Efesùs 4:4 - Meta’

⁴ Nyamnyod ze mɔʼ, Əzwî ə bə̀ ə mɔʼ. Ənû ze nɨ Ŋwiə̀ nyaʼa tɔŋ əwən ni mbə̀ nuŋ ɨkɔndɨ ɨ wòm mɨə bə̀ mei ə mɔʼ.

Ikan feg

⁴ Nyàmnyɔd ya məyi imɔʼ. Azwighi ya bə̀ məyi amɔʼ. Anug ni nɔ̀ŋì ikɔndi ghɔ̀m icheg ne Ŋwiye ya kàri awən ya bə̀ məyi amɔʼ.

Efesùs 4:4 Referans Kwoze

Efesùs 2:18

À yɨə Kristo ghɨ ni mba mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû, tɨ̀ berɨ ɨnə̂njɨ̀ nɨ wò əmbɨ ə Mbǎʼ ənjìm Əzwî ə Zeŋɨ.

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

Efesùs 1:18

Mə wɨə kɔ̀ŋgɨ̀ ə Ŋwiə̀ ni wɨ̀ fiʼ tə fîŋ mbə̀ zə ɨzeŋɨ zeŋɨ ɨmbə̀ʼ mbə̀ kyerɨ ənû mbe nɨ mbɨə nùŋ rɨkɔndɨ wòmə̀, nɨ yeʼ ɨnû mbe nɨ Ŋwìə̀ tɔŋ əwən ɨmbə̀ʼ mbɨwən. Ɨnû mbe yɨ ɨ̀chɔ̀m rɨ mì we nɨ Ŋwìə̀ kaʼ əmbɨ mbi bə̂d.

1 Kɔrèn 12:20

Ɨchî nɨ zɨə yeʼ əne, ɨsɨ ɨnyod nɔnɔʼ mbɨ əŋgu, àyɨə nyamnyod mei mɔʼ.

Kòlosè 1:5

Tɨ̀ wɨə bə̀ nàʼ ɨmbə̀ʼ ɨnû mbe nɨ mbə nuŋ rɨkɔndɨ wòm nɨ Ŋwìə̀ nuŋ ɨ nən ɨkaŋ. Mbə nyaʼa fə be zu ənû zɔ̂ ɨŋga ɨŋgam rəsìʼ we nɨ yeʼ ɨkə̂n chɔ̀m we

Efesùs 5:30

Tɨ̀ yɨə ɨsɨ ɨnyod rɨ ənɨ ə nyamnyod məd.

1 Jɔn 3:3

Əne wə̀d jìm we nɨ nuŋ ɨkɔndɨ wɔ̂ ɨgwɨ məd fə zeŋnɨ i ɨnyod ɨchî nɨ məd ziə bə zeŋ.

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.

Tayitùs 2:13

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ.

Tayitùs 1:2

Təsìʼ wɔ̂ bɨrɨ ghɨ ni tɨ̀ nuŋ rɨkɔndɨ wòm ɨ̀tènɨ̀ rɨ mì we nɨ Ŋwìə̀ kaʼi. Ŋwìə̀ we nɨ chəi wɨə ghà mɨghab nyaʼa kàʼ ɨ̀tènɨ̀ wɔ̂ bɔŋ wɨ̀ nyaʼa sɨə tekɨ ɨsɨg.

2 Tès 2:16

A Ə̀nùŋɨ̀sɨg Yeso Kristo ziə mbɨ Ŋwìə̀ a Mbǎʼ, nɨ ghaʼ əwa ənjìm ɨ̀chɔ̀m məd, nəərɨ əwa koŋ bə̀ ghɨ ni tɨ̀ nuŋ ɨkɔndɨ wòm ɨnû chɔ̀m mbe nɨ wɨ̀ kaʼ ɨ na.

Kòlosè 3:15

Mbə̀ saŋ ə ni əbɔrəbɔd ze nɨ Kristo ə nàʼə̀ ə tumbɨ tə fîŋ. À yɨ ɨmbə̀ʼ əbɔrəbɔd zɔ̂ nɨ Ŋwìə̀ nyaʼa tɔŋ əwən ni mbə̀ yeʼe fɔtɨ ɨŋga nyamnyod mɔʼ. Mbə naʼ məben-əwe əmbɨ ə Ŋwiə̀ ənɨ mɨ̀nyùmə̀ jìm.

Efesùs 2:22

Ənɨ ɨfɔtɨ mbɨ məd, ɨ mbɨə bə̀ bɔmə mbə̀n mbe nɨ kaʼi mɨ̀Jû ənɨ əsɨ ze nɨ Ŋwiə̀ nɨ yeʼ əzwî ə chub əŋgu.

Efesùs 2:16

Kristo nyaʼa kwɨ əzed ə baʼnɨ fɔtɨ tɨnəbɨ tɔ̂ rɨ̀be ənɨ nyamnyod mɔʼ. Əze ə nyaʼa maanɨ taŋ mɨ̀mə̌d əne ghɨ̀ mbɨ wò əmbɨ ə Ŋwiə̀. Zɨə nyaʼa ghɨ̀ ni ənû ze nɨ mbɨ nyaʼə chɔb ɨmbə̀ʼ əzɨ əwən ə mi ə.

Matìyò 28:19

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ.

Tayitùs 3:7

Wɨ̀ nyaʼa nàʼ əne ɨmbə̀ʼ tɨ̀ we tɨ̀ rɨ chè ənjìm ɨ̀chɔ̀m we təm kùʼnɨ̀ ɨfě məd bə̀ jɨg ɨ̀tènɨ̀ rɨ mì we nɨ tɨ̀ nuŋ ɨkɔndɨ ɨ wòm.

1 Timotì 1:1

À yɨə mɔ̌ Pɔ̂l ŋwaʼnɨ ə̀ŋwàʼnɨ̀ zɔ̂. Mə yɨə wə̀d tom Kristo Yeso ɨchî nɨ Ŋwìə̀ we nɨə chɨ̀ əwa rəŋgəʼ mbɨ Kristo Yeso we nɨ tɨ̀ nuŋ ta rɨkɔndɨ ɨgwɨ məd gha.

1 Kɔrèn 10:17

Chiŋ ŋgə̀ŋ mei mɔʼ, əne mbà mbe nɨ nɔʼɔ mbɨə jɨgə tɨ ənɨ ə chiŋ ŋgə̀ŋ ze mɔʼ. Əze ə chwi ni tɨ̀ yɨə nyamnyod mɔʼ.

2 Kɔrèn 11:4

Mə wɨə ghà əne ɨmbə̀ʼ ɨghəm nɨ mbə mbɨə zàmbɨ̀ə̀ benə wə̀d mɔʼɔ we nɨ yeʼe ghà ɨnû ɨ nən ɨmbə̀ʼ ə Yeso cherə chè rɨ ənɨ we nɨ tɨ̀ nyaʼa gha ɨ nən ɨmbə̀ʼ əməd, kɨ̀ ɨmbə̀ʼ əzwî ə cherə chè rɨ ənɨ əze nɨ mbə nyaʼa nɨŋɨ, kɨ̀ mbə zu ɨkə̂n chɔ̀m cherə chè rɨ ənɨ we nɨ mbə nyaʼa benɨ.

Ɨ̀fàʼì 15:11

Àyɨə tɨ̀ benɨ ni tɨ̀ bɨrɨ jwɨ rəŋgəʼ ənjìm ɨ̀chɔ̀m Ə̀nùŋɨ̀sɨg Yeso, àmei ɨchî nɨ mɨ̀mə̌d bɨrɨ bɨ jwɨ̀.”

Rm 11:29

Ŋwìə̀ mɨ fə nàʼ ɨneʼe əmbɨ ə bə̂d bə̀ tɔŋ mɨ̀mə̌d ənɨ mbi, chəi wɨ̀ bɨrɨ wɨrɨ kwepɨ i fîŋ.