̂d mɨjìm mbe nɨ yeʼ ə Rom. Ŋwìə̀ ə ghaʼ əwən kwàʼ rɨŋgəʼ, əne wɨ̀ fə tɔŋ əwən ni mbɨ yeʼ mbi bə̂d. Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Efesùs 6:23

Ŋwiə̀ Mbǎʼ, mbɨ Ə̀nùŋɨ̀sɨg Yeso Kristo naʼ əbɔrəbɔd, nàʼ ɨghaʼi bə̀ nàʼ ɨbenɨ əmbɨ ə bɔŋgɔb mɨjìm.

1 Pità 1:3

Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo! Məd wɨə dììrɨ̀ əwa kwàʼ ɨchî chɔ̀m. Wɨ̀ fə ghɨ̀ tɨ̀ jɨg ɨ̀tènɨ̀ fi ɨchî nɨ wɨ̀ zwemnɨ ə Yeso Kristo. Əzɔ̂ ə fə ghɨ̀ ni tɨ̀ nuŋ rɨkɔndɨ wom ɨnû mbe nɨ Ŋwìə̀ kaʼ ɨ na.

Jûd 1:2

Ŋwìə̀ diirɨ əwən, naʼ əbɔrəbɔd ɨ nən bə̀ ghɨ̀ ni ɨghaʼi swi ɨŋga tə fîŋ.