Efesùs 5:3 - Meta’

³ Tɨ mbə̀ tɔ ghambɨ ə ɨmbə̀ʼ ənû nɨ ni məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû kɨ̀ ənû nɨ feenɨ ɨghɨ, ɨmbə̀ʼ ɨghəm nɨ chəi bə̂d Ŋwiə̀ berɨ ghɨ̀ tɨkwɨrɨ ɨnû tɔ̂.

Ikan feg

³ Icheg ne mbə̀ yaʼi bɔn Ŋwiye, chəyi ze bɔŋi gha afabi imbə̀ʼ inug tibɔ̀ŋ yaʼ inga ìwən ifeti icheg anug ni nɔ̀kì mə̀yi kə̀ nɔ̀kì mbaŋà abu abu kə̀ àzùnì kə̀ anug ni ghə̀ʼrə̀ ighi. Chəyi ze bɔŋi gha bəd Ŋwiye ya fàʼà tiku inug ìto̰.

Efesùs 5:3 Referans Kwoze

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

Efesùs 5:5

Mbə kyerɨ ni chəi wə̀d we nɨə ni əyi kɨ̀ mbaŋə̀ əbəŋ əbəŋ, kɨ̀ we nɨə nyɔɔnɨə, kɨ̀ we nɨə feenɨ ɨghɨ bə̂d (əne yɨə wə̀d nɨə wumnɨə mbɨ̀anèŋ) berɨ əghɨ ə mɔʼɔ nɨ wɨ̀ bɨrɨ jɨg ɨŋga ənû ɨfɔ̀n ə Kristo mbɨ ə Ŋwiə̀.

1 Tèsàlonikà 4:3

Ənû ze nɨ Ŋwìə̀ kəbɨ yɨ ni mbə̀ chub ɨzeŋɨ zeŋɨ ɨmbə̀ʼ tɨ mbə̀ ni ə məyi kɨ̀ mbaŋə̀ əbəŋ əbəŋ.

1 Kɔrèn 6:18

Mbə̀ ton ɨfabrɨ-ɨnû! Chəi ɨnû rɨbɔ̀ŋ jìm cherə mbe nɨ bə̂d ə ghɨ̀ ə bètɨ̀ə̀ nyamnyod, àyɨə wə̀d we nɨə ghɨ̀ ɨfabrɨ-ɨnû wɨə ghɨ̀ ɨnû rɨbɔ̀ŋ ənɨ i nyamnyod.

1 Tèsàlonikà 4:7

Chəi Ŋwìə̀ nyaʼa tɔŋ əwa ni tɨ̀ yeʼ mbi bə̂d ɨmbə̀ʼ ghɨ ɨnyɔɔnɨ-ɨnû. Wɨ̀ nyaʼa tɔŋ əwa yeʼ ni tɨ̀ chub ɨzeŋɨ zeŋɨ.

1 Kɔrèn 6:13

Wə̀d cherə we tɨ̀ wɨ̀ ghà ni, “Ɨghɨ mbe nɨ bə̂d jɨgɨ mbɨə chèə̀ wò ɨŋga ɨbum mbɨ ni ɨbum wɨ əŋgu ɨmbə̀ʼ yim ɨghɨjɨg.” À yɨ əne, àyɨə Ŋwìə̀ bɨrɨ zɨ ɨnwǐ ənɨ ɨnû mbɔ̂ be. Chəi tɨ̀ berɨ nɨ nɨŋ nyamnyod ghɨ̀ ɨfabrɨ-ɨnû əŋgu. Tɨ̀ berɨ nɨŋ fàʼ yeʼ əmbɨ ə Ŋwiə̀. À yɨ Ə̀nùŋɨ̀sɨg ə nəŋgɨə nyamnyod.

Efesùs 5:12

À yɨ tɨ̀nìd ətu ɨ be ghà ɨmbə̀ʼ ɨnû mbe nɨ bə̂d mbe ə ghɨ̀ ənə̀mə.

Matìyò 15:19

ɨmbə̀ʼ ɨghəm nɨ tɨkɔndɨ rɨbɔ̀ŋ tɨə jwɨ̀ rɨŋga fîŋ. Tɨkɔndɨ te tɨə ghɨ̀ ni wə̀d zwiirɨ wɨ cherə, ni wə̀d ni əyi kɨ̀ ɨnom wə̀d cherə, ni wə̀d ni məyi kɨ̀ mbaŋə̀ əbəŋ əbəŋ, ni wə̀d jɨ, ni wə̀d ben zərɨmbin mɨ̀ghab fɔrɨ ni wə̀d chəkɨ rɨkum bə̂d.

Ɨnû 2:21

Mə nyaʼa nàʼ nyùmə̀ ɨ bɔ ni wɨ̀ beŋ i fîŋ ɨmbə̀ʼ ɨfabrɨ-ɨnû mbe nɨ wɨ̀ nyaʼə ghɨ̀ə̀, àyɨə wɨ nyaʼa ton i.

1 Kɔrèn 10:8

Tɨ rɨ̀ ghɨ a ɨfabrɨ-ɨnû, ɨchî nɨ mɨ̀mə̌d mɔʼɔ nyaʼa ghɨ̌, əne mɨ̀mə̌d chuʼ ɨwum be chɔ̀b rɨtad nyaʼa kwɨ ɨgwɨ əni ə mɔʼ.

Ɨnû 22:15

Bə̂d mbe nɨ yeʼ ɨsɨg yɨə mbe nɨ chəi mɨnə̂njɨ̀ mɨ̀mə̌d kuʼnɨ. Mbɨ yɨ mbe nɨə ghɨ̀ mɨ̀sà, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə zwiirɨ mbɨ cherə, mbe nɨə wumnɨ mbɨ̀anèŋ mbɨ wə̀d jìm we nɨə ghaʼə mɨghab bə̀ ghɨ̀ ɨnû mɨghab mɨghab.

Ɨnû 21:8

Àyɨə ɨkwèd, bə̂d nɨ chəi mbɨ wɨrɨ ben ə Kristo, mbe nɨə ghɨ̀ ɨnû rɨbɔ̀ŋ yiirɨ yiirɨ, mbe nɨə zwiirɨə mbɨ cherə, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə ghɨ̀ mɨ̀sà, mbe nɨə wumnɨ mbɨ̀anèŋ mbɨ ə bə̂d mɨghab mɨ̀jìm, bɨrɨ nwi ɨŋga əsɨ ze nɨ ɨwid kyeŋ we nɨ sɔlfò ə ghɨ̀ ni wɨ berɨə. Wɔ̂ yɨ ɨvɨ we nɨ pe ənɨ wɨ be.”

Ɨnû 2:14

Àyɨə mə berɨ ɨnû mɔʼɔ rɨpiî ɨmbə̀ʼ əwe. Bə̂d mɔʼɔ mbɨ əkaʼ nən nɨə beenɨ əbɔʼ ɨnû mbe nɨ Balàm nyaʼə chwiə. Balàm nyaʼa chwi ɨchî əmbɨ Balàk ni wɨ̀ febrɨ mɨ̀Izre ɨmbə̀ʼ mbɨ jɨg ɨghɨ mbe nɨ mbɨ nyaʼa naʼ ənɨ ɨghɨ ə̀fà əmbɨ mbɨ̀anèŋ. Wɨ̀ nyaʼa bə̀ febrɨ mɨ̀mə̌d ni mbɨ ghɨ̀ ɨfabrɨ ɨnû.

1 Kɔrèn 5:1

Mə fə kàŋ zu ənɨ bə̂d ə ghàə̀ ni əfabɨrɨ-ənû ə zɨ əkaʼ nən, nɨ yeʼ ɨkwɨ mɔʼɔ we nɨ chə bei əkaʼ bə̂d mbe nɨ chəi mbɨə wumnɨ ə Ŋwiə̀. Mə fə zu ni mbaŋə̀ mɔʼɔ zɨə ni ɨwi i mbǎʼ.

Ɨnû 9:21

Chəi mbɨ nyaʼa beŋ tə fîŋ tɨ ənɨ ɨchî nɨ mbɨə zwiirɨ ə bə̂d, tɨ ənɨ ɨchî nɨ mbɨə ghɨ̀ mɨ̀sà, tɨ ənɨ ɨchî nɨ mbɨə ghɨ̀ ɨfabrɨ-ɨnû kɨ̀ rɨ ənɨ ɨchî nɨ mbɨə jɨə.

2 Pità 2:3

Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.

Mə̀Hibrù 12:16

Mbə̀ zə ni tɨ wə̀d mɔʼɔ ni i məyi kɨ̀ mbaŋə̀ əbəŋ əbəŋ, bə̀ zə ni tɨ wə̀d mɔʼɔ chub i nɨ chəi wɨə bɔ ə Ŋwìə̀ ɨchî nɨ Esaò nyaʼa ghɨ̌. Wɨ̀ nyaʼa fen i ɨkyěŋ ɨghabɨ ə wan-fə̀d ənɨ əkaŋ əghɨjɨg.

2 Kɔrèn 12:21

Mə wɨə bɔə ni ənɨ mə̀ wɨrɨ yeʼe, Ŋwìə̀ we nɨ mɨə wumnɨə bɨrɨ swi əmɨ ɨfě nən. Mə wɨə bə̀ bɔə ni mə bɨrɨ dì ɨmbə̀ʼ bə̂d mɨ̀nɔnɔʼ mbe nɨ nyaʼa kweʼ ghɨ̀ ɨnû rɨbɔ̀ŋ àyɨə chəi mbɨ kɨrɨ beŋ tə fîŋ tɨ ənɨ ɨnyɔɔnɨ-ɨnû, tɨ ənɨ ɨfabrɨ-ɨnû bə̀ fɔrɨ tɨ ənɨ ɨnyamnɨ-ɨnû mbe nɨ mbɨ nyaʼə ghɨ̀ə̀.

Tayitùs 2:3

Əndəŋ əndəŋ, bə ghà əmbɨ məyi mbe nɨ fə kaanɨ ni mbɨ chub ɨzeŋɨ zeŋɨ. Tɨ mbɨ chəkɨ ə tɨkum bə̂d kɨ̀ bè ben ə̀bòʼò əmbɨ mɨnoʼ. Mbɨ berɨ yeʼ məyi nɨə chwi ɨnû chɔ̀m,

2 Timotì 3:2

Bə̂d bɨrɨ sɨə ghaʼ àmei ə ɨnyod, sɨə ghaʼ àmei ɨkab, sɨə nɔ ɨnyod, sɨə seenɨə, sɨə zɔ̀m ə bə̂d bə̀ sɨə ghɨ̀ rɨ̀zuə̀ əmbɨ mbə mɨ̀mbǎʼ fɔrɨ əmbɨ mbə mɨ̀nɨ̌ŋ. Chəi mbɨ bɨrɨ naʼ məben-əwe ɨmbə̀ʼ ɨnû mbe nɨ mbɨ ghɨ ənɨ mɨ̀mə̌d. Chəi mbɨ bɨrɨ ben ənû ə Ŋwiə̀.

Ɨ̀fàʼì 15:20

Àyɨə tɨ̀ ŋwaʼnɨ əmbɨ mɨ̀mə̌d ni tɨ mbɨ jɨg ə tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ, ni tɨ mbɨ ghɨ̀ ə ɨfabrɨ-ɨnû, ni tɨ mbɨ kud ə nyam te nɨ mbɨ sweenɨ mbɨ ni tɨ mbɨ jɨg ə ənəm.

2 Pità 2:14

Ɨ mbɨə kɨə nèŋə̀ məyi mbe nɨə niirɨə mbaŋə̀ ɨmbə̀ʼ ni mɨ̀mə̌d. Chəi mbɨə bɔrə nɨ ghɨ ɨnû rɨbɔ̀ŋ. Ɨ mbɨə tambɨ ə bə̂d mbe nɨ chəi fîŋ tɨ mɨ̀mə̌d kɨrɨ kaanɨ. Mbɨ fə kwembɨ ənû nɨ kɨə ghɨ̀ əjə. Ŋwìə̀ bɨrɨ zɨ ndɔ̀n ɨgwɨ mɨ̀mə̌d.

2 Pità 2:10

màànɨ̀ mbe nɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə bə̀ tonə ni chəi Ŋwìə̀ berɨ ɨka nɨ tumbɨ əwən. Məchwiə̀-ɨnû mɨghab mbɔ̂ mbɨə seenɨə bə̀ berɨ ɨka fîŋ. Chəi mbɨə bɔə nɨ zɔm ɨghɨ mbe nɨ mbɨə wumnɨ ɨkaŋ.

1 Pità 5:2

mbə nəŋgɨ njɨ̀g rɨ Ŋwiə̀ te nɨ wɨ̀ zɨ ɨŋga tə rɨkyerɨ-ɨbɔ. Tɨ mbə̀ ghɨ̀ ə əne ɨghabɨ ni ɨ mbɨə nyeŋ əwən nyeŋɨ. Mbə̀ ghɨ əne ɨchî nɨ mbə̀ benɨ fɔrɨ ɨchî nɨ Ŋwiə̀ kəbɨ. Tɨ mbə̀ ghɨ̀ ə əne ɨmbə̀ʼ ədɔʼ ɨkab. Mbə̀ ghɨ yeʼ ɨmbə̀ʼ ɨchî nɨ mbə̀ ghaʼ nɨ fàʼ.

Tayitùs 1:11

À berɨ ghɨ ni mbɨ kubrɨ mbə mɨchû, ɨmbə̀ʼ ɨghəm nɨ ɨ mbɨə bùùrɨ̀ mɨnəbɨ jìm ɨchî nɨ mbɨə chwi ɨnû mbe nɨ chəi mbɨ berɨ nɨ chwiə. Ɨ mbɨə ghɨ̀ əne ɨmbə̀ʼ berɨ ɨkab ənɨ ɨnə̂njɨ̀ nɨ chəi wɨ kuʼnɨ.

Tayitùs 1:7

Ətu ɨgwɨ ɨfetɨ bə̂d Kristo yɨə wə̀d nɨə nəŋgɨ ə̀fàʼì ə Ŋwiə̀. Wɨ̀ berɨ yeʼ wə̀d nɨ chəi ɨgu ənû ɨgwɨ məd. Tɨ wɨ̀ yeʼi wə̀d nɨə seenɨə, kɨ̀ wə̀d nɨə kɨə sə ɨtəm, kɨ̀ wə̀d nɨə nɔə beə, kɨ̀ wə̀d nɨə zɔ̀ŋə̀, kɨ̀ wə̀d nɨə ghɨ̀ ədɔʼ ənɨ ɨkab.

1 Timotì 3:3

Tɨ wɨ̀ yeʼi wə̀d nɨə nɔə mɨnoʼ beə. Tɨ wɨ̀ yeʼi wə̀d nɨ ghaʼ ənû nɨ zɔ̀ŋ. Wɨ̀ berɨ yeʼ wə̀d nɨə bɔtɨə, kaʼi wə̀d nɨə tàŋə̀ mbɨ ə bə̂d. Tɨ wɨ̀ yeʼi wə̀d nɨ ghaʼ ɨkab.

1 Timotì 2:10

Mbɨ yèʼ ə ɨnyod yeʼ ənɨ ɨnû chɔ̀m mbe nɨ mbɨə ghɨ̀ə̀, nɨ yeʼ ɨnû mbe nɨ məyi mbe nɨ gha ni mbə mbɨə wumnɨ ə Ŋwiə̀ ə ghɨ̀ə̀.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Rm 16:2

Mbə̀ nɨŋ əməd ənɨ ɨkum Ə̀nùŋɨ̀sɨg ɨchî nɨ zɨə kuʼ ni mbɨ nɨŋ bə̂d Ŋwiə̀. Mbə̀ bə̀ wèèrɨ̀ əməd mbɨ əghɨ ə mɔʼɔ ze nɨ wɨ̀ biirɨ ɨ nən, ɨmbə̀ʼ ɨghəm nɨ məd ziə fə wèèrɨ̀ bə̂d mɨ̀nɔnɔʼ, bə̀ wèèrɨ̀ əmɨ.

Rm 6:13

Tɨ mbə̀ ben ə ni mbə ɨsɨ ɨnyod mɔʼɔ ghɨ ɨnû rɨbɔ̀ŋ. Əze ə bɨrɨ yeʼ ɨghabɨ ɨghɨ ə̀fàʼì nɨ mbə̀ə ghɨ̀ ɨnû ɨzɨg əŋgu. Àyɨə mbə̀ ben ni ə ɨnyod yeʼ əmbɨ ə Ŋwiə̀ ɨghabɨ ə bə̂d nɨ fə kwɨ wɨrɨ yeʼ ɨkǎ. Mbə̀ ben ni mbə ɨsɨ ɨnyod yeʼ əmbɨ ə Ŋwiə̀ ənɨ ɨghɨ ə̀fàʼì nɨ kùʼnɨ̀.

Rm 1:29

Tɨkwɨrɨ ɨzɨg jìm, tɨkwɨrɨ ɨnû rɨbɔ̀ŋ jìm, tɨkwɨrɨ ɨchî jìm nɨ feenɨ ɨghɨ bə̀ fɔrɨ tɨkwɨrɨ ɨbə jìm fə swi ɨŋga fîŋ tɨ mɨ̀mə̌d. Ənû nɨ ghɨ ə̀dìì, ənû nɨ zwiirɨ bə̂d, ənû nɨ chɔb, ənû nɨ tambɨ bə̂d fɔrɨ ənû nɨ taŋ mɨnaŋ fə bə̀ swi ɨŋga fîŋ tɨ mɨ̀mə̌d. Ɨ mbɨə ghɨ̀ mɨniə,

Ɨ̀fàʼì 20:33

Chəi mə̀ kweʼ feenɨ ə gôl, kɨ̀ ə sɨrɨvà, kɨ̀ ə ngywɨ̌ wə̀d mɔʼɔ.

Lk 16:14

Ənɨ mɨ̀Farisiî nyaʼa zu ɨnû mbɔ̂ jìm, mbɨ nyaʼa chəʼ əməd ɨmbə̀ʼ ɨghəm nɨ mbɨ nyaʼa ghaʼ ɨkab əku.

1 Timotì 6:10

ɨmbə̀ʼ ɨghəm nɨ ənû nɨ ghaʼ ɨkab yɨ əsɨ nɨ tɨkwɨ ɨnû rɨbɔ̀ŋ jìm ə jwɨ̀ rəŋgu. À yɨ ənû nɨ beenɨ əbɔʼ ɨkab ze ə ghɨ̀ ni bə̂d mɨ̀nɔnɔʼ waʼ ɨbenɨ, əne ghɨ̀ ə̀kə̀nɨ̀ ə swi ɨŋga fîŋ tɨ mɨ̀mə̌d ɨmbə̀ʼ ɨchî nɨ mbɨə zəə ŋgəʼ.

Lk 12:15

Ənɨ wɨ̀ nyaʼa ghà əne, wɨ̀ nyaʼa ghà əmbɨ ə bə̂d mbe ni, “Mbə̀ chub ɨkyèʼe, we əwən ɨmbə̀ʼ ənû nɨ feenɨ ɨghɨ, ɨmbə̀ʼ ɨghəm nɨ ka ɨ̀tènɨ̀ wə̀d yɨ i ɨmbə̀ʼ ɨchî nɨ wɨ̀ berɨ ɨghɨ nɔnɔʼ.”