Fìlipì 2:30 - Meta’

³⁰ ɨmbə̀ʼ ɨghəm nɨ wɨ̀ nyaʼa nɨrə kwɨ ɨchî nɨ wɨ̀ nyaʼə fàʼ əmbɨ Kristo. Wɨ̀ nyaʼa bə̀ sɔ̀ŋ i ɨ̀tènɨ̀ ɨmbə̀ʼ weerɨ əmɨ nɨ chəi ənɨ tɨ̀ mbə nyaʼa ghɨ̀ əne.

Ikan feg

³⁰ imbə̀ʼ icheg ne wì ya fə ŋa kùyə ane àfàʼì Kristo. Wì ya sɔ̀ŋ àze atog ni wètì amə ane nyùmə̀ ne chəyi tì mbə̰ ya wètì amə.

Fìlipì 2:30 Referans Kwoze

1 Kɔrèn 16:17

Mə nyaʼa kàŋ ghaʼ əku ənɨ Stefanàs mbɨ Fɔtunatùs fɔrɨ ə Àkàikùs nyaʼa yeʼe, ɨmbə̀ʼ ɨghəm nɨ mbɨ nyaʼa faʼ ə̀fàʼì ze nɨ, à kɨ nɨ mbə̀ nyaʼa əgha mbɨ num, njɨ mbə nyaʼa fàʼ.

Fìlipì 4:10

Ɨghaʼi kyeŋ wɨ ɨŋga mɨ fîŋ ɨchî nɨ mə yeʼ ənɨ ɨfɔtɨ mbɨ Ə̀nùŋɨ̀sɨg, ɨmbə̀ʼ ɨghəm nɨ əgha ə fə kàŋ sà nɨ chəi mbə̀ weerɨ əmɨ. Mbə nyaʼa kàŋ ghaʼ nɨ weerɨ, àyɨə chəi mbə̀ nyaʼa berɨ əpan.

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Fìlipì 4:18

Mə fə berɨ ɨghɨjìm mbe nɨ mə nyaʼa kwaŋɨ mbɨ nɔʼ chè. Mə fə berɨ ɨghɨjìm mbe nɨ mə̀ kwaŋɨ tɨ̀nîn nɨ Èpàfroditùs fə naʼ ɨkab we nɨ mbə̀ tom ɨ num. Ɨkab we yɨ ɨghabɨ ɨghɨ ə̀fà nɨə nyùʼrɨ ɨfɔ chɔ̀m əne ghɨ̀ə̀ ni fîŋ Ŋwìə̀ bɔŋ ə.

2 Kɔrèn 12:15

Mə bɨrɨ kaŋ ghaʼ nɨ naʼ ɨghɨjìm mbe nɨ mə berɨ bə̀ nàʼ mɨ ɨnyod ɨ nən. Mə mɨ ghaʼ əwən əku, mbə wa bɨrɨ ghaʼ əmɨ àmei rɨpiî ə?

Ɨnû 12:11

Mbɨ fə baŋ əməd ənjìm ɨvɨ Wan njɨ̀g bə̀ fɔrɨ ənjìm ɨkə̂n chɔ̀m we nɨ mbɨ nyaʼə ghàə̀. Chəi mbɨ nyaʼə bɔ ɨvɨ, ka à be yeʼi ni ɨ mbɨə nyaʼə kə̀b zwiirɨ mɨ̀mə̌d.

Filemɔ̀n 1:13

Mə kàŋ kə̀ʼ ghaʼ nɨ nuŋ əməd əgha mbɨ num, ɨmbə̀ʼ ɨ we tɨ̀ wɨ̀ fàʼ ɨ num ənɨ əze rɨmbin ɨchî nɨ mə yeʼ ə nəb ndəŋ ɨmbə̀ʼ ɨkə̂n chɔ̀m we nɨ mɨə ghàə̀.

Fìlipì 2:27

À yɨ rəsìʼ ni wɨ̀ nyaʼa wɔ̀n sɨə wò kwɨ. Àyɨə chəi Ŋwìə̀ nyaʼa diirɨ àmei əməd. Wɨ̀ nyaʼa bə̀ dììrɨ̀ əmɨ, njɨ ə̀kə̀nɨ̀ nɨ che əbɔ ə nyaʼa swi ɨgwɨ num.

Fìlipì 2:17

Kɨ̀ mə be kwɨ, mɨ ənəm ə bɨrɨ yeʼ ɨghabɨ ɨchəmnɨ nɨ mbɨ zɨ ɨgun ɨghɨ ə̀fà. Ɨghɨ ə̀fà mbe yɨ ɨbenɨ we nɨ mbə̀ nuŋ ɨgun ə Ŋwiə̀. Əne mɨ ɨnyod wɨə bɔ̀ŋə̀, mə bə̀ ghaʼrɨ ɨchî nɨ mbə̀n ə bə̀ ghaʼrɨə.

1 Kɔrèn 16:10

Timotì mɨ yeʼe, mbə̀ zə ni wɨ̀ chub ɨchî chɔ̀m əkaʼ nən. Məd wɨə fàʼ əmbɨ Ə̀nùŋɨ̀sɨg ɨchî nɨ mɔ̌ ə bə̀ fàʼə̀.

1 Kɔrèn 15:53

Əghɨ ze nɨə kwɨə ə bɨrɨ beŋ ənɨ əze nɨ chəi zɨə kwɨə. Nyamnyod zɔ̂ nɨə kwɨə bɨrɨ beŋ ənɨ ze nɨ chəi zɨə kwɨə.

Rm 16:4

Mbɨ nyaʼa sɔ̀ŋ ə ɨ̀tènɨ̀ ɨmbə̀ʼ əmɨ. Kaʼ àmei mɔ̌ ə nàʼ məben-əwe əmbɨ mɨ̀mə̌d, tɨfetɨ bə̂d Kristo rɨjìm te nɨ kaʼi tɨ mɨ̀Jû tɨə bə̀ nàʼə̀ məben-əwe əmbɨ mɨ̀mə̌d.

2 Kɔrèn 4:12

Əne tɨ̀ wɨ ɨchû ɨvɨ ɨghəm jìm, ɨmbə̀ʼ mbə̀ jɨg ɨ̀tènɨ̀.