Gàlesìyà 1:8 - Meta’

⁸ Àyɨə ka àbei mbǎ kɨ̀ aŋgɨrə̀ nɨ yeʼe rɨkaŋ, wə̀d mɔʼɔ rəbɔʼ na mɨ ghà ɨkə̂n chɔ̀m nɨ kwepɨ rɨ ənɨ we nɨ tɨ̀ nyaʼa ghà ɨ nən, Ŋwìə̀ zɨ ndɔ̀n ɨgwɨ məd!

Ikan feg

⁸ Anug ne angu ya gha, ka bèyi mba mbo̰ kə̀ angirə̀ ne swiʼi ikaŋ àbɔ̀ŋɔ mə̀ ghà anug mɔ̀ʼɔ inən gha à ya ikən chɔm chèyi ane we ne tì ya fə gha inən, Ŋwiye ziye ndɔ̀n igun tengàŋ.

Gàlesìyà 1:8 Referans Kwoze

Gàlesìyà 1:9

Ɨchî nɨ tɨ̀ nyaʼa fə gha rɨmbì, mə yɨ əni yɨə ghàə̀ tɨ̀nîn ni: Wə̀d mɔʼɔ mɨ yeʼə ghà ɨkə̂n chɔ̀m ɨ nən nɨ kwepɨ rɨ ənɨ we nɨ mbə̀ nyaʼa fə be zu benɨ, Ŋwìə̀ zɨ ndɔ̀n ɨgwɨ məd.

1 Kɔrèn 16:22

À mɨ yeʼ nɨ chəi wə̀d mɔʼɔ ghaʼ Ə̀nùŋɨ̀sɨg, ndɔ̀n yɨ zɨ məd. A Ə̀nùŋɨ̀sɨg, yeʼe!

Rm 9:3

Mə nyaʼa kàŋ kə̀b ni njɨ Ŋwìə̀ zɨ ndɔ̀n ɨgwɨ num, sob əmɨ tɨ ənɨ ɨfɔtɨ we nɨ mə berɨ mbɨ Kristo ɨmbə̀ʼ ətu mbɨ bɔŋgɔb mbe nɨ tɨ̀ fɔtɨ ɨnəbɨ.

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

2 Pità 2:14

Ɨ mbɨə kɨə nèŋə̀ məyi mbe nɨə niirɨə mbaŋə̀ ɨmbə̀ʼ ni mɨ̀mə̌d. Chəi mbɨə bɔrə nɨ ghɨ ɨnû rɨbɔ̀ŋ. Ɨ mbɨə tambɨ ə bə̂d mbe nɨ chəi fîŋ tɨ mɨ̀mə̌d kɨrɨ kaanɨ. Mbɨ fə kwembɨ ənû nɨ kɨə ghɨ̀ əjə. Ŋwìə̀ bɨrɨ zɨ ndɔ̀n ɨgwɨ mɨ̀mə̌d.

Ɨ̀fàʼì 23:14

Mbɨ nyaʼa taŋ əne, wò əsɨ bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ mɨ̀Jû, pè ghà ni, “Tɨ̀ fə kàʼ kàn ni chəi tɨ̀ bɨrɨ jɨg əghɨ ə mɔʼɔ pè ənɨ tɨ̀ fə zwiirɨ ə Pɔ̂l.

Tayitùs 3:10

Ənɨ à fə patɨ wə̀d mɔʼɔ we nɨə saanɨə bə̂d ɨghəm mɔʼ kɨ ɨghəm be, tɨrə̀ wɨrɨ berɨ e ənû ə mɔʼɔ nɨ ghɨ̀ mbɨ məd.

Gàlesìyà 3:13

Kristo nyaʼa choʼ mba ɨtu tɨ ənɨ ə ndɔ̀n ze nɨ rɨkə nyaʼa zɨ ɨgwɨ na. Wɨ̀ nyaʼa ghɨ̀ əne ɨchî nɨ wɨ̀ nyaʼa beʼ ndɔ̀n ɨmbə̀ʼ əwa. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ mbɨ tiŋ əməd ɨkaŋ əzed.”

1 Kɔrèn 12:3

Əne tɨ̀nîn mə kə̀b ni mbə̀ kyerɨ ni chəi wə̀d mɔʼɔ we nɨə ghà ɨŋgam nɨ Əzwî ə Ŋwiə̀ ə naʼ ɨ bɔ we tɨ̀ wɨ̀ ghà ni, “Ndɔ̀n nyɨ ɨgwɨ ə Yeso.” Mə bə̀ kə̀b ni mbə̀ kyerɨ ni chəi wə̀d mɔʼɔ we tɨ̀ wɨ̀ ghà ni, “Yeso yɨ Ə̀nùŋɨ̀sɨg,” nɨ kaʼi Əzwî ə Zeŋɨ ə ghɨ ni wɨ̀ gha əne.

Mk 14:71

Pità nyaʼa zu əne kɔ zom i ɨnyod bə̀ kɔ kanɨ ghàə̀ ni, “Chəi mə̀ kyerɨ mbaŋə̀ ze nɨ mbɨə ghà ɨmbə̀ʼ əməd.”

Gàlesìyà 3:10

Ndɔ̀n zɨ ɨgun ə bə̂d mɨ̀jìm mbe nɨ zɨ ətu àmei nɨ ghɨ ɨnû mbe nɨ yeʼ ɨŋga rɨ̀kə̌. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ chəi wɨə nùŋ ɨnû jìm mbe nɨ yeʼ ɨŋga Ə̀ŋwàʼnɨ̀ rɨkə fɔrɨ ɨgwɨ we nɨ chəi wɨə bə̀ ghɨ̀ə̀.”

Rm 16:17

Mbɨ bɔŋgɔb, mə wɨə buʼ ɨbɔ ɨ nən ni mbə̀ we əwən mbɨ ə bə̂d mbe nɨə ghɨ̀ ni bə̂d Kristo ghabrə mbɨ ni mbɨ feb ɨnə̂njɨ̀. Ɨ mbɨə ghɨ̀ əne ɨchî nɨ mbɨə ton ɨnû mbe nɨ mbə̀ nyaʼa fə be kwembɨ. Tɨ mbə̀ tiinɨ ə ɨban mɨ̀mə̌d,