Gàlesìyà 1:12 - Meta’

¹² Kaʼi wə̀d mɨ̀sɔŋɨchù mɔʼɔ nyaʼa gha ɨkə̂n chɔ̀m wɔ̂ ɨ num, kɨ̀ ni à yɨə wə̀d mɔʼɔ nyaʼa chwi ɨ num. À yɨə Yeso Kristo ziə nyaʼa chwi ɨ num.

Ikan feg

¹² Kayi wə̀d-aku ya ghà ikən chɔm gho̰ inum. Kayi bə̀ wə̀d-aku ya chwiti inum. À ya Yeso Kristo ya ghi mə kyeri ikən chɔm gho̰.

Gàlesìyà 1:12 Referans Kwoze

Gàlesìyà 1:16

nɨ chwi i Wan ɨ num, ɨmbə̀ʼ mə̀ gha ɨkə̂n chɔ̀m ɨmbə̀ʼ əməd əmbɨ ə bə̂d mbe nɨ kaʼi mɨ̀Jû. Ənɨ wɨ̀ nyaʼa ghɨ ɨ̀chɔ̀m we ənɨ ə num əne, chəi mə̀ nyaʼa ghambɨ mbɨ wə̀d mɔʼɔ.

Gàlesìyà 1:1

À yɨə mɔ̌ Pɔ̂l, nɨ mə yeʼ wə̀d tom Kristo, ŋwaʼnɨ ə̀ŋwàʼnɨ̀ zɔ̂. Kaʼi bə̂d nyaʼa chɔʼ əmɨ tom. Ka ɨka we nɨ chɔʼ əmɨ yɨ i rɨ əmbɨ ə bə̂d. Ɨka we yɨ rɨ əmbɨ Yeso Kristo bə̀ fɔrɨ rɨ əmbɨ Ŋwìə̀ Mbǎʼ we nɨ nyaʼa zwemnɨ əməd.

2 Kɔrèn 12:1

Mə berɨ goŋ ɨgɔ̂. Ka à bè yeʼi ni chəi njìm əŋgu, àyɨə mə bɨrɨ wo ɨmbì ghà ɨghɨ mbe nɨ mə nyaʼa zə ɨŋga tɨ̀taanɨ njə̀m bə̀ ghà mbe nɨ Ə̀nùŋɨ̀sɨg nyaʼa chwi ɨ num.

1 Kɔrèn 2:10

Àyɨə Ŋwìə̀ fə chwi ɨnû mbe ɨ na ənjìm Əzwî əməd. Əzwî ze ə zɨə kyèʼ ɨnû jìm, ka àbei ɨnû mbe nɨ yeʼ ənə̀mə ɨmbə̀ʼ ə Ŋwiə̀.

1 Kɔrèn 11:23

Ənû ze nɨ mə̀ nyaʼa zu rɨ əmbɨ Ə̀nùŋɨ̀sɨg ziə, à yɨ əzɨ əwən ze nɨ mə̀ nyaʼa gha ɨ nən. Ənû ze yɨ ni, ɨzimɨ we nɨ mbɨ nyaʼa fen Ə̀nùŋɨ̀sɨg Yeso, wɨ̀ nyaʼa nɨŋ chiŋ ŋgə̀ŋ,

2 Kɔrèn 10:7

Mbə mbɨə neŋ ɨghɨ àmei əsaŋ əsaŋ. Wə̀d mɔʼɔ mɨ kyerɨ ni tə yɨə wə̀d Kristo, wɨ̀ bə kyerɨ ni tɨ̀ yɨə bə̀ə bə̂d Kristo ɨghabɨ ə məd.

Gàlesìyà 2:2

Mə nyaʼa wò ɨmbə̀ʼ ɨghəm nɨ à yɨə Ŋwìə̀ nyaʼa chwi ɨ num ni mə̀ wo əŋgu. Mə nyaʼa wò pè tòʼrɨ̀ ɨkə̂n chɔ̀m we nɨ mə nyaʼə ghà əmbɨ ə bə̂d mbe nɨ kaʼi mɨ̀Jû. Mə nyaʼa tòʼrɨ̀ àmei əmbɨ ə bə̂d mbe nɨ nyaʼə chà ɨfetɨ we rɨ ə Jèrusalèm. Mə nyaʼa ghɨ̀ əne ɨmbə̀ʼ tɨ ə̀fàʼì ze nɨ mɨə fàʼə̀ kɨ̀ əze nɨ mə nyaʼa fə faʼi, ə che ətu ə̀kǒ.

Efesùs 3:3

Ŋwiə̀ nyaʼa ghɨ̀ mə kyerɨ ɨnû mbe nɨ yeʼ ənə̀mə, ɨchî nɨ mə fə kəʼ ŋwàʼnɨ̀ ənɨ akə ɨŋgam.

1 Tèsàlonikà 4:15

Ənû zɔ̂ nɨ tɨə ghà ɨ nən yɨ ənû nɨ Ə̀nùŋɨ̀sɨg ziə nyaʼa ghǎ. Wɨ̀ nyaʼa ghà ni ka mbà mbe nɨ yeʼ ɨkǎ ənɨ ə nyùmə̀ we nɨ Ə̀nùŋɨ̀sɨg wɨrɨ yeʼe bɨrɨ be wò a ɨmbì mbe nɨ fə kwɨ.