Fìlipì 2:26 - Meta’

²⁶ Ɨ wɨə kə̀bə̀ ni njɨ tə zə əwən mbə̀n mɨjìm. Fîŋ zɨə tɔb əməd ɨmbə̀ʼ ɨchî nɨ mbə̀ nyaʼa zu ni wɨ̀ nyaʼa wɔ̀n.

Ikan feg

²⁶ Məd we kə̀bə̀ ni bàd awən mbə̰ məjìm. Wì ya se nyə̀ngi nyəngi ni yeʼe icheg ne mbə̀ ya zughi gha məd we ghɔ̰̀.

Fìlipì 2:26 Referans Kwoze

Fìlipì 1:8

Ŋwìə̀ ə kyerɨ ni mə ghaʼ əwən fɔrɨ ni mə wɨə bə̀ kàŋ kəb zə mbə̀n mɨjìm. Mə wɨə ghɨ əne àmei ɨchî nɨ Kristo Yeso ziə ghaʼ əwən.

Efesùs 3:13

Əne mə wɨə buʼ ɨbɔ ni tɨ tə fîŋ bɔd i, ɨmbə̀ʼ ɨghəm nɨ mə wɨə zəə ŋgəʼ ɨmbə̀ʼ əwən. Ɨnû mbɔ̂ jìm yɨ ɨmbə̀ʼ weerɨ əwən.

Rm 12:15

Mbə̀ ghaʼrɨ mbɨ ə bə̂d mbe nɨə ghaʼə, bə̀ zə̀ʼ mbɨ mbe nɨə zə̀ʼə̀.

Fìlipì 4:1

Mbɨ bɔŋgɔb, mə ghaʼ əwən bə̀ kàŋ kə̀b nɨ zə əwən. Mbə mbɨə ghɨ̀ ni mɨ fîŋ bɔŋ ə. Mbə yɨə bə̀ ɨchɔʼ ə̀fàʼì ənɨ ə̀fàʼì ze nɨ mə faʼi. Əne kyɨə bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg.

Rm 9:2

Ə̀kə̀nɨ̀ mbɨ ə ŋgəʼ nɨ chəi ɨnwǐ fə swi ɨŋga mɨ fîŋ.

Matìyò 26:37

Ənɨ wɨ̀ nyaʼa ghà əne, wɨ̀ nyaʼa nɨŋ ə Pità mbɨ ə bɔn Zebèdiî mbe mɨ̀be mbɨ wò ɨnɔ̂n. Wɨ̀ nyaʼə kàŋə̀ kə̀nə̀, fîŋ bə̀ kɔ tɔb əməd.

Matìyò 11:28

“Mbə̀ yeʼe əsɨ num, mbə̀n mɨjìm mbe nɨ fə bɔd bə̀ bèʼ ɨghɨ nɨ nirɨ, mə bɨrɨ ghɨ ni mbə̀ zwirɨ ə.

1 Pità 1:6

Əne mbə ghaʼrɨ əwən ɨmbə̀ʼ ənû zɔ̂ nɨ Ŋwìə̀ fə ghɨ̌, ka à be yeʼi ni tɨ̀nîn bə̂d mbɨə kɨrɨ kwaʼnɨ əwən ənɨ ɨnû nɔnɔʼ, mbə̀ mbɨə bə̀ kɨrɨ wo zə ŋgəʼ ənɨ ɨkə nyumə̀.

Fìlipì 1:3

Mə wɨə nàʼə̀ məben-əwe əmbɨ mɨ Ŋwìə̀ ənɨ mɨ̀nyùmə̀ jìm mbe nɨ mə kɔndɨ əwən.

Gàlesìyà 6:2

Wə̀d mɔʼɔ mɨ yeʼ ə ŋgəʼ, mbə̀ weerɨ əməd. Mbə mɨ ghɨ̀ əne, njɨ mbə fə nùŋ ɨkə we nɨ Kristo nyaʼa naʼ ɨ na.

2 Kɔrèn 9:14

Mbɨ bɨrɨ kɔŋgɨ ə Ŋwiə̀ ɨgwɨ nən mbɨ ɨghaʼi ɨŋga tə fîŋ ɨmbə̀ʼ chɔ̀m kyeŋ we nɨ Ŋwiə̀ ghɨ ənɨ ə nən.

1 Kɔrèn 12:26

Əsɨ ɨnyod ə mɔʼ ə mɨ yeʼə zəə ŋgəʼ, ɨsɨ ɨnyod jìm bɨrɨ bɨ zə ŋgəʼ mbɨ məd. Mbɨ mɨ nàʼ ɨwumnɨ əmbɨ əsɨ ɨnyod ə mɔʼ, ɨsɨ ɨnyod jìm bɨrɨ ghaʼrɨ mbɨ məd.

Rm 1:11

Mə wɨə kàŋə̀ kə̀b zə əwən, ɨmbə̀ʼ mə ghɨ̀ Əzwî ə naʼ ɨneʼe ɨ nən. Ɨneʼe we bɨrɨ ghɨ ni mbə̀ kaanə.

Ɨ̀fàʼì 21:13

Àyɨə Pɔ̂l nyaʼa wììrɨ̀ ni, “Mbə̀ kɨ əni ghɨ̀ə̀ ye ə? Mbə̀ kɨə chweŋə mɨsɨ bə̀ wɔ̀ʼrɨ̀ mbɨ ɨwu ə? Mə fə tekɨ mɨ ɨnyod nɨ nyɨ ə ndəŋ bə̀ fɔrɨ nɨ kwɨ ə Jèrusalèm ɨmbə̀ʼ Ə̀nùŋɨ̀sɨg Yeso.”

Fìlipì 2:25

Mə kàŋ kɔndɨ ni zɨə bɔ̀ŋ ni mə̀ wɨrɨ tom ə Èpàfroditùs əsɨ nən. Məd yɨ wa aŋgɔb. Məd wɨə fàʼə̀ mbɨ num bə̀ ghà ɨkə̂n chɔ̀m mbɨ num ɨghabɨ ə sɔgyɨ̀ chɔ̀m. À yɨə məd nɨ mbə̀ nyaʼa tom ni wɨ̀ yeʼe weerɨ əmɨ.

Fìlipì 2:27

À yɨ rəsìʼ ni wɨ̀ nyaʼa wɔ̀n sɨə wò kwɨ. Àyɨə chəi Ŋwìə̀ nyaʼa diirɨ àmei əməd. Wɨ̀ nyaʼa bə̀ dììrɨ̀ əmɨ, njɨ ə̀kə̀nɨ̀ nɨ che əbɔ ə nyaʼa swi ɨgwɨ num.