Efesùs 4:6 - Meta’

⁶ Ŋwiə̀ mei we mɔʼ nɨ yeʼ Mbǎʼ ɨgwɨ mbi bə̂d mɨjìm. Məd wɨə tùmbɨ̀ə̀ mbi bə̂d mɨjìm. Məd wɨə fàʼə̀ mbi ɨ̀fàʼì ənjìm mbi bə̂d mɨjìm. Məd wɨ ɨŋga mbi bə̂d mɨjìm ənɨ Əzwî.

Ikan feg

⁶ Ŋwiye ya məyi imɔʼ bə̀ yaʼ Mbaʼ abə bəd məjìm. À ya məyi məd we imɔʼ ne tùmbə̀ bəd məjìm bə̀ chè inga bəd ni fàʼ inug ijìm bə̀ ywìrì yaʼ inga bəd ijìm.

Efesùs 4:6 Referans Kwoze

Rm 11:36

À yɨə məd nyaʼa tekɨ ɨghɨjìm, ɨghɨjìm mbɨ əŋgu ənjìm məd, ɨghɨjìm yɨə bə mbɨ məd. Tɨ̀ wumnɨ əməd koŋ. À yɨ əne.

1 Kɔrèn 8:6

àyɨə ɨ na, Ŋwìə̀ mei we mɔʼ, nɨ yeʼ Mbǎʼ. Ɨghɨjìm yɨ rɨ ɨ bɔ. Tɨ̀ wɨ ɨka ɨmbə̀ʼ əməd. Tɨ̀ bə̀ berɨ Ə̀nùŋɨ̀sɨg mɔʼ, nɨ yeʼ ə Yeso Kristo. Ŋwìə̀ nyaʼa tekɨ ɨghɨjìm ənjìm məd. Tɨ̀ wɨə bə̀ ɨka ɨmbə̀ʼ əməd.

Jn 20:17

Yeso nyaʼa ghà ɨ bɔ ni, “Tɨrə̀ yim e əmɨ, ɨmbə̀ʼ ɨghəm nɨ chəi mə kɨrɨ wò ɨkaŋ əsɨ mɨ Mbǎʼ. Àyɨə ndə̀ əsɨ mbɨ bɔŋgɔb pè ghà əmbɨ mɨ̀mə̌d ni mə yɨ əni wò ɨkaŋ əsɨ mɨ Mbǎʼ nɨ bə yeʼ ə Mbǎʼ, bə̀ wò əsɨ mɨ Ŋwiə̀ nɨ bə yeʼ ə Ŋwiə̀.”

1 Jɔn 3:24

Bə̂d mɨ̀jìm mbe nɨ nuŋ tɨkə rɨ Ŋwiə̀ mbɨ ənɨ ɨfɔtɨ mbɨ məd. Məd ziə wɨ̀ bə̀ ənɨ ɨfɔtɨ mbɨ mɨ̀mə̌d. Tɨ̀ ə kyerɨ ni məd wɨ ənɨ ənû ə mɔʼ mbɨ na ənjìm Əzwî ze nɨ wɨ̀ naʼ ɨ na.

Matìyò 6:9

Mbə̀ kɔŋgɨ ə Ŋwiə̀ əni: 'A Mbǎʼ nɨ yeʼ ɨkaŋ, ghɨ ni bə̂d wumnɨ e ɨkum.

2 Kɔrèn 6:16

À kɨ ənû ə ye nɨ mbàn Ŋwìə̀ berɨ mbɨ mbɨ̀anèŋ ə? Tɨ̀ yɨə mbàn Ŋwìə̀ we nɨ yeʼ ɨkǎ. Ŋwìə̀ ziə ə ghà ni: “Mə bɨrɨ chubɨ mbɨ mɨ̀mə̌d bə̀ yèn əkaʼ mɨ̀mə̌d. Mə bɨrɨ yeʼ Ŋwiə̀ mɨ̀mə̌d, mɨ̀mə̌d bə̀ yeʼ mbɨ bə̂d.”

1 Kɔrèn 12:6

Mɨnə̂njɨ̀ nɨ fàʼ mbɨ əŋgu tɨkwɨrɨkwɨ, àyɨə àmei Ŋwìə̀ we mɔʼ ə ghɨ̀ə̀ ni wə̀d jìm faʼ ə̀fàʼì ze nɨ wɨ̀ naʼ ɨ bɔ.

Efesùs 6:23

Ŋwiə̀ Mbǎʼ, mbɨ Ə̀nùŋɨ̀sɨg Yeso Kristo naʼ əbɔrəbɔd, nàʼ ɨghaʼi bə̀ nàʼ ɨbenɨ əmbɨ ə bɔŋgɔb mɨjìm.

Efesùs 3:17

Mə wɨə bə̀ kɔ̀ŋgɨ̀ə̀ ni ə ɨbenɨ ghɨ ni Kristo chub ɨŋga tə fîŋ fɔrɨ ni mbə̀ ghaʼ ə Ŋwiə̀ bə̀ ghaʼ mbə bɔŋgɔb. Mbə mɨ ghɨ əne, mbə bɨrɨ yeʼ ɨghabɨ əzed nɨ ɨghaŋ nyɨ ə si, bə̀ yeʼ ɨghabɨ ə nəb nɨ mbɨ bɔm ɨgun əchɨ.

Efesùs 2:22

Ənɨ ɨfɔtɨ mbɨ məd, ɨ mbɨə bə̀ bɔmə mbə̀n mbe nɨ kaʼi mɨ̀Jû ənɨ əsɨ ze nɨ Ŋwiə̀ nɨ yeʼ əzwî ə chub əŋgu.

Jn 17:26

Mə nyaʼa ghɨ̀ ni mbɨ kyerɨ əwe. Mə bɨrɨ kɨrɨ wo ɨmbì ghɨ̀ ni mbɨ jeŋgɨ kyerɨ əwe, ɨmbə̀ʼ ɨchî nɨ à ghaʼ əmɨ bə yeʼ əkaʼ mɨ̀mə̌d, fɔrɨ ni mɔ̌ bə̂ mə̀ bə̀ yeʼ əkaʼ mɨ̀mə̌d.”

Jn 14:23

Yeso nyaʼa wììrɨ̀ ɨ bɔ ni, “Wə̀d mɔʼɔ mɨ ghaʼ əmɨ, wɨ̀ bɨrɨ zu mɨ ɨŋgam bə̀ nùŋ. Mɨ Mbǎʼ bɨrɨ ghaʼ əməd, əne mɔ̌ mbɨ mɨ Mbǎʼ bɨrɨ wo əsɨ məd pè chubɨ mbɨ məd.

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Efesùs 1:21

Məd wɨə tùmbɨ̀ ɨzwî jìm mbe nɨ yeʼ əton ɨkaŋ, ka à be yeʼi ni mbɨ berɨ ɨka. Ɨkum məd ə chè tɨkum rɨjìm te nɨ mbɨə tɔŋ əkaʼ ə bə̂d tɨ̀nîn fɔrɨ ənɨ mbɨ bɨrɨ tɔŋ ənɨ ə nyùmə̀ we nɨə yeʼe.