Gàlesìyà 3:8 - Meta’

⁸ Ə̀ŋwàʼnɨ̀ ə Ŋwìə̀ ə nyaʼa fə ghà rɨmbì ni Ŋwìə̀ bɨrɨ ghɨ ni bə̂d mbe nɨ kaʼi mɨ̀Jû təm kùʼnɨ̀ ənjìm ɨchî nɨ mbɨ nuŋ fîŋ ɨgwɨ məd. Əne wɨ̀ nyaʼa fə bè ghà ɨkə̂n chɔ̀m əmbɨ ə Abràham ni, “Mə bɨrɨ che ənɨ e njìm zɨ̀ əbɔrəbɔd ɨgwɨ ɨbeŋ jìm.”

Ikan feg

⁸ Ìngam Ŋwiye ya fə bì ghum ghà gha, Ŋwiye biri ghì bəd mbe ne kayi mə̀Ju mbi si bəd Ŋwiye anjìm ìwɔb ibḛfiŋ. À ya aton ne, Ŋwiye ya fə bi ghà ikən chɔm gho̰ abə Abràham gha, “Ŋwiye biri chè ine anjìm zì àbɔrɔ̀bɔd igun iben ijìm.”

Gàlesìyà 3:8 Referans Kwoze

Mə̀Hibrù 4:2

Ɨkə̂n chɔ̀m nyaʼa yeʼe ɨ na ɨchî nɨ wɨ nyaʼa bə̀ yeʼe əmbɨ ə bə̂d mbe nɨ nyaʼa ghɨ ɨnû rɨbɔ̀ŋ ɨŋga ɨbad rɨkwàʼi. Mbɨ nyaʼa zu ɨkə̂n we àyɨə chəi wɨ nyaʼa weerɨ mɨ̀mə̌d, ɨmbə̀ʼ ɨghəm nɨ mbɨ nyaʼa zu àyɨə chəi mbɨ nyaʼa benɨ.

Gàlesìyà 3:22

Àyɨə ə zɨ ɨŋga Ə̀ŋwàʼnɨ̀ ə Ŋwiə̀ ni ɨsɨg jìm wɨ əton ɨnû rɨbɔ̀ŋ. Əne ɨnû mbe nɨ Ŋwìə̀ nyaʼa kaʼi ənjìm ɨchî nɨ bə̂d nuŋ fîŋ ɨgun ə Yeso Kristo, ɨ we tɨ̀ wɨ̀ nàʼ əmbɨ ə bə̂d mbe nɨ benɨ.

Gàlesìyà 3:16

Ŋwìə̀ nyaʼa kàʼ ɨnû mbɔ̂ əmbɨ Abràham bə̀ kàʼ əmbɨ ə wan tɨ ənɨ əghaŋ əməd. Chəi Ə̀ŋwàʼnɨ̀ ə Ŋwiə̀ ə gha ni, “Əmbɨ ə bɔn tɨ ənɨ əghaŋ əməd,” əne yɨə bə̂d mɨ̀nɔnɔʼ. Zɨə ghà yeʼ ni, “Əmbɨ ə wan tɨ ənɨ e əghaŋ,” əne yɨə Kristo.

Jn 7:38

Wə̀d mɔʼɔ we nɨ ben ənû ze nɨ mɨə ghàə̀, wɨ̀ yeʼe nɨŋ nɔ. Zɨə bɨrɨ yeʼ ɨ bɔ ɨchî nɨ mbɨ ŋwaʼnɨ ɨŋga Ə̀ŋwàʼnɨ̀ ə Ŋwiə̀ ni, 'Mɨgyɨ̂ nɨə nàʼ ɨ̀tènɨ̀ bɨrɨ koŋ rɨŋga fîŋ məd.'”

Ɨnû 11:15

Aŋgɨrə̀ we nɨ pe ənɨ mbɨ sambe nyaʼa fə i tàŋ, əne gɨ̂ rɨ kǎ kǎ mɔʼɔ tɨə nyaʼə gham rɨkaŋ ghàə̀ ni, “Ənû ɨfɔ̀n rɨ ɨgwɨ ɨsɨg fə bèŋ sɨ ənû ɨfɔ̀n a Ə̀nùŋɨ̀sɨg mbɨ əzɨ wə̀d məd we nɨ wɨ̀ zɔʼɔ. Əne məd bɨrɨ tumbɨ ɨsɨg koŋ koŋ.”

Rm 9:30

Tɨ̀ kɨə wo gha ni yè? Tɨ̀ bɨrɨ gha ni bə̂d mbe nɨ kaʼi mɨ̀Jû, nɨ chəi mbɨ nyaʼə kə̀b ənû nɨ təm kùʼnɨ̀, fə təm kùʼnɨ̀ ənjìm ɨbenɨ.

Rm 9:17

Ə zɨ ɨŋga Ə̀ŋwàʼnɨ̀ ə Ŋwiə̀ ni Ŋwìə̀ nyaʼa ghà əmbɨ Ferò ni, “Mə nyaʼa nùŋ əwe ənɨ ɨfɔ̀n ɨmbə̀ʼ nɨŋ əwe chwi mɨ ɨka. Əze ə bɨrɨ ghɨ ni bə̂d gha ənû ɨmbə̀ʼ əmɨ ɨŋga ɨsɨg jìm.”

Gàlesìyà 4:30

Zɨə kɨ ɨŋga Ə̀ŋwàʼnɨ̀ ə Ŋwiə̀ ni yè ə? Ə zɨ ɨŋga ni, “Kəndɨ ə̀bòʼò ze mbɨ ə wan məd, ɨmbə̀ʼ ɨghəm nɨ ka wan ə̀bòʼò we bɨrɨ fɔtɨ i ɨmbə̀ʼ jɨg ɨghɨ mbɨ we nɨ ka ɨŋgɔb məd yɨ i ə̀bòʼò.”

Ɨ̀fàʼì 2:35

pè ənɨ mə̀ fə baŋ mbe bə̂d pə̀n ghɨ̀ mbɨ yeʼ ɨghɨ nɨ à bɨrɨ teerɨ mbe ɨwu ɨgun.

Jn 7:42

Ɨmbə̀ʼ ə zɨ ɨŋga Ə̀ŋwàʼnɨ̀ ə Ŋwiə̀ ni Wə̀d we nɨ Ŋwìə̀ zɔʼɔ yɨə wan tɨ ənɨ əghaŋ ə Ɨfɔ̀n Dèvîd, fɔrɨ ni məd yɨ rɨ ə Betlehem, nɨ yeʼ əsɨ ze nɨ ɨfɔ̂n Dèvîd nyaʼa chub əŋgu ə?”

Jn 19:37

Mbɨ ŋwàʼnɨ̀ ɨŋga əsɨ Ə̀ŋwàʼnɨ̀ ə Ŋwiə̀ ə cherə ni, “Mbɨ bɨrɨ neŋ əməd we nɨ mbɨ nyaʼa zum ənɨ ɨwɔŋ.”