Gàlesìyà 6:1 - Meta’

¹ Mbɨ bɔŋgɔb, wə̀d mɔʼɔ rəbɔʼ nən mɨ ghɨ̀ ənû rɨbɔ̀ŋ, mbə̀n mbe nɨə ghɨ̀ ɨnû mbe nɨ Əzwî ə kəbɨ wɨrɨ ghɨ̀ ni wɨ̀ təm, àyɨə mbə̀ ghɨ əne ənɨ əbɔrəbɔd. Mbə̀ we əwən ɨmbə̀ʼ ə̀kwàʼnɨ̀ ə bə nyɨ ɨgwɨ nən.

Ikan feg

¹ Ìmbum məfi fɔrɔ ìtum njàbi, wə̀d mɔ̀ʼɔ abɔ̀ʼ inən mə ghì anug tibɔ̀ŋ, mbə̰ mbe ne ghìyə̀ inug icheg ne Azwighi Ŋwiye ze kə̀bə̀, mbə̀ wete aməd ghi wì təm. Mbə̀ ya ghìyə̀ ane kwàʼ ane àbɔrɔ̀bɔd, nè we awən imbə̀ʼ àkwàʼrì nɔ̀ʼ nyi igun inən bə.

Gàlesìyà 6:1 Referans Kwoze

Rm 15:1

Mba mbe nɨ a ɨbenɨ kaanɨ berɨ yim fîŋ mbɨ mbe nɨ ɨbenɨ mɨ̀mə̌d kɨrɨ bɔd. Tɨ rɨ̀ ghɨ a àmei ɨnû mbe nɨ bɨrɨ ghɨ ni ta fîŋ bɔŋ ə.

2 Tès 3:15

Tɨ mbə̀ nɨŋ əməd ɨghabɨ ni à yɨə wə̀d pə̀n, àyɨə mbə̀ patɨ əməd ɨchî nɨ mbə̀ə patɨ aŋgɔb nɨ ben ə Kristo.

2 Timotì 2:25

Wɨ̀ chwi ɨnû ənɨ ɨbɔtɨ fîŋ əmbɨ ə mbe nɨə ton ɨnû mbe nɨ wɨə chwiə. Ɨghəm Ŋwìə̀ bɨrɨ ben ni mbɨ beŋ tə fîŋ kyerɨ rəsìʼ ɨmbə̀ʼ ə Kristo.

1 Jɔn 5:16

Wə̀d mɔʼɔ mɨ zə wi aŋgɔb ənɨ wɨə ghɨ̀ ənû rɨbɔ̀ŋ ze nɨ chəi zɨə bɨrɨ ghɨ ni wɨ kwɨ, wɨ̀ kɔŋgɨ ə Ŋwìə̀ ni wɨ̀ naʼ ɨ̀tènɨ̀ ɨ bɔ. Mə wɨə ghà yeʼ mbe nɨə ghɨ̀ ɨnû rɨbɔ̀ŋ mbe nɨ chəi mbɨ bɨrɨ ghɨ ni wɨ̀ kwɨ. Ənû rɨbɔ̀ŋ ə mɔʼɔ ə zɨ əŋgu nɨə ghɨ̀ ni bə̂d kwɨ. Chəi mə̀ ghà ni wɨ̀ kɔŋgɨ ə Ŋwiə̀ ɨgwɨ ə bə̂d mbe nɨə ghɨ̀ ɨkwɨ ənû rɨbɔ̀ŋ we.

2 Kɔrèn 2:7

Àyɨə rɨ̀nîn, mbə berɨ waʼ ɨnû rɨbɔ̀ŋ məd bə̀ nəərɨ əməd ɨmbə̀ʼ tɨ wɨ̀ kən əku, njɨ ə̀kə̀nɨ̀ ze ə bɨrɨ ghɨ̀ ni ɨbenɨ məd wɨrɨ bɔd.

Mə̀Hibrù 12:13

Mbə̀ tekɨ mɨnə̂njɨ̀ nɨ yen ɨgun mbɨ təm, ɨmbə̀ʼ tɨ bə̂d mbe nɨə tèʼ ɨwu buʼrɨ ə mbə ɨwu. Mɨnə̂njɨ̀ mbe ghɨ yeʼ ni ɨwu mbe kaanə.

1 Pità 3:15

Àyɨə mbə wumnɨ ə Kristo ɨŋga tə fîŋ ni məd yɨ Ə̀nùŋɨ̀sɨg. Mbə̀ tekɨ ɨnyod ənɨ mɨ̀nyùmə̀ jìm nɨ wiirɨ ɨŋgam əmbɨ ə wə̀d jìm we nɨ biirɨ əton ɨmbə̀ʼ ɨkɔndɨ we nɨ mbə berɨ. Mbə̀ ghɨ əne mbɨ ɨbɔtɨ fîŋ fɔrɨ mbɨ ɨwumnɨ.

