Gàlesìyà 4:26 - Meta’

²⁶ Àyɨə ka Sèra yɨ i ə̀bòʼò. Məd ə təm ənɨ Jèrusalèm we nɨ yeʼ ɨkaŋ. Məd yɨ a nɨ̌ŋ.

Ikan feg

²⁶ Àsi Sèra, məd kayi àbòʼì. Məd təm yaʼ ane Jèrusalèm we ne yaʼi ikaŋ àbɔ̀ŋɔ. Məd ya ìwa ngɔb.

Gàlesìyà 4:26 Referans Kwoze

Mə̀Hibrù 12:22

Mbə fə yeʼe ɨkaŋ Ɨwum Zayɔ̀n. Mbə fə yeʼe ə Jèrusalèm we nɨ yeʼ ɨkaŋ, nɨ yeʼ əsɨ ə Ŋwìə̀ we nɨ yeʼ ɨkǎ. Mbə fə yeʼe əsɨ mbɨ̀aŋgɨrə̀ chuʼ mbɨ ə chuʼ nɨ fɔtɨ chub ənɨ ɨghaʼi.

Fìlipì 3:20

À yeʼ ɨmbə̀ʼ əwa, a əbeŋ yɨ ɨkaŋ. Tɨ̀ wɨə wòmə̀ ni Ə̀nùŋɨ̀sɨg Yeso Kristo, nɨ bɨrɨ chɨ̀ əwa rəŋgəʼ, bɨrɨ yeʼe rəŋgu.

Ɨnû 21:2

Mə nyaʼa zə əsɨ ə zeŋɨ nɨ nyaʼə swiʼə rɨkaŋ tɨ əmbɨ ə Ŋwiə̀. Əsɨ ə zeŋɨ ze yɨə Jèrusalèm fi. Mbɨ nyaʼa fə tekɨ əməd bə̀ yèʼ ɨchî nɨ mbɨə yèʼ ɨgən nɨ mbɨə wo chà əmbɨ ɨnom məd.

Ɨnû 3:12

Mə bɨrɨ nuŋ wə̀d we nɨ baŋ ɨnû rɨbɔ̀ŋ ənɨ ə təʼ ɨŋga mbàn mɨ Ŋwìə̀. Chəi wɨ̀ bɨrɨ nɔ jwɨ rɨŋga mbàn ze. Mə bɨrɨ ŋwàʼnɨ̀ ɨkum mɨ Ŋwiə̀ ɨgwɨ məd, bə̀ ŋwàʼnɨ̀ ɨkum tɨ ənɨ əsɨ mɨ Ŋwiə̀. Əsɨ ze yɨə Jèrusalèm fi we nɨ Ŋwiə̀ ə swiə rɨkaŋ. Mə bɨrɨ bɨ ŋwàʼnɨ̀ mɨ ɨkum fi ɨgwɨ məd.

Gàlesìyà 4:22

Ə zɨ ɨŋga Ə̀ŋwàʼnɨ̀ ə Ŋwiə̀ ni Abràham nyaʼa berɨ bɔn mbaŋə̀ mɨbe. Wɨ fibɨ̀ yɨə nyaʼa tɨ ənɨ əyi nɨ nyaʼa ə̀bòʼò. Wɨ fibɨ̀ yɨə nyaʼa tɨ ənɨ əyi nɨ ka nyaʼa i ə̀bòʼò.

Rm 6:18

Chəi ɨnû rɨbɔ̀ŋ wɨrɨ berɨ ənû nɨ ghɨ mbɨ nən, əne mbə yɨə sɨ ɨ̀bòʼò əmbɨ ɨnû nɨ təm kùʼnɨ̀.

Rm 6:14

Chəi ɨnû rɨbɔ̀ŋ wɨrɨ berɨ ɨka ɨgwɨ nən, ɨmbə̀ʼ ɨghəm nɨ chəi əwən əton rɨkə. Mbə mbɨ əton ɨ̀chɔ̀m Ŋwiə̀.

Jn 8:36

Wan Ŋwìə̀ mɨ fə chɨ̀ əwən tɨ ənɨ ə̀bòʼò, əne wɨ̀ fə chɨ̀ əwən koŋ.

1 Pità 2:16

Mbə̀ chub ɨghabɨ ə bə̂d mbe nɨ yeʼ ənɨ ə ɨghəm, àyɨə tɨ mbə nɨŋ əwən ɨchî nɨ mbə̀ə chub ənɨ ə ɨghəm ɨmbə̀ʼ ghɨ ɨnû rɨbɔ̀ŋ. Mbə̀ chub ɨchî nɨ bə̂d ə̀fàʼì Ŋwiə̀ berɨ chubɨ.

Gàlesìyà 5:1

Kristo fə chɨ̀ əwa rɨ əton ə̀bòʼò, ɨmbə̀ʼ tɨ rɨ̀ wɨrɨ chub a əton ə̀bòʼò. Mbə̀ təm kàànɨ̀, ɨmbə̀ʼ tɨ wə̀d mɔʼɔ ghɨ̀ i ni mbə̀ wɨrɨ ben ə̀bòʼò əmbɨ rɨkə.

Ɨnû 17:5

Mbɨ nyaʼa ŋwàʼnɨ̀ ɨkum ənɨ əkəŋ ɨsɨ əməd nɨ əton ənɨ ɨkum we yeʼ ənə̀mə. Ɨkum we yɨ ni, “Babilɔ̀n kyeŋ, ɨŋgɔb ɨ̀kùnɨ̀ jìm mbɨ ɨŋgɔb ɨnû rɨbɔ̀ŋ yiirɨ mbe nɨ yeʼ ɨgwɨ ə si.”

Gàlesìyà 4:25

Hagà ə təm ənɨ Ɨwum Sinài ə Àrebìà. Məd yɨ ɨghabɨ ə Jèrusalèm wɔ̂ rə̀chɔ̀ŋ, ɨmbə̀ʼ ɨghəm nɨ məd mbɨ mbi bɔn yɨ ɨ̀bòʼò.

Ɨnû 12:1

Ənweenɨ-ənû nɨ chè əbɔ ə nyaʼa jwɨ̀ ɨkaŋ: Əyi mɔʼɔ wɨə nyaʼa əŋgu, nɨ ngywɨ̌ məd yɨə nyaʼə nyùmə̀. Wɨ̀ nyaʼa nùŋ mbi ɨwu ɨgun ɨmɨg, bə̀ zɨ̀ ɨdəm ɨfɔ̀n nɨ berɨ tɨtəmɨ wum chɔ̀b rɨ̀be.