Efesùs 3:5 - Meta’

⁵ Chəi Ŋwìə̀ nyaʼa ghɨ ni tɨ̀ghə̀m rɨ bə̂d te nɨ nyaʼa fə che kyerɨ ənû zɔ̂ ɨchî nɨ wɨ̀ fə che ənjìm Əzwî tɨ̀nîn chwi əmbɨ mbi bə̂d tom zeŋɨ bə̀ chwi əmbɨ mbi bə̂d ɨ̀kə̀n.

Ikan feg

⁵ Inga ineg mbe aneg, chəyi Ŋwiye ya ghi gha bəd kyeri anug azo̰. Àsi amad anìŋ, Ŋwiye fə chè anjìm Azwighi məd chwi inug mbo̰ abə ìmbi bədtɔm ìzḛzḛ bə̀ chwi abə ìmbi bədkə̀n.

Efesùs 3:5 Referans Kwoze

Jûd 1:17

Àyɨə mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kɔndɨ ɨnû mbe nɨ bə̂d tom a Ə̀nùŋɨ̀sɨg Yeso Kristo nyaʼa fə gha ɨ nən.

2 Pità 3:2

Mə kə̀b ni mbə̀ kɔndɨ ɨŋgam we nɨ bə̂d ɨ̀kə̀n Ŋwiə̀ zeŋɨ nyaʼa ghàm rəŋwe bə̀ kɔndɨ rɨkə te nɨ Ə̀nùŋɨ̀sɨg nɨ chɨ̀ə̀ bə̂d rəŋgəʼ nyaʼa che ənjìm mbə bə̂d tom nàʼ ɨ nən.

Efesùs 2:20

nɨ mbɨ bɔm ɨgun əchɨ ze nɨ bə̂d tom Kristo mbɨ ə bə̂d ɨ̀kə̀n Ŋwiə̀ nyaʼa bɔmɨ. À yɨə Kristo Yeso ziə nɨ yeʼ ɨti rɨ ɨbu nəb.

Efesùs 3:9

Wɨ̀ nyaʼa bə̀ chɔʼ əmɨ ni mə̀ ghɨ wə̀d jìm kyerɨ ənû zɔ̂ nɨ yeʼ ənə̀mə, nɨ Ŋwìə̀ we nɨ nyaʼa tekɨ ɨghɨjìm, nyaʼa nə̀m ɨŋga i fîŋ tɨ ənɨ wɨ̀ nyaʼa tekɨ ɨsɨg.

Ɨ̀fàʼì 10:28

Wɨ̀ nyaʼa ghà əmbɨ mɨ̀mə̌d ni, “Mbə kàŋ kyerɨ ə ni chəi ta rɨkə chwi ni Jû jɨgnɨ kɨ̀ bè mò wə̀d əbeŋ ə cherə. Àyɨə Ŋwiə̀ fə chwi ɨ num ni tɨ mə tɔŋ əmɨ wə̀d mɔʼɔ ənɨ wə̀d nɨ rɨka zeŋ i, kɨ̀ ənɨ ə wə̀d nɨ chəi ənɨ tɨ̀ mbɨ jɨgnɨ mbɨ məd.

Lk 10:24

Mə ghà ɨ nən ni bə̂d ɨ̀kə̀n nɔnɔʼ mbɨ mɨfɔ̂n nɔnɔʼ nyaʼa kə̀b zə ɨghɨ mbe nɨ mbə̀ə zəə, àyɨə chəi mbɨ nyaʼa zə. Mbɨ nyaʼa bə̀ kəb zu ɨnû mbe nɨ mbə̀ə zuə, àyɨə chəi mbɨ nyaʼa zu.”

Jn 14:26

Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

Matìyò 13:17

Mə ghà rəsìʼ ɨ nən ni, bə̂d ɨ̀kə̀n Ŋwiə̀ nɔnɔʼ mbɨə bə̂d nɨə ghɨ̀ ɨnû nɨ kuʼnɨ nyaʼa kàŋ kə̀b zə ɨnû mbe nɨ mbən ə zəə, àyɨə chəi mbɨ nyaʼa zə. Mbɨ nyaʼa bə̀ kə̀b nɨ zu ɨnû mbe nɨ mbən ə zuə, àyɨə chəi mbɨ nyaʼa zu.

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

Jn 16:13

Ənɨ Əzwî ze nɨə ghɨ̀ ni bə̂d kyerɨ rəsìʼ ə yeʼe, wɨ̀ bɨrɨ chwi rəsìʼ jìm ɨ nən. Ka wɨ̀ bɨrɨ gham i ənɨ i ɨghəm. Wɨ̀ bɨrɨ ghà yeʼ ənû ze nɨ wɨ̀ zǔ. Wɨ̀ bɨrɨ zeŋnɨ mbə ɨtu ɨmbə̀ʼ ɨnû mbe nɨ yeʼ ɨmbì.

Matìyò 23:34

Mə bɨrɨ tom bə̂d ɨ̀kə̀n, tom bə̂d ɨwe bə̀ tom məchwiə̀ rɨ̀kə̌ əsɨ nən. Mbə bɨrɨ zwiirɨ mbɨ mɔʼɔ, kòmbɨ̀ mbɨ mɔʼɔ əzed ə baʼnɨ, te mbɨ mɔʼɔ ənɨ ə ŋgwad ɨŋga tə nəb ə̀kàtɨ̀, bə̀ nwèndɨ̀ tɨkyerɨ-ɨwu mbɨ mɔʼɔ, kɔ rɨŋga əsɨ ə fibɨ̀ wò pè ɨŋga əzɨ ə cherə,

Lk 11:49

Ŋwìə̀ nyaʼa fə we i əne ghà ɨmbə̀ʼ ənû zɔ̂ ni, 'Mə bɨrɨ cha bə̂d ɨ̀kə̀n bə̀ chà bə̂d tom əsɨ mɨ̀mə̌d. Mbɨ bɨrɨ zwiirɨ mbɨ mɔʼɔ bə̀ nwèndɨ̀ tɨkyerɨ-ɨwu mbɨ cherə.'

1 Kɔrèn 2:10

Àyɨə Ŋwìə̀ fə chwi ɨnû mbe ɨ na ənjìm Əzwî əməd. Əzwî ze ə zɨə kyèʼ ɨnû jìm, ka àbei ɨnû mbe nɨ yeʼ ənə̀mə ɨmbə̀ʼ ə Ŋwiə̀.

Matìyò 20:7

“Mbɨ nyaʼa wììrɨ̀ ɨ bɔ ni, 'À yɨ ɨmbə̀ʼ ɨghəm nɨ chəi wə̀d mɔʼɔ naʼ ə̀fàʼì ɨ na.' “Ənɨ mbɨ nyaʼa wììrɨ̀ əne, wɨ̀ nyaʼa ghà əmbɨ mɨ̀mə̌d ni, 'Mbə̀ bə wò fàʼ ɨŋga mɨ mbeŋ vaìn.'