Fìlipì 2:11 - Meta’

¹¹ Wə̀d jìm bɨrɨ ben əsaŋ əsaŋ ni Yeso Kristo yɨ Ə̀nùŋɨ̀sɨg, ɨmbə̀ʼ bə̂d mɨ̀jìm wumnɨ ə Ŋwìə̀ Mbǎʼ.

Ikan feg

¹¹ Wə̀d ijìm fɔrɔ ighi ijìm biri bḛ ane ìwɔb ichug gha Yeso ya Anɔŋisəg. Ane, ze biri ghì gha bəd ghumnə Ŋwiye ne yaʼi Mbaʼ.

Fìlipì 2:11 Referans Kwoze

1 Jɔn 4:15

Wə̀d we nɨ ben ni Yeso yɨə Wan Ŋwìə̀ wɨ ənɨ ənû ə mɔʼ mbɨ ə Ŋwìə̀. Ŋwìə̀ wɨə bə̀ ənɨ ənû ə mɔʼ mbɨ məd.

Rm 14:11

Ə zɨ ɨŋga Ə̀ŋwàʼnɨ̀ ə Ŋwiə̀ ni, Ə̀nùŋɨ̀sɨg ə ghà ni, 'Ɨchî nɨ mə̀ yeʼ ɨkǎ, wə̀d jìm bɨrɨ chindɨ ɨtu ɨnywɨ ənɨ mɨ ɨfě, wə̀d jìm bɨrɨ ghà ənɨ i ɨchû ni mɔ̌ yɨə Ŋwiə̀.'

Jn 13:13

Mbə mbɨə tɔŋ əmɨ ni 'Əchwiə̀-ɨnû' bə̀ tɔŋə ni 'Ə̀nùŋɨ̀sɨg.' Ənû nɨ mbə̀ gha ə kùʼ, ɨmbə̀ʼ ɨghəm nɨ à yɨə kaŋə wə̀d we nɨ mə yeʼ wɨwən.

1 Jɔn 4:2

Ɨchî nɨ mbə̀ bɨrɨ kyerɨ wə̀d we nɨ Əzwî ə Ŋwìə̀ ə yeʼ ɨŋga məd yɨ ni: Wə̀d jìm we nɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù, Əzwî ə Ŋwiə̀ ə zɨ ɨŋga məd.

Rm 14:9

Kristo nyaʼa kwɨ bə̀ wɨrɨ zwemə ɨmbə̀ʼ wɨ̀ yeʼ Ə̀nùŋɨ̀sɨg ɨgwɨ ɨvɨ bə̂d bə̀ fɔrɨ ɨgwɨ ə bə̂d mbe nɨ yeʼ ɨkǎ.

1 Kɔrèn 12:3

Əne tɨ̀nîn mə kə̀b ni mbə̀ kyerɨ ni chəi wə̀d mɔʼɔ we nɨə ghà ɨŋgam nɨ Əzwî ə Ŋwiə̀ ə naʼ ɨ bɔ we tɨ̀ wɨ̀ ghà ni, “Ndɔ̀n nyɨ ɨgwɨ ə Yeso.” Mə bə̀ kə̀b ni mbə̀ kyerɨ ni chəi wə̀d mɔʼɔ we tɨ̀ wɨ̀ ghà ni, “Yeso yɨ Ə̀nùŋɨ̀sɨg,” nɨ kaʼi Əzwî ə Zeŋɨ ə ghɨ ni wɨ̀ gha əne.

Jn 14:13

Mə bɨrɨ ghɨ ənû ə mɔʼɔ ze nɨ mbə̀ biirɨ ənɨ mɨ ɨkum, ɨmbə̀ʼ ə bə̂d wumnɨ ə Mbǎʼ ənjìm ə Wan.

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.

1 Kɔrèn 8:6

àyɨə ɨ na, Ŋwìə̀ mei we mɔʼ, nɨ yeʼ Mbǎʼ. Ɨghɨjìm yɨ rɨ ɨ bɔ. Tɨ̀ wɨ ɨka ɨmbə̀ʼ əməd. Tɨ̀ bə̀ berɨ Ə̀nùŋɨ̀sɨg mɔʼ, nɨ yeʼ ə Yeso Kristo. Ŋwìə̀ nyaʼa tekɨ ɨghɨjìm ənjìm məd. Tɨ̀ wɨə bə̀ ɨka ɨmbə̀ʼ əməd.

Ɨnû 3:5

Wə̀d we nɨ baŋ ɨnû rɨbɔ̀ŋ bɨrɨ bɨ zɨ ngywɨ̌ tɨ rɨ̀fɨ ɨghabɨ mɨ̀mə̌d. Chəi mə̀ bɨrɨ nimnɨ ɨkum məd rɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Mə bɨrɨ gha ɨfě mɨ Mbǎʼ bə̀ ghà ɨfě mbɨ̀aŋgɨrə̀ məd ni mə kyerɨ əməd.

Matìyò 10:32

“Wə̀d jìm we nɨ ben ɨfě bə̂d ni tə kyerɨ əmɨ, mə bɨrɨ bɨ ben ɨfě mɨ Mbǎʼ we nɨ yeʼ ɨkaŋ ni mə kyerɨ əməd.

