Efesùs 4:10 - Meta’

¹⁰ We nɨ nyaʼa swiʼi yɨə bə we nɨ nyaʼa wo chè rɨkaŋ jìm. Wɨ̀ nyaʼa wò ɨmbə̀ʼ ghɨ ni ɨghɨjìm bɔŋ ə màànɨ̀.

Ikan feg

¹⁰ Ane, wə̀d we ne ya swiʼi aseg, à ya məd ya bə kɔʼ ghò ikaŋ àbɔ̀ŋɔ ni si yaʼ inga ighi ijìm isiŋi ijìm.

Efesùs 4:10 Referans Kwoze

Mə̀Hibrù 7:26

Ɨkwɨ ətu ɨgwɨ ə bə̂d mbàn Ŋwìə̀ wɔ̂ fə kàŋ kùʼ ɨ na. Məd ə zeŋ. Chəi ɨgu ənû ɨgwɨ məd. Chəi ɨbə ɨgwɨ məd. Chəi məd əbɔʼ bə̂d mbe nɨə ghɨ̀ ɨnû rɨbɔ̀ŋ. Mbɨ nyaʼa fə bə̀ nɔ̀ əməd ɨkaŋ.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

Kòlosè 2:9

Mɨchî Kristo ənɨ wɨ̀ nyaʼə wə̀d mɨ̀sɔŋɨchù yɨə nyaʼa ɨghabɨ mɨchî Ŋwiə̀.

Kòlosè 1:19

Zɨə nyaʼa bɔ̀ŋ əmbɨ ə Ŋwiə̀ ni Wan məd berɨ mɨchî məd mɨjìm ɨŋga ni.

Matìyò 24:34

Mə ghà rəsìʼ ɨ nən ni, kaʼ ɨghəm bə̂d wɔ̂ bɨrɨ che i zɨ rɨ tɨ̀ ɨnû mbɔ̂ jìm ghɨ̀.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

Efesùs 3:19

Mə wɨə kɔ̀ŋgɨ̀ ə Ŋwiə̀ ni mbə̀ kyerɨ ni ɨchî nɨ Kristo ghaʼ əwən ə chè ɨchî nɨ tɨ̀ bə̂d kyerɨ. Mbə mɨ kàŋ kyerɨ ɨchî nɨ wɨ̀ ghaʼ əwən njɨ mbə mɨ̀chì bɨrɨ sɨ yeʼ ɨghabɨ mɨchî Ŋwiə̀.

Ɨ̀fàʼì 1:9

Ənɨ wɨ̀ nyaʼa fə gha əne, ənɨ bə̂d tom mbe nyaʼə kɨrɨ nèŋə̀, Ŋwìə̀ nyaʼa nɨŋ əməd ɨkaŋ. Pàʼ nyaʼa kən mɨ̀mə̌d ni tɨ mbɨ zə əməd.

Mə̀Hibrù 8:1

Ənû ə kyeŋ nɨ yeʼ ɨŋga ənû zɔ̂ yɨ ni, tɨ̀ berɨ ətu ɨgwɨ ə bə̂d mbàn Ŋwìə̀ nɨ yeʼ ɨghabɨ wɔ̂ nɨ tɨ̀ gha ɨmbə̀ʼ əməd. Ɨ wɨ ɨkaŋ əbà əbɔ ə jɨg ətən ɨfɔ̀n ə Ŋwiə̀ Ə̀chè-ɨsɨg.

Ɨ̀fàʼì 3:18

Àyɨə ənû ze nɨ Ŋwìə̀ nyaʼa che ənjìm mbi bə̂d ɨ̀kə̀n mɨjìm ghà rəŋwe ni Wə̀d məd we nɨ wɨ̀ zɔʼɔ berɨ zə ŋgəʼ, wɨ̀ fə ghɨ̀ zɨə jwɨ̀ ənɨ rəsìʼ.

Ɨ̀fàʼì 2:33

Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.

Ɨ̀fàʼì 1:11

Mbaŋə̀ te nyaʼa ghà ni, “Mbaŋə̀ tɨ rɨ ə Galiliî, mbə təm əgha ɨ neŋ ɨkaŋ ɨmbə̀ʼ ə yè ə? Yeso wɔ̂, nɨ Ŋwìə̀ fə nɨŋ rəkaʼ nən ɨkaŋ, bɨrɨ bəndɨ yeʼe àmei ɨchî nɨ mbə̀ zə ənɨ wɨə wò ɨkaŋ.”

Jn 19:36

Ɨnû mbɔ̂ nyaʼa ghɨ̀ ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ ni, “Chəi mbɨ bɨrɨ buʼrɨ əwu əməd ə mɔʼɔ.”

Jn 19:28

Yeso nyaʼa kyerɨ ni ɨnû jìm fə mì i, əne ɨ ghɨ ni ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ, wɨ̀ nyaʼa ghà ni, “Ədɔʼ ə zɨə ne əmɨ.”

Jn 19:24

Mbɨ nyaʼa nɨŋ əne ghà mbənə mbənə ni, “Tɨ rɨ seerɨ a ngywɨ̌ zɔ̂, àyɨə tɨ̀ sɔŋ mbaŋ zə wə̀d we nɨ bɨrɨ jɨg. Ənû zɔ̂ ə nyaʼa ghɨ̀ ɨmbə̀ʼ ɨŋgam Ŋwiə̀ we nɨ mbɨ nyaʼa ŋwaʼnɨ jwɨ ənɨ rəsìʼ ni, Mbɨ nyaʼa ghàpɨ̀ tɨ ngywɨ̌ əkaʼ mɨ̀mə̌d, bə̀ sɔ̀ŋ mbaŋ ɨmbə̀ʼ jɨg mɨ ngywɨ̌ ze rɨŋga.” À yɨ ənû nɨ mɨ̀sɔgyɨ̀ mbe nyaʼa ghɨ̌.

Jn 1:16

Ɨ̀chɔ̀m ə swi ɨgwɨ məd, əne ɨ wɨə ghɨ̀ ni tɨ̀ jɨg ɨ̀chɔ̀m we. Ɨ wɨ̀ rəbə naʼ i əbɔrəbɔd naʼ ɨ na ɨghəm jìm.

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

2 Kɔrèn 12:2

Mə kyerɨ mbaŋə̀ Kristo mɔʼɔ, nɨ ɨghəm ɨwu fə che wum chɔ̀b rɨkwè, nɨ Ŋwìə̀ nyaʼa ghɨ̌ wɨ̀ wò ɨkaŋ we nɨ che rɨkaŋ jìm. Kɨ̀ wɨ̀ nyaʼa wo ənɨ i nyamnyod kɨ̀ ənɨ əzwî, chəi mə kyerɨ, à yɨə Ŋwìə̀ kyerɨ.