Gàlesìyà 4:19 - Meta’

¹⁹ Mbɨ bɔn nɨ mə̀ ghaʼi kwàʼ rɨŋgəʼ, mə wɨə yɨə zu rɨbuʼ ɨghabɨ əyi nɨə nombɨə. Mə bɨrɨ zu əne pè ənɨ mbə̀ yeʼ ɨghabɨ ə Kristo.

Ikan feg

¹⁹ Ìmbum bɔn ne mə̀ taŋ kɔ̀ŋ, anug azo̰ imbə̀ʼ awən ze tɔ mə kwàʼ icheg tibuʼ ne àyi we nɔ̀mbɔ ni gwi. Ze biri yaʼ ane anene pè ane nyumə̀ ne mbə̀ biri bèrì ikuchèg Kristo.

Gàlesìyà 4:19 Referans Kwoze

Rm 8:29

Bə̂d mbe nɨ Ŋwiə̀ nyaʼa be kyerɨ, wɨ̀ nyaʼa fə bə̀ chɔʼ nùŋ ni mbɨ bɨrɨ yeʼ ɨghabɨ i Wan, ɨmbə̀ʼ Wan we yeʼ wan fə̀d ɨŋga ɨnəbɨ kyeŋ.

Efesùs 4:13

wò pè ənɨ mba mɨjìm bɨrɨ fɔtɨ sɨ wə̀d mɔʼ ənɨ a ɨbenɨ, bə jeŋgɨ kyerɨ Wan Ŋwìə̀, bə̀ kwi kuʼ sɨ ɨghabɨ ə Kristo.

Rm 13:14

Àyɨə mbə̀ ghɨ ni Ə̀nùŋɨ̀sɨg Yeso Kristo kubrɨ əwən ɨchî nɨ ngywɨ̌ ə kubrə bə̂d. Əne tɨ mbə̀ naʼ ə əpan əmbɨ tə nyamnyod ni tɨ ghɨ ɨnû rɨbɔ̀ŋ mbe nɨ nyamnyod ə feenɨə.

Efesùs 4:24

bə̀ ghɨ̀ ni mbə̀ zɨ ɨnyod fi we nɨ mbɨ nyaʼa tekɨ ni wɨ̀ yeʼ ɨghabɨ ə Ŋwiə̀, ɨchî nɨ wɨə ghɨ̀ ɨnû rəsìʼ mbe nɨ kùʼnɨ̀, bə yeʼ mbe nɨ zeŋɨ.

Kòlosè 4:12

Epafràs, nɨ yeʼ wə̀d ə̀fàʼì Kristo, nɨ bə̀ yeʼ wə̀d rəbɔʼ nən wɨə chàʼrɨ̀ əwən. Ɨ wɨə kɔ̀ŋgɨ̀ ə Ŋwiə̀ kwàʼ rɨka ɨghəm jìm kɔndɨ əwən ni mbə̀ təm kàànɨ̀ bə̀ jeŋgɨ kyerɨ ɨnû jìm mbe nɨ Ŋwìə̀ kə̀bɨ.

Kòlosè 3:10

Tɨ̀nîn, mbə fə nɨŋ nyamnyod fi. Ŋwìə̀ wɨə beŋə nyamnyod fi zɔ̂ ni zɨ̀ jeŋgɨ kyerɨ əməd bə̀ chub ɨghabɨ əməd.

Fìlipì 2:5

Mbə̀ ghɨ ɨnû ɨchî nɨ Kristo Yeso nyaʼə ghɨ̀ə̀.

Jems 1:18

À yɨə məd ziə, ənɨ i ɨghəm, nyaʼa ghaʼ nɨ nɨŋ əwa ənɨ mbi bɔn ənjìm ɨŋgam məd we nɨ yeʼ wɨ rəsìʼ. Wɨ̀ nyaʼa nɨŋ əwa ɨmbə̀ʼ tɨ̀ berɨ tɨmbin rɨtu rəbɔʼ ɨghɨ mbe nɨ wɨ̀ nyaʼa tekɨ.

Filemɔ̀n 1:10

ə buʼ ɨbɔ ɨ ne ɨmbə̀ʼ mɨ wan, Ònèsimùs, nɨ mə̀ yeʼ mbǎʼ məd ɨchî nɨ mə̀ yeʼ ə nəb ndəŋ.

Kòlosè 1:27

Ŋwiə̀ nyaʼa kàŋ kə̀b ni bə̂d məd kyerɨ ni ənû ə kyeŋ ze nɨ yeʼ ənə̀mə yɨə bə̀ əmbɨ ə bə̂d mbe nɨ kaʼi mɨ̀Jû. Ənû ze nɨ yeʼ ənə̀mə yɨ ni Kristo wɨ ɨŋga mbə̀n mbe nɨ kaʼi mɨ̀Jû. Əne yɨ ni mbə bɨrɨ bɨ berɨ ɨwumnɨ ɨghabɨ wɨ məd.

Kòlosè 2:1

Mə wɨə kə̀bə̀ ni mbə̀ kyerɨ ni mə wɨə fàʼ rɨka ɨmbə̀ʼ əwən, ɨmbə̀ʼ bə̂d mbe rɨ ə Laodisià, fɔrɨ ɨmbə̀ʼ bə̂d mɨjìm mbe nɨ chəi mbɨ kyerɨ əmɨ.

Fìlipì 2:17

Kɨ̀ mə be kwɨ, mɨ ənəm ə bɨrɨ yeʼ ɨghabɨ ɨchəmnɨ nɨ mbɨ zɨ ɨgun ɨghɨ ə̀fà. Ɨghɨ ə̀fà mbe yɨ ɨbenɨ we nɨ mbə̀ nuŋ ɨgun ə Ŋwiə̀. Əne mɨ ɨnyod wɨə bɔ̀ŋə̀, mə bə̀ ghaʼrɨ ɨchî nɨ mbə̀n ə bə̀ ghaʼrɨə.

Fìlipì 1:8

Ŋwìə̀ ə kyerɨ ni mə ghaʼ əwən fɔrɨ ni mə wɨə bə̀ kàŋ kəb zə mbə̀n mɨjìm. Mə wɨə ghɨ əne àmei ɨchî nɨ Kristo Yeso ziə ghaʼ əwən.

1 Jɔn 5:21

Mbɨ bɔn nɨ mə̀ ghaʼi kwàʼ rɨŋgəʼ, tɨ mbə̀ berɨ ə ənû ə mɔʼɔ nɨ ghɨ̀ mbɨ mbɨ̀anèŋ.

1 Jɔn 2:12

Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ Ŋwìə̀ fə waʼ mbə ɨnû rɨbɔ̀ŋ ɨmbə̀ʼ ə Kristo.

1 Jɔn 2:1

Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨnû mbɔ̂ ɨ nən ɨmbə̀ʼ tɨ mbə̀ ghɨ ə ɨnû rɨbɔ̀ŋ. Àyɨə wə̀d mɔʼɔ mɨ ghɨ̀ ənû rɨbɔ̀ŋ, tɨ̀ berɨ wə̀d mɔʼɔ nɨə buʼ ɨbɔ əmbɨ Mbǎʼ ɨgwɨ mba ɨtu. Məd yɨə Yeso Kristo we nɨə ghɨ̀ ɨnû nɨ kuʼnɨ.

Mə̀Hibrù 5:7

Ənɨ Yeso nyaʼa ɨgwɨ ə si, ɨ wɨə nyaʼə kɔ̀ŋgɨ̀ ə Ŋwìə̀ bə̀ nɔn ɨnû rɨ əmbɨ ə Ŋwìə̀ we nɨ tɨ̀ wɨ̀ nyaʼa fe əməd tɨ əmbɨ ɨvɨ. Ɨ wɨə nyaʼə kɔŋgɨ əne mbɨ əwob ə ka ka fɔrɨ mbɨ mɨsɨ əghə. Ŋwiə̀ nyaʼa zu ə̀kɔ̀ŋgɨ̀ əməd ɨmbə̀ʼ ɨghəm nɨ wɨ̀ nyaʼa swi i ɨnyod wumnɨ ə Ŋwiə̀.

Tayitùs 1:4

Mə wɨə ŋwàʼnɨ̀ ɨ ne, àwɔ̀ Taitùs, nɨ yeʼ mɨ wan rəsìʼ ɨchî nɨ mɔ̌ mbɨ ne tɨ̀ ben ə Kristo. Ŋwìə̀ Mbǎʼ mbɨ Kristo Yeso nɨə chɨ̀ əwa rəŋgəʼ, ghɨ ɨ̀chɔ̀m ənɨ ə ne bə̀ nàʼ əbɔrəbɔd ɨ ne.

Filemɔ̀n 1:19

Àyɨə mɔ̌ Pɔ̂l ŋwaʼnɨ ə̀ŋwàʼnɨ̀ zɔ̂ ənɨ mɨ əbɔ, mə bɨrɨ wi ɨ ne. Kyerɨ ni à yim njɔ ɨ num ɨmbə̀ʼ ɨchî nɨ mə nyaʼa ghɨ ni à ben ə Kristo.

1 Timotì 1:2

Mə wɨə ŋwàʼnɨ̀ ɨ ne àwɔ̀ Timotì, nɨ à yeʼ mɨ wan rəsìʼ ɨchî nɨ tɨ̀ ben ə Kristo. Ŋwìə̀ Mbǎʼ mbɨ Kristo Yeso a Ə̀nùŋɨ̀sɨg ghɨ ɨ̀chɔ̀m ənɨ ə ne, dììrɨ̀ əwe bə̀ nàʼ əbɔrəbɔd ɨ ne.

Lk 22:44

Ɨchî nɨ wɨ̀ nyaʼa ɨŋga ŋgəʼ kyeŋ, wɨ̀ nyaʼa jeŋgɨ kɔ̀ŋgɨ̀ ə Ŋwiə̀ ənɨ i fîŋ jìm. Mɨnimə məd mbɨə nyaʼə chəmbɨ ə si ɨghabɨ ənəm.]

2 Kɔrèn 12:14

Mə wɨə tekɨ mɨ ɨnyod nɨ yeʼe əsɨ nən ənɨ ɨghəm nɨ pe tad. Chəi mə bɨrɨ chə əwən ɨmbə̀ʼ ɨghəm nɨ chəi mə kəb ɨkab. Mə kə̀b yeʼ əwən. Kaʼi bɔn berɨ nuŋ ɨghɨ əmbɨ mbə mɨ̀mbǎʼ fɔrɨ əmbɨ mbə mɨ̀nɨ̌ŋ. À yɨə mɨ̀mbǎʼ mbɨ mɨ̀nɨ̌ŋ berɨ nuŋ ɨghɨ əmbɨ mbə bɔn.

1 Tèsàlonikà 2:7

ka à be yeʼi ni ɨghabɨ ə bə̂d tom Kristo njɨ tɨ̀ nyaʼa biirɨ ɨghɨ rɨ nən. Tɨ̀ wɨə nyaʼə kàŋə̀ bɔtɨ əkaʼ nən ɨghabɨ ɨŋgɔb nɨə nəŋgɨə mbi bɔn.

3 Jɔn 1:4

Chəi ɨghaʼi cherə ɨŋga mɨ fîŋ nɨ che rɨ ənɨ ɨchî nɨ mə̀ zu ni mbɨ bɔn mbɨə beenɨ əbɔʼ rəsìʼ.