Ɨ̀fàʼì 10:36

Mbə kyerɨ ɨŋgam we nɨ wɨ̀ nyaʼa tom əmbɨ mɨ̀Izre. Ɨŋgam we wɨə ghà ɨkə̂n chɔ̀m ɨmbə̀ʼ əbɔrəbɔd ze nɨ tɨ̀ chè ənjìm ə Yeso Kristo berɨ mbɨ ə Ŋwiə̀. Yeso Kristo yɨ Ə̀nùŋɨ̀sɨg ɨgwɨ ə bə̂d mɨ̀jìm.

Ɨ̀fàʼì 2:36

“Əne mɨ̀Izre mɨ̀jìm kyerɨ ni à yɨə kwàʼ rəsìʼ ni Ŋwìə̀ nyaʼa fə nùŋ ə Yeso wɔ̂ nɨ mbə̀ nyaʼa kombɨ əzed ə baʼnɨ ənɨ Ə̀nùŋɨ̀sɨg bə̀ fɔrɨ ənɨ Wə̀d we nɨ wɨ̀ zɔʼɔ.”

Jn 9:22

Mbǎʼ mbɨ ɨŋgɔb mbaŋə̀ ze nyaʼa ghà əne ɨmbə̀ʼ ɨghəm nɨ mbɨ nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû, ɨmbə̀ʼ ɨghəm nɨ mbɨ nyaʼa fə nùŋ ni mbə bɨrɨ fid wə̀d mɔʼɔ we nɨ ben ni Yeso yɨə Wə̀d we nɨ Ŋwìə̀ zɔʼɔ rɨŋga nəb ə̀kàtɨ̀.

Jn 5:23

Wɨ̀ fə ghɨ̀ əne ɨmbə̀ʼ bə̂d mɨjìm wumnɨ Wan ɨchî nɨ mbɨə wumnɨ ə Mbǎʼ. Kaʼ wə̀d we nɨ chəi wɨə wumnɨ ə Wan, wɨə bə̀ wumnɨ i Mbǎʼ we nɨ nyaʼa tom Wan.

2 Jɔn 1:7

Mətambɨ-bə̂d mɨ̀nɔnɔʼ fə jàŋ ɨŋga ɨsɨg. Chəi mbɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù. Ɨkwɨ wə̀d ɨghabɨ wɔ̂ yɨ ətambɨ-bə̂d fɔrɨ wə̀d pə̀n Kristo.

1 Kɔrèn 15:47

Ŋwìə̀ nyaʼa tekɨ mbaŋə̀ rɨtu ənɨ rɨchaʼ. Məd yɨə si. Mbaŋə̀ ze nɨ beenɨ yɨ rɨkaŋ.

Rm 15:9

Wɨ̀ nyaʼa ghɨ əne ɨmbə̀ʼ bə̂d mbe nɨ kaʼi mɨ̀Jû mbe tɨ mbɨ bə̀ wumnɨ ə Ŋwiə̀ ɨmbə̀ʼ ɨchî nɨ wɨə dììrɨ̀ə̀ mɨ̀mə̌d. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mə bɨrɨ yiirɨ əwe əkaʼ bə̂d mbe nɨ kaʼi mɨ̀Jû, bə̀ kwerɨ mɨkyî yiirɨ əwe.”

Jn 20:28

Tomas nyaʼa gha ɨ bɔ ni, “Mɨ Ə̀nùŋɨ̀sɨg mbɨ mɨ Ŋwiə̀!”

Jn 17:1

Ənɨ Yeso nyaʼa fə gha ɨnû mbɔ̂, wɨ̀ nyaʼa nèŋ ɨkaŋ ghà ni, “Mɨ Mbǎʼ, nyùmə̀ fə kuʼi. Wumnɨ e Wan, ɨmbə̀ʼ e Wan bə̀ wumnɨ əwe.

Jn 12:42

Ka à bè yeʼi əne, bə̂d mɨ̀nɔnɔʼ rəbɔʼ mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ben ə Yeso, àyɨə chəi mbɨ nyaʼa gha əsaŋ əsaŋ ɨmbə̀ʼ ɨghəm nɨ ɨ mbɨə nyaʼə bɔə mɨ̀Farisiî. Mɨ̀Farisiî nyaʼa mɨ kyerɨ, njɨ mbɨ bɨrɨ fid mɨ̀mə̌d tɨ̀ ɨŋga nəb ə̀kàtɨ̀.

Lk 2:11

Tə̀chɔ̀ŋ wɔ̂, mbɨ fə gywɨ Wə̀d nɨə chɨ̀ə̀ bə̂d rəŋgəʼ ɨŋga əsɨ ze nɨ mbɨ nyaʼa gywɨ ɨfɔ̀n Dèvîd. Məd yɨə Kristo Ə̀nùŋɨ̀sɨg.

Jn 14:23

Yeso nyaʼa wììrɨ̀ ɨ bɔ ni, “Wə̀d mɔʼɔ mɨ ghaʼ əmɨ, wɨ̀ bɨrɨ zu mɨ ɨŋgam bə̀ nùŋ. Mɨ Mbǎʼ bɨrɨ ghaʼ əməd, əne mɔ̌ mbɨ mɨ Mbǎʼ bɨrɨ wo əsɨ məd pè chubɨ mbɨ məd.

Jn 13:14

Tɨ̀nîn nɨ mɔ̌, nɨ yeʼ wən Ə̀nùŋɨ̀sɨg bə̀ fɔrɨ wən Əchwiə̀-ɨnû fə so mbə ɨwu, mbə̀ bə sò ɨwu mbə bɔŋgɔb.