Rm 14:1

“Mbə̀ nɨŋ bə̂d mbe nɨ ɨbenɨ mɨ̀mə̌d bɔrɨ, àyɨə tɨ mbə̀ taŋ ə mbɨ mɨ̀mə̌d ɨmbə̀ʼ tɨkɔndɨ mɔʼɔ te nɨ mbɨ berɨ.

1 Kɔrèn 10:12

Əne wə̀d mɔʼɔ we nɨ kɔndɨ ni tə fə təm kàànɨ̀ berɨ we i ɨmbə̀ʼ wɨ̀ sɨ gù.

1 Kɔrèn 4:21

Mbə kɨə kəbə ni ye ə? Mbə̀ wa kə̀b yeʼ ni mə̀ yeʼe əsɨ nən mbɨ fɨŋgyeŋ, kɨ̀ ni mə̀ yeʼe mbɨ ɨghaʼi fɔrɨ əzwî ə bɔtɨ bɔtɨ ə?

Jems 3:2

Mba mɨjìm mbɨə fàn ɨnû ənɨ mɨnə̂njɨ̀ nɔnɔʼ. Wə̀d mɔʼɔ mɨ yeʼ əŋgu nɨ chəi wɨə fàn ənɨ ɨnû mbe nɨ wɨə ghàə̀, njɨ məd ə bɔŋ màànɨ̀, bə̀ kyerɨ ɨchî nɨ yimbɨ i ɨnyod jìm.

2 Kɔrèn 10:1

Mɔ̌ Pɔ̂l, wɨə nɨŋ ɨkum Kristo we nɨ nyaʼə bɔtɨ ɨnyod bə̀ bɔtɨə fîŋ buʼ ɨbɔ ɨ nən. Bə̂d mɔʼɔ rəbɔʼ nən mbɨə ghà ni mə wɨə swi ɨnyod ənɨ mə yeʼ ɨfě nən, àyɨə mə berɨ ɨka fîŋ ənɨ chəi əmɨ mbɨ nən.

Matìyò 9:13

Mbə̀ wo kə̀b əton ənɨ ɨŋgam Ŋwiə̀ we nɨ gha ni, 'Mə kə̀b yeʼ ni bə̂d diirɨ mbɨ cherə, kaʼi ni bə̂d naʼ ɨghɨ ə̀fà ɨ num.' Chəi mə̀ nyaʼa yeʼe ɨ tɔŋ bə̂d nɨə ghɨ̀ ɨnû nɨ kuʼnɨ. Mə nyaʼa yeʼe ɨ tɔŋ yeʼ mbe nɨə ghɨ̀ ɨnû rɨbɔ̀ŋ.”

1 Kɔrèn 14:37

Wə̀d mɔʼɔ mɨ kɔndɨ ni tə yɨə wə̀d ɨ̀kə̀n, kɨ̀ ni mɨneʼe mbe nɨ Əzwî ə Zeŋɨ ə nàʼ ɨ mbɨ ɨŋga məd, wɨ̀ kyerɨ ni ənû zɔ̂ nɨ mɨə ŋwàʼnɨ̀ ɨ nən yɨ ɨkə Ə̀nùŋɨ̀sɨg.

1 Kɔrèn 7:5

Tɨ̀ wə̀d ton i nɨ naʼ i ɨnyod əmbɨ awɨ̂n, kɨrɨ ənɨ mbə̀ fə ben ni mbə bɨrɨ ghɨ əne ənɨ ɨkə nyumə̀, ɨmbə̀ʼ mbə̀ nɨŋ ə nyumə̀ kɔ̀ŋgɨ̀ ə Ŋwiə̀. Mbə mɨ fə màànɨ̀, mbə wɨrɨ fɔtɨ əsɨ ɨmbə̀ʼ tɨ Satàn numbɨ i əwən ənjìm ɨchî nɨ chəi mbə̀ə yɨmbɨ ɨnyod.

1 Kɔrèn 2:15

Wə̀d we nɨ Əzwî ə Ŋwiə̀ ə yeʼ ɨŋga məd we tɨ̀ wɨ̀ zə ɨnû jìm, ətu əməd ə zeŋ ɨmbə̀ʼ mbɨwən, àyɨə chəi ənɨ tɨ ətu ə wə̀d cherə zeŋ ɨmbə̀ʼ ɨnû mbe nɨ wɨə ghàə̀.

Rm 8:6

Wə̀d mɨ nuŋ fîŋ ɨgwɨ ɨghɨ mbe nɨ nyamnyod ə feenɨə, wɨ̀ bɨrɨ kwɨ, àyɨə wɨ̀ mɨ nuŋ fîŋ yeʼ ɨgwɨ ɨghɨ mbe nɨ Əzwî ə nàʼə̀, wɨ̀ bɨrɨ jɨg ɨ̀tènɨ̀ bə̀ chub ənɨ əbɔrəbɔd.

Matìyò 11:29

Mbə̀ zuunɨ əmɨ, əne kwembɨ ɨnû rɨ num, ɨmbə̀ʼ ɨghəm nɨ mə wɨə bɔtɨə rɨ ə fîŋ bə̀ swiə mɨ ɨnyod ə si. Mbə mɨ ghɨ̀ əne, tə fîŋ bɨrɨ zùtɨ̀,

Jems 3:13

À kɨə we əkaʼ nən nɨ berɨ ɨwe bə̀ kyerɨ ənû ə? Wɨ̀ berɨ chwi mbi ɨnû chɔ̀m mbe nɨ wɨə ghɨ̀ə̀ ɨchî nɨ wɨə ghɨ̀ ɨnû ənɨ ɨbɔtɨ fîŋ bə̀ fɔrɨ ənɨ ɨwe.

Mə̀Hibrù 13:3

Mbə̀ kɔndɨ bə̂d mbe nɨ yeʼ ə nəb ndəŋ, ɨghabɨ ni mbə mbɨ ə nəb ndəŋ mbɨ mɨ̀mə̌d. Mbə̀ kɔndɨ mbe nɨ mbɨə chəə mɨ̀mə̌d, ɨghabɨ ni mbə mbɨə zəə ŋgəʼ mbɨ mɨ̀mə̌d. Mbə̀ ghɨ̀ əne ɨmbə̀ʼ ɨghəm nɨ mbə̀ yɨə sɨə nyamnyod mɔʼ mbɨ mɨ̀mə̌d.

Gàlesìyà 5:23

ənû nɨ swi ɨnyod mbɨ ənû nɨ yimbɨ ɨnyod. Chəi ɨkə mɔʼɔ nɨ ton ɨnû mbɔ̂.

1 Kɔrèn 3:1

Bɔŋgɔb, chəi ənɨ tɨ̀ mə nyaʼa ghàm ɨ nən ɨchî nɨ tɨ̀ mə nyaʼa ghàm əmbɨ ə bə̂d mbe nɨ Əzwî ə Ŋwiə̀ ə yeʼ ɨŋga mɨ̀mə̌d. Mə nyaʼa berɨ gham ɨ nən ɨghabɨ ni mbə yɨə bə̂d rɨŋga ɨsɨg, kɨ̀ ɨghabɨ ni mbə yɨə bɔn bɔd ənɨ ənû ə Kristo.

Matìyò 26:75

Əne Pità nyaʼa kɔndɨ ɨŋgam we nɨ Yeso nyaʼa gha ɨ bɔ ni, “Bɔŋ ɨnoŋgub sɨə tɔŋə, à bɨrɨ fə ton əmɨ ɨghəm tad.” Ənɨ wɨ̀ nyaʼa kɔndɨ əne, wɨ̀ nyaʼa jwɨ̀ wò ɨsɨg chweŋ mɨsɨ kwàʼ rɨŋgəʼ.

Matìyò 26:69

Pità nyaʼa chub ɨsɨg ɨŋga ɨkye ɨkam, əne wan əyi mɔʼɔ nɨ nyaʼə wə̀d ə̀fàʼì Kaifàs nyaʼa wò əsɨ məd pè ghà ɨ bɔ ni, “Àwɔ̀ bə̂ wɨə kə̀ʼ mbɨ Yeso we rɨ ə Galiliî.”

Gàlesìyà 6:18

Mbɨ bɔŋgɔb, à Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən. À yɨ əne.

1 Tèsàlonikà 4:1

Mba bɔŋgɔb, ɨ wo ɨmbì, tɨ̀ nyaʼa fə chwi ɨchî nɨ tɨ̀ mbə̀ chubɨ ɨmbə̀ʼ ghɨ ni fîŋ Ŋwìə̀ bɔŋ ə. À yɨ rəsìʼ ni mbə mbɨə chub əne. Tɨ̀nîn tɨ̀ wɨə buʼ ɨbɔ bə̀ ghà ɨ nən ənɨ ɨkum Ə̀nùŋɨ̀sɨg Yeso ni mbə̀ wo ɨmbì ghɨ əne chè ɨchî nɨ mbə̀ nyaʼə bèə̀ ghɨ̀ə̀.

2 Kɔrèn 2:8

Əne mə wɨə buʼ ɨbɔ ɨ nən ni mbə̀ chwi ɨ bɔ ni mbə kɨrɨ ghaʼ əməd.