Efesùs 4:9 - Meta’

⁹ Mbɨ kɨ mɨ ŋwàʼnɨ̀ ni, “Wɨ̀ nyaʼa wo ɨkaŋ,” əne yɨ mbɨ gha ni ye ə? Əne yɨ mbɨ gha ni wɨ̀ nyaʼa bə̀ swiʼi wò ɨŋga ɨsɨ mbe rɨ əton.

Ikan feg

⁹ Anug ze ne gha, “Wì ya kɔʼ ikaŋ” kə chwìye gha? Ze ya chwìye gha məd ya bì swìʼi ghò kwàʼ aton ìseg.

Efesùs 4:9 Referans Kwoze

Jn 3:13

Chəi wə̀d mɔʼɔ nɨ kɨrɨ wo ɨkaŋ, chè rɨ ənɨ Wan Wə̀d nɨ nyaʼa swiʼ rɨkaŋ.

Matìyò 12:40

Ɨchî nɨ Jonà nyaʼa chub ɨŋga ɨbum ɨgwi kyeŋ ɨzi ɨtad mbɨ əzimɨ ətad, yɨə bə̀ ɨchî nɨ Wan Wə̀d bɨrɨ chub ɨzi ɨtad mbɨ əzimɨ ətad ɨŋga si.

Jn 6:33

Ŋgə̀ŋ ze nɨ Ŋwìə̀ ə nàʼə̀ yɨə məd we nɨ swiʼi rɨkaŋ. À yɨə məd we nɨ swiʼ rɨkaŋ ə nàʼ ɨ̀tènɨ̀ əmbɨ ə bə̂d ɨŋga ɨsɨg.”

Mə̀Hibrù 2:9

Àyɨə tɨ̀ wɨə zə ə Yeso nɨ Ŋwìə̀ nyaʼa ghɨ ni wɨ̀ tɔ swiʼ əton mbɨ̀aŋgɨrə̀ ənɨ ɨkə nyumə̀. Wɨ̀ fə ghɨ̀ ni wɨ̀ berɨ ɨzeŋɨ zeŋɨ bə̀ berɨ ɨwumnɨ. Wɨ̀ nyaʼa zə ŋgəʼ kwɨ, ɨmbə̀ʼ ənjìm ɨ̀chɔ̀m Ŋwìə̀, ɨ we tɨ̀ wɨ̀ kwɨ ɨgwɨ ətu ə bə̂d mɨ̀jìm.

Jn 20:17

Yeso nyaʼa ghà ɨ bɔ ni, “Tɨrə̀ yim e əmɨ, ɨmbə̀ʼ ɨghəm nɨ chəi mə kɨrɨ wò ɨkaŋ əsɨ mɨ Mbǎʼ. Àyɨə ndə̀ əsɨ mbɨ bɔŋgɔb pè ghà əmbɨ mɨ̀mə̌d ni mə yɨ əni wò ɨkaŋ əsɨ mɨ Mbǎʼ nɨ bə yeʼ ə Mbǎʼ, bə̀ wò əsɨ mɨ Ŋwiə̀ nɨ bə yeʼ ə Ŋwiə̀.”

Mə̀Hibrù 2:7

À fə ghɨ̀ ni wɨ̀ tɔ swiʼ əton mbɨ̀aŋgɨrə̀ àmei ənɨ ɨkə nyumə̀. À fə ghɨ̀ ni wɨ̀ berɨ ɨzeŋɨ zeŋɨ bə̀ berɨ ɨwumnɨ.

Jn 8:14

Yeso nyaʼa wììrɨ̀ ni, “Kaʼ mə bè yeʼə ghà əmɨ ɨmbə̀ʼ mɨ ɨnyod mɔ̌ mɔ̌, ənû ze nɨ mə̀ ghàə̀ yɨ ənû rəsìʼ, ɨmbə̀ʼ ɨghəm nɨ mə kyerɨ əsɨ ze nɨ mə nɔʼ rəŋgu bə̀ kyerɨ əze nɨ mɨə wò əŋgu, àyɨə chəi mbə̀ kyerɨ əsɨ ze nɨ mə̀ nɔʼ rəŋgu kɨ̀ əze nɨ mɨə wò əŋgu.

Jn 6:62

Mbə̀ kɨə wo ghɨ ye ənɨ mbə̀ zə Wan Wə̀d ənɨ wɨə wò ɨkaŋ əsɨ nɨ wɨ̀ nyaʼa bè əŋgu ə?

Jn 6:58

Zɔ̂ yɨə ŋgə̀ŋ ze nɨ nyaʼa swiʼi rɨkaŋ. Ka ŋgə̀ŋ zɔ̂ yɨ i ɨghabɨ ze nɨ mbə mɨ̀mbǎʼ rəŋwe nyaʼa jɨgɨ àyɨə mbɨ nyaʼa bə̀ kɨrɨ kwɨ. Wə̀d we nɨ jɨg ŋgə̀ŋ zɔ̂ bɨrɨ ten i koŋ.”

Jn 6:51

Mɔ̌ yɨə ŋgə̀ŋ ze nɨə nàʼ ɨ̀tènɨ̀ nɨ nyaʼa swiʼi rɨkaŋ. Wə̀d mɔʼɔ we nɨ jɨg ŋgə̀ŋ zɔ̂ bɨrɨ ten i koŋ. Ŋgə̀ŋ ze nɨ mə̀ bɨrɨ nàʼ ni ɨsɨg jɨg tènə̀ yɨ mɨ nyamnyod.”

Jn 6:41

Ənɨ Yeso nyaʼa gha əne, mɨ̀Jû mbe nyaʼa kɔ dumbɨ ɨmbə̀ʼ əməd, ɨmbə̀ʼ ɨghəm nɨ wɨ̀ nyaʼa gha ni, “Mɔ̌ yɨə ŋgə̀ŋ ze nɨ nyaʼa swiʼi rɨkaŋ.”

Jn 6:38

ɨmbə̀ʼ ɨghəm nɨ mə nyaʼa swiʼi rɨkaŋ yeʼe. Chəi mə̀ nyaʼa swiʼi yeʼe ɨmbə̀ʼ ghɨ ɨnû mbe nɨ mə kəbɨ. Mə nyaʼa swiʼi yeʼe ɨmbə̀ʼ ghɨ mbe nɨ wə̀d we nɨ nyaʼa tom əmɨ kəbɨ.