Gàlesìyà 3:14 - Meta’

¹⁴ Kristo Yeso nyaʼa ghɨ̀ əne ɨmbə̀ʼ əbɔrəbɔd ze nɨ Ŋwìə̀ nyaʼa kaʼi əmbɨ Abràham ə nyɨ ɨgun ə bə̂d mbe nɨ kaʼi mɨ̀Jû. Ɨchî nɨ zɨə yeʼ əne, Əzwî ə Zeŋɨ ze nɨ Ŋwìə̀ nyaʼa kaʼi ə bɨrɨ nyɨ ɨgwɨ na ənjìm ɨchî nɨ tɨ̀ nuŋ fîŋ ɨgwɨ məd.

Ikan feg

¹⁴ Kristo ya ghì ane ni gha àbɔrɔ̀bɔd ze ne Ŋwiye ya kàʼi abə Abràham, ze biri bə yeʼe abə bəd mbe ne kayi mə̀Ju anjìm ibḛfiŋ igun Yeso Kristo. Àzo̰ ghì gha mba ina bə bèrì Azwighi Ŋwiye ze ne Ŋwiye ya kàʼi gha tì biri bèrì anjìm ibḛfiŋ igun Yeso Kristo.

Gàlesìyà 3:14 Referans Kwoze

1 Kɔrèn 12:13

Tɨ̀ nyaʼa nɨŋ mɨnib ənjìm Əzwî ze ə mɔʼ. Əne tɨ̀ fə fɔtɨ sɨə nyamnyod mɔʼ. Ŋwìə̀ nyaʼa zɨ̀ Əzwî ze ə mɔʼ ɨŋga ta fîŋ, kɨ̀ tɨ̀ yɨ mɨ̀Jû kɨ̀ bə̂d nɨ kaʼi mɨ̀Jû, kɨ̀ tɨ̀ yɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

Efesùs 2:18

À yɨə Kristo ghɨ ni mba mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû, tɨ̀ berɨ ɨnə̂njɨ̀ nɨ wò əmbɨ ə Mbǎʼ ənjìm Əzwî ə Zeŋɨ.

Gàlesìyà 3:2

Mbə̀ sɨ mə biirɨ àmei ənû zɔ̂ ə mɔʼ ɨ nən: Ŋwìə̀ wa nyaʼa nàʼ əzwî ɨ nən ɨmbə̀ʼ ɨchî nɨ mbə̀ nyaʼa ghɨ ɨnû mbe nɨ yeʼ ɨŋga rɨ̀kə̌, kɨ̀ ɨmbə̀ʼ ɨchî nɨ mbə̀ nyaʼa ben ənû ze nɨ mbə̀ nyaʼa zu ə?

Ɨ̀fàʼì 2:33

Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

Jn 7:39

Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

Efesùs 4:30

Tɨ mbə̀ ghɨ ə ni Əzwî ə Ŋwiə̀ ə Zeŋɨ ə kənə. Əzwî ə Zeŋɨ ze yɨ ənweenɨ nɨ chwi ni mbə yɨə bə̂d Ŋwiə̀ wò pè əni ze nɨ Ŋwìə̀ bɨrɨ choʼ mbə ɨtu.

Efesùs 3:16

Mə wɨə kɔ̀ŋgɨ̀ ə Ŋwiə̀ ni, ɨchî nɨ wɨ̀ berɨ mbɔ̂n ze nɨ ka zɨ bɨrɨ nɔ mi i, ɨ we tɨ wɨ̀ ghɨ̀ tə fîŋ kaanɨ ənjìm ɨka we nɨ Əzwî əməd ə nàʼə̀.

Efesùs 2:22

Ənɨ ɨfɔtɨ mbɨ məd, ɨ mbɨə bə̀ bɔmə mbə̀n mbe nɨ kaʼi mɨ̀Jû ənɨ əsɨ ze nɨ Ŋwiə̀ nɨ yeʼ əzwî ə chub əŋgu.

Gàlesìyà 4:6

Ɨchî nɨ mbə̀ yeʼ bɔn, Ŋwìə̀ fə chà Əzwî ə Wan məd ɨŋga ta fîŋ. Əzwî ze ə zɨə kyeŋə ghàə̀ ni, “Mbǎʼ, mɨ Mbǎʼ!”

Gàlesìyà 3:16

Ŋwìə̀ nyaʼa kàʼ ɨnû mbɔ̂ əmbɨ Abràham bə̀ kàʼ əmbɨ ə wan tɨ ənɨ əghaŋ əməd. Chəi Ə̀ŋwàʼnɨ̀ ə Ŋwiə̀ ə gha ni, “Əmbɨ ə bɔn tɨ ənɨ əghaŋ əməd,” əne yɨə bə̂d mɨ̀nɔnɔʼ. Zɨə ghà yeʼ ni, “Əmbɨ ə wan tɨ ənɨ e əghaŋ,” əne yɨə Kristo.

2 Kɔrèn 1:22

zɨ̀ ənweenɨ əməd ɨgwɨ na, bə̀ zɨ̀ e Əzwî ɨŋga ta fîŋ. Əzwî ze yɨ əghɨ rəbɔʼ mbe nɨ wɨ̀ kaʼ ni tə bɨrɨ naʼ ɨ na.

Ɨ̀fàʼì 5:32

Mbǎ mbɨ Əzwî ə Zeŋɨ ze nɨ Ŋwìə̀ naʼ əmbɨ ə bə̂d mbe nɨə zuunɨ əməd yɨə mɨ̀zərɨmbin ənɨ ɨnû mbɔ̂.”

Ɨ̀fàʼì 4:12

Chəi wə̀d cherə nɨ tɨ̀ wɨ̀ chɨ̀ bə̂d rəŋgəʼ, ɨmbə̀ʼ ɨghəm nɨ chəi wə̀d cherə ɨgwɨ ə si nɨ Ŋwìə̀ nyaʼa nuŋ ni wɨ̀ chɨ bə̂d rəŋgəʼ.”

Lk 24:49

Mbə̀ zə, mə bɨrɨ cha əghɨ ze nɨ mɨ Mbǎʼ kaʼ ɨ nən. Àyɨə mbə̀ chub ə Jèrusalèm pè ənɨ Ŋwìə̀ naʼ ɨka nən.”

Lk 11:13

Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ nɨ yeʼ ɨkaŋ bɨrɨ kaŋ naʼ Əzwî ə Zeŋɨ əmbɨ ə bə̂d mbe nɨ nɔn ɨ bɔ!”

1 Pità 3:9

Tɨ mbə̀ wi ə ɨbə ɨgwɨ ɨbə. Tɨ mbə wi ə mɨzɔ̂m ɨgwɨ mɨzɔ̀m. Bə̂d mɨ ghɨ̀ ənû ənɨ ə nən, mbə̀ wi yeʼ ənɨ əbɔrəbɔd. Ŋwiə̀ nyaʼa tɔŋ əwən ni mbə ghɨ əne ɨmbə̀ʼ wɨ̀ zɨ əbɔrəbɔd ɨgwɨ nən.