Gàlesìyà 3:19 - Meta’

¹⁹ Ŋwìə̀ nyaʼa nàʼ rɨkə ɨmbə̀ʼ ə yè ə? Wɨ nyaʼa yì rɨkə əbɔʼ fɨso ɨmbə̀ʼ ɨghəm nɨ bə̂d mbɨə nyaʼə gù ɨnû. Tɨkə nyaʼa berɨ yeʼ əŋgu pè ənɨ ə wan we nɨ Ŋwìə̀ nyaʼa kaʼi ɨnû mbe ɨ bɔ yeʼe. Ŋwìə̀ nyaʼa chè ənjìm mbɨ̀aŋgɨrə̀ nàʼ rɨkə te əmbɨ Mose ni wɨ̀ naʼ əmbɨ ə bə̂d. Əne wə̀d wɨ ɨŋga mɨgharə̀ Ŋwìə̀ mbɨ ə bə̂d.

Ikan feg

¹⁹ Icheg ne ze yaʼi ane, àfàʼì mə̀nɔ̀ʼɔ̀ kə ywìrè aghə? Ŋwiye ya yètì mə̀nɔ̀ʼɔ̀ imbə̀ʼ inug tibɔ̀ŋ ne bəd yaya ghìyə̀. Mə̀nɔ̀ʼɔ̀ biri yaʼ ane anene ghò pè ane aneg ne ŋwan we inga aghaŋ inəbi ze Abràham ne Ŋwiye ya kàʼi ibo biri yeʼe. Ŋwiye ya chà mbè angirə̀ gha mbe yeʼe zì mə̀nɔ̀ʼɔ̀ ikye abo abə wə̀d we ne tə̀mə inga ìsàn abə bəd tì Ŋwiye, se dèghè inug bəd abə Ŋwiye.

Gàlesìyà 3:19 Referans Kwoze

Ɨ̀fàʼì 7:53

Mbə nyaʼa nɨŋ tɨkə te nɨ mbɨ̀aŋgɨrə̀ nyaʼa naʼa, àyɨə chəi mbə̀ə nùŋə̀.”

Mə̀Hibrù 2:2

Ɨkə̂n we nɨ mbɨ̀aŋgɨrə̀ nyaʼa gha əmbɨ mba mɨ̀mbǎʼ rəŋwe yɨə nyaʼa ɨkə̂n rəsìʼ. Əne bə̂d mɨ̀jìm mbe nɨ chəi mbɨ nyaʼa ghɨ̀ ɨnû mbe nɨ mbɨ nyaʼa gha ɨŋga ɨkə̂n we, kɨ̀ mbe nɨ chəi mbɨ nyaʼa ghɨ ɨnû mbe, nyaʼa berɨ ɨchə nɨ kuʼnɨ.

Gàlesìyà 3:16

Ŋwìə̀ nyaʼa kàʼ ɨnû mbɔ̂ əmbɨ Abràham bə̀ kàʼ əmbɨ ə wan tɨ ənɨ əghaŋ əməd. Chəi Ə̀ŋwàʼnɨ̀ ə Ŋwiə̀ ə gha ni, “Əmbɨ ə bɔn tɨ ənɨ əghaŋ əməd,” əne yɨə bə̂d mɨ̀nɔnɔʼ. Zɨə ghà yeʼ ni, “Əmbɨ ə wan tɨ ənɨ e əghaŋ,” əne yɨə Kristo.

Rm 4:15

ɨmbə̀ʼ ɨghəm nɨ tɨkə tɨə ghɨ̀ ni Ŋwìə̀ sə ɨtəm. Mbə̀ kyerɨ ə ni əsɨ ze nɨ chəi rɨkə əŋgu, chə bə̀ i ɨgu-ənû əŋgu.

Rm 2:13

ɨmbə̀ʼ ɨghəm nɨ kaʼi bə̂d mbe nɨə zu rɨkə mbe ə ghɨ̀ ɨnû nɨ kuʼnɨ. À yɨ mbe nɨə ghɨ̀ ɨnû mbe nɨ tɨkə ə ghàə̀ nɨ Ŋwìə̀ bɨrɨ ben ni ɨnû mɨ̀mə̌d ə kùʼnɨ̀.

Ɨ̀fàʼì 7:38

Mose wɨə nyaʼə mbɨ mɨ̀Izre ɨŋga ɨbad rɨkwàʼi. Ɨ wɨə nyaʼə mbɨ aŋgɨrə̀ we nɨ nyaʼa gham ɨ bɔ ɨkaŋ Ɨwum Sinài. Ɨ wɨə nyaʼə bə̀ mbɨ mba mɨ̀mbǎʼ rəŋwe. Wɨ̀ nyaʼa nɨŋ mɨkə̂n mbe nɨə ghɨ̀ ni bə̂d jɨg ɨ̀tènɨ̀ yeʼe naʼ ɨ na.

Jn 15:22

À mɨ yeʼ nɨ chəi mə̀ nyaʼa yeʼe ɨŋga ɨsɨg pè gham əmbɨ mɨ̀mə̌d, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn, chəi mbɨ berɨ ənû nɨ ghà ɨmbə̀ʼ ɨchî nɨ ɨ mbɨə kɨrɨ ghɨ ɨnû rɨbɔ̀ŋ.

Jn 1:17

Ŋwìə̀ nyaʼa naʼ tɨkə ənjìm ə Mose, àyɨə ɨ̀chɔ̀m mbɨ rəsìʼ nyaʼa yeʼe ənjìm ə Yeso Kristo.

Mə̀Hibrù 2:5

Chəi Ŋwìə̀ nyaʼa nuŋ ni ɨsɨg we nɨ tɨə ghàm ɨmbə̀ʼ wɨwən yeʼ əton mbɨ̀aŋgɨrə̀.

Lk 16:31

Abràham nyaʼa ghà ɨ bɔ ni, 'À mɨ yeʼ ni chəi mbɨ zu ɨnû mbe nɨ Mose mbɨ ə bə̂d ɨ̀kə̀n Ŋwiə̀ ə ghàə̀, njɨ ka wə̀d mɔʼɔ bè zwemə wò ghàm əmbɨ mɨ̀mə̌d, chəi mbɨ bɨrɨ benɨ.